‘ఇష్క్‌’ నుంచి ‘ఆగలేకపోతున్నా..’

ఇంటర్నెట్‌ డెస్క్‌: తేజ సజ్జ, ప్రియాప్రకాశ్‌ వారియర్‌ జంటగా నటిస్తున్న చిత్రం ‘ఇష్క్‌’(Not a Love Story). ఇప్పటికే విడుదలైన ఈ సినిమా ట్రైలర్‌ యువతను బాగా ఆకట్టుకుంటోంది. తాజాగా.. ఈ చిత్రం నుంచి ‘ఆగలేకపోతున్నా..’ అంటూ సాగే ప్రేమ గీతాన్ని విడుదల చేశారు. ఈ చిత్రాన్ని కొత్త దర్శకుడు ఎస్‌.ఎస్‌.రాజు తెరకెక్కిస్తున్నారు. ఆర్‌.బి.చౌదరి సమర్పణలో ఎన్వీప్రసాద్‌, పారస్‌ జైన్‌, వాకాడ అంజన్‌కుమార్‌ సంయుక్తంగా నిర్మిస్తున్నారు. ఏప్రిల్‌ 23న ప్రేక్షకుల ముందుకు రానుంది. కాగా.. తాజాగా విడుదలైన ఈ పాటకు శ్రీమణి లిరిక్స్‌ అందించారు. మహతిస్వర సాగర్‌ బాణీలు సమకూర్చగా.. అనురాగ్‌ కులకర్ణి ఆలపించారు. ఆలస్యమెందుకు.. మీరూ పాటను ఆస్వాదించండి మరి.