Aadavallu Meeku Johaarlu: చూడముచ్చటగా శర్వా- రష్మిక జోడీ.. అలరిస్తున్న ‘ఆడవాళ్లు..’ ట్రైలర్‌

ఇంటర్నెట్‌ డెస్క్‌: శర్వానంద్‌, రష్మిక జంటగా నటించిన కుటుంబ కథాచిత్రం ‘ఆడవాళ్లు మీకు జోహార్లు’. కిశోర్‌ తిరుమల దర్శకత్వ వహించారు. ఈ సినిమాను మార్చి 4న ప్రేక్షకుల ముందుకు తీసుకొస్తున్న నేపథ్యంలో చిత్ర బృందం ప్రచారాన్ని వేగవంతం చేసింది. ఈ క్రమంలో ఇప్పటికే కొన్ని పాటలు, టీజర్‌లను విడుదల చేయగా తాజాగా ట్రైలర్‌ను రిలీజ్‌ చేసింది. టైటిల్‌కు తగ్గట్టే మహిళలకు ప్రాధాన్యమున్న కథతో ఈ సినిమాను రూపొందించినట్టు తెలుస్తోంది. ఖుష్బూ, రాధిక, ఊర్వశి వంటి సీనియర్‌ నటీమణులు ట్రైలర్‌లో ప్రత్యేక ఆకర్షణగా నిలిచారు. ఈ తారలు కనిపించిన ప్రతి ఫ్రేమూ చూడముచ్చటగా ఉంది. శర్వానంద్‌, రష్మిక జోడీ అందరినీ ఆకట్టుకునేలా ఉంది. సుధాకర్‌ చెరుకూరి నిర్మించిన ఈ సినిమాకి దేవిశ్రీ ప్రసాద్‌ సంగీతం అందించారు. ఈ చిత్రానికి కూర్పు: శ్రీకర్‌ ప్రసాద్‌, ఛాయాగ్రహణం: సుజిత్‌ సారంగ్‌.