Naga Shaurya: కల్యాణ వైభోగమే..

తన సినిమా కోసం ‘కల్యాణ వైభోగమే’ అంటూ చాలా రోజుల కిందటే పాడుకున్న యువ కథానాయకుడు నాగశౌర్య (Naga Shaurya)... వ్యక్తిగత జీవితంలో మాత్రం ఆదివారమే అనూష శెట్టితో కలిసి ఏడడుగులు వేశారు. ఈ జంట వివాహానికి బెంగళూరులోని ఓ ఫైవ్‌స్టార్‌ హోటల్‌ వేదికైంది. కుటుంబ సభ్యులు, సన్నిహితుల సమక్షంలో జరిగిన సంబరాలు శనివారం నుంచే మొదలయ్యాయి. ముందస్తు పెళ్లి సంబరాల్లో భాగంగా మెహందీ వేడుకని నిర్వహించారు. ముహూర్తం మేరకు ఆదివారం ఉదయం 11.25 గంటలకి నాగశౌర్య, అనూష జంట పెళ్లితో ఒక్కటయ్యారు. అనూష శెట్టి బెంగళూరుకి చెందిన ఇంటీరియర్‌ డిజైనర్‌. పెళ్లి తర్వాత బంతి భోజనంతో విందుని ఏర్పాటు చేశారు.