Namitha: కవలలకు జన్మనిచ్చిన సినీనటి నమిత

ఇంటర్నెట్‌ డెస్క్‌:  సినీ నటి నమిత (Namitha) పండంటి కవలల (twins)కు జన్మనిచ్చారు. ఈ విషయాన్ని ఆమె ఇన్‌స్టాగ్రామ్‌ వేదికగా వెల్లడించారు. చెన్నై(Chennai) సమీపంలోని  ఓ ఆస్పత్రిలో ఇద్దరు మగ శిశువులకు జన్మనిచ్చినట్టు తెలిపారు. తామంతా ఆరోగ్యంగానే ఉన్నట్లు పేర్కొన్నారు. ఇకపైనా అభిమానుల ఆశీస్సులు తమకు ఉండాలని కోరారు. తాను ప్రసవించిన ఆసుపత్రి యాజమాన్యానికి, గర్భం దాల్చినప్పట్నుంచి వైద్యపరమైన సలహాలు, సూచనలు అందించిన వైద్యులందరికీ ఈ సందర్భంగా ఆమె కృతజ్ఞతలు తెలిపారు. కవలలను ఎత్తుకొని భర్తతో ఉన్న వీడియోను ఇన్‌స్టాలో పంచుకున్నారు. సొంతం, జెమిని, సింహా తదితర తెలుగు చిత్రాలతో పాటు అనేక తమిళ చిత్రాల్లో నటించిన నమిత.. తన అందం, అభినయంతో వెండితెరపై ప్రేక్షకుల్ని మెప్పించారు.