NTR: దాని వల్లే నా జీవితంలో మార్పొచ్చింది.. ఆ లోటు ఎప్పటికీ ఉంటుంది: ఎన్టీఆర్
ప్రముఖ హీరో ఎన్టీఆర్ పుట్టినరోజు నేడు. ఈ సందర్భంగా ఆయన గురించి ప్రత్యేక కథనం..
బాల నటుడిగా తెరంగేట్రం చేసి, నూనూగు మీసాల వయసులోనే టాలీవుడ్లో సరికొత్త రికార్డు సృష్టించాడు. నేర్చుకున్నది కూచిపూడి నృత్యమే అయినా అన్ని రకాల డ్యాన్స్ల్లో ‘అదుర్స్’ అనిపించుకున్నాడు. ‘నటనలో నీ తర్వాతే ఎవరైనా’ అనేలా నవరసాలను అలవోకగా పలికించగలడు. అతడెవరో ఇప్పటికే అర్థమై ఉంటుందిగా?ఎన్టీఆర్ (NTR) పుట్టిన రోజు (1983 మే 20) నేడు. ఈ సందర్భంగా ఆయన పర్సనల్ లైఫ్, ప్రొఫెషనల్ ప్రొఫైల్పై ఓ లుక్కేద్దాం (Happy Birthday NTR)..
అమ్మ.. బలం
ఎన్టీఆర్ పుట్టి, పెరిగింది హైదారాబాద్లోనే. బాల్యంలో బాగా అలర్లి చేసేవాడు. క్రికెట్, సినిమాలు, షికార్లు, స్నేహితులతో గొడవలు.. ఇలా ఇష్టం వచ్చినట్టు చేస్తుంటే.. ఓ సందర్భంలో బాగా విసిగిపోయిన వాళ్లమ్మ శాలిని హ్యాంగర్తో కొట్టారట. ఓ ఇంటర్వ్యూలో ఈ జ్ఞాపకాలు గుర్తుచేసుకుంటూ ‘నేనంటే అమ్మకు ప్రాణం. అలాగని గారాబం చేసేది కాదు. వాస్తవంలో బతకడం నాకు అమ్మే నేర్పింది. నాలో ఆత్మవిశ్వాసం పెరగడానికి అమ్మే కారణం. ఆమె నా బలం, బలగం’ అని ఎన్టీఆర్ తెలిపాడు.
నాన్న.. ప్రాణం
ప్రాణంగా భావించే తన నాన్న హరికృష్ణను తలచుకుంటూ ‘‘ఊహ తెలిసినప్పటి నుంచీ చనిపోయేవరకు ఆయన ఒకే దృక్పథంతో ఉన్నారు. ఆయనలా బతకడం చాలా కష్టం’’ అని ఓ సందర్భంలో భావోద్వేగానికి లోనయ్యాడు. రోడ్డు ప్రమాదం కారణంగా తండ్రిని కోల్పోయిన ఎన్టీఆర్.. ప్రయాణ సమయంలో చాలా జాగ్రత్తగా ఉండాలని, తమ కోసం కుటుంబం వేచి చూస్తుందని తన ప్రతి సినిమా వేడుకకు హాజరయ్యే అభిమానులకు విజ్ఞప్తి చేస్తుంటాడు. అభిమానులూ తన కుటుంబ సభ్యులే అంటుంటాడు.
తాత.. ప్రపంచం
ఎన్టీఆర్ అసలు పేరు తారక్ రామ్. తన తాత సూచనతో నందమూరి తారక రామారావుగా మారాడు. అదెలా అంటే?.. ఓ రోజు సీనియర్ ఎన్టీఆర్ నుంచి కబురు రాగా తారక్ వెళ్లాడు. అప్పట్లో అబిడ్స్లో ఉండే సీనియర్ ఎన్టీఆర్.. ‘లోపలికి రండి’ అంటూ తారక్ని ఇంట్లోకి ఆహ్వానించారు. ‘పేరేంటి?’ అని ఆయన అడగ్గా.. తారక్ తన పేరు చెప్పాడు. వెంటనే, హరికృష్ణని పిలిచి.. ‘నందమూరి తారక రామారావు అని పేరు మార్చండి’ అంటూ ఆజ్ఞాపించారు. ‘‘ఆ క్షణం నుంచి నేను తాత చేయి వదల్లేదు. ఆయనా నన్ను వదిలి ఉండేవారు కాదు. కాస్త బొద్దుగా ఉండే నాకు అన్ని రకాల వంటకాలు రుచి చూపిస్తూ ఇంకా బొద్దుగా మార్చేశారు’’ అని ఓ సందర్భంలో తాత జ్ఞాపకాలు నెమరువేసుకున్నాడు ఎన్టీఆర్.
భార్య.. వరం
‘‘ప్రణతి నాకు దేవుడిచ్చిన వరం’’ అని ఎన్టీఆర్ భార్యపై ఉన్న ప్రేమను చాటుకున్నాడు. ఈ దంపతులకు ఇద్దరు అబ్బాయిలు (అభయ్, భార్గవ్). కాగా, కూతురు లేదనే లోటు ఎప్పటికీ ఉంటుందని ఎన్టీఆర్ ఓ సందర్భంలోతన మనసులో మాట బయటపెట్టాడు. తన సోదరుడు, హీరో కల్యాణ్ రామ్ అంటే ఎన్టీఆర్కు ఎంతో ప్రేమ.
స్నేహం.. ఆనందం
ఎన్టీఆర్ స్నేహానికీ అధిక ప్రాధాన్యత ఇస్తాడు. స్కూల్ ఫ్రెండ్స్ స్నేహల్, లవ్రాజ్ సహా సినీ నటుడు రాజీవ్ కనకాలతో ఆయన ప్రతి విషయాన్ని పంచుకుంటాడు. హీరోలు రామ్చరణ్, మహేశ్బాబు, అల్లు అర్జున్తో క్లోజ్గా ఉంటాడు. ఎన్టీఆర్- చరణ్ సోదరుల్లా ఉంటారనే సంగతి ‘ఆర్ఆర్ఆర్’ (RRR) చిత్రం ద్వారా ప్రతి ఒక్కరికీ తెలిసింది. వీరిద్దరూ ‘ఆస్కార్’ వేదికపైకి వెళ్లిన విషయం విదితమే.
నటనకు శ్రీకారం..
ఓ రోజు ‘మేజర్ చంద్రకాంత్’ షూటింగ్ చూసేందుకు తారక్ వెళ్లాడు. తన తాత మేకప్మ్యాన్ను పిలిచి తారక్కు మేకప్ వేయమని చెప్పారు. ‘బ్రహ్మర్షి విశ్వామిత్ర’ చిత్రాన్ని హిందీలో తీస్తున్నామని, అందులో భరతుడి పాత్ర పోషించాలని తారక్కు తెలిపారు. అలా నటనలో ఓనమాలు నేర్చుకున్న ఎన్టీఆర్ కొన్నాళ్ల తర్వాత ‘రామాయణం’లో నటించాడు. ఆ తర్వాత, చదువుని అశ్రద్ధ చేస్తాడేమోనని కుటుంబ సభ్యులు సినిమాల జోలికి వెళ్లనివ్వలేదు. ఇంతకీ ఎన్టీఆర్ ఎక్కడ చదువుకున్నాడో మీకు తెలుసా..?
తొలి ప్రయత్నం.. సందేహం
హైదరాబాద్లోని విద్యారణ్య స్కూల్లో ప్రాథమిక విద్య, సెయింట్ మేరీ కళాశాలలో ఇంటర్మీడియెట్ పూర్తి చేశాడు ఎన్టీఆర్. జాగ్రఫీ అంటే తారక్కు బాగా ఇష్టం. అమ్మ ప్రోత్సాహంతో ‘కూచిపూడి’ శిక్షణ పొందాడు. 12 ఏళ్ల సాధనలో దేశవ్యాప్తంగా వందకిపైగా ప్రదర్శనలు ఇచ్చాడు. 2001లో ‘నిన్ను చూడాలని’ సినిమా అవకాశం అందుకున్నాడు. హీరోగా తెరపై తనను తాను చూసుకుని ‘నటనకు పనికొస్తానా?’ అని ప్రశ్నించుకున్నాడు. ‘స్టూడెంట్ నెం. 1’తో అలాంటి సందేహాలకు ఫుల్స్టాప్ పెట్టాడు. ‘ఆది’తో స్టార్డమ్ సొంతం చేసుకున్నాడు. రెండు ‘నంది’ సహా పలు అవార్డులు అందుకున్నాడు. హీరోగా సుమారు 22 ఏళ్ల ప్రస్థానంలో.. ప్రస్తుతం 30వ సినిమా ‘దేవర’ (Devara)లో నటిస్తున్నాడు.
ఆలోచనల్ని మార్చిన ప్రమాదం
ఎన్టీఆర్ 2009లో కారు ప్రమాదానికి గురైన సంగతి తెలిసిందే. అదే తన జీవితంలో మార్పు తీసుకొచ్చిందని ఓ సందర్భంలో వివరించాడు. ఆ యాక్సిడెంట్ జరిగిన తర్వాత నుంచి చాలా కూల్ ఉంటున్నానని, బాధలోనూ నవ్వడం నేర్చుకున్నానని చెప్పాడు.
కోపమొచ్చిన సందర్భం
ఎన్టీఆర్ తన బరువుని కంట్రోల్లో పెట్టుకోలేకపోయాడు. బరువు తగ్గాలని అనుకోవడమేగానీ ప్రయత్నం చేయలేదు. ‘హరికృష్ణకు నాన్నలా ఉన్నావ్’ అనే విమర్శలూ ఎదుర్కొన్నాడు. ‘రాఖీ’ సినిమాలోని లుక్ చూశాక ‘సన్నబడేందుకు ఎందుకు ప్రయత్నించలేకపోతున్నా’ అని తనపై తానే కోపగించుకున్నాడు. ఆ తర్వాత, రాజమౌళి ఇచ్చిన ప్రోత్సాహంతో ‘యమదొంగ’ కోసం స్లిమ్గా మారి, అందరినీ ఆశ్చర్యపరిచాడు.
ఇవి ప్రత్యేకం..
- జపాన్లో విశేష క్రేజ్ ఉన్న ఏకైక తెలుగు నటుడు ఎన్టీఆర్.
- ‘ఫోర్బ్స్ ఇండియా’ సెలబ్రిటీ లిస్ట్లో రెండు సార్లు నిలిచాడు.
- ఎన్టీఆర్లో మంచి గాయకుడు ఉన్నాడు. ఆయన గొప్ప వ్యాఖ్యాత కూడా.
- పలు భాషల్లో అనర్గళంగా మాట్లాడగలడు. తన వాగ్ధాటితో ఇప్పటికే అన్ని చిత్ర పరిశ్రమల వారిని ఆకర్షించాడు.
- తారక్కి ‘9’ అంటే ఇష్టం. 9999.. తన కారు నంబరు ప్లేటుపైనే కాదు ట్విటర్ ఖాతాలోనూ కనిపిస్తుంది.
- ఆల్టైమ్ ఫేవరెట్ సాంగ్: మాతృదేవోభవ సినిమాలోని ‘రాలిపోయే పువ్వా నీకు రాగాలెందుకే’.
- ఫేవరెట్ మూవీ: దాన వీర శూర కర్ణ.
- ఇంటర్వెల్ వరకూ ఎన్టీఆర్ మాట్లాడని సినిమా ‘నరసింహుడు’.
- ‘ఆంధ్రావాలా’ ఆడియో విడుదల వేడుక రికార్డు నెలకొల్పింది. నిమ్మకూరులో జరిగిన ఆ ఈవెంట్కు రైల్వే అధికారులు ప్రత్యేక రైళ్లు ఏర్పాటు చేయడం విశేషం. సుమారు 10 లక్షల మంది అభిమానులు పాల్గొన్నారు.
- ఎన్టీఆర్ 20 ఏళ్ల క్రితం నటించిన ‘సింహాద్రి’.. ఆయన పుట్టినరోజు సందర్భంగా 1000 స్క్రీన్లలో శనివారం రీ రిలీజ్ అయింది. సినిమా రీ రిలీజ్లో అన్ని స్క్రీన్లలో ప్రదర్శితమవడం రికార్డు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు. -
రికార్డుల్లోనూ ఫస్టే ఈ నేషనల్ క్రష్.. రష్మిక ఖాతాలో ఘనతలెన్నో!
రష్మిక పుట్టినరోజు సందర్భంగా ఆమె సొంతంచేసుకున్న కొన్ని రికార్డులను చూద్దాం.. -
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది? -
Jeethu Joseph: 17 సినిమాలు.. మూడే ఫ్లాప్లు.. చైనీస్, ఇండోనేషియా, కొరియాలోనూ రీమేక్ అయిన మొదటి భారతీయ సినిమా ఆయనదే!
Jeethu Joseph: మోహన్లాల్ కథానాయకుడిగా జీతూ జోసెఫ్ తెరకెక్కించిన ‘నెరు’ ఓటీటీలో దూసుకుపోతోంది. ఈ క్రమంలో జీతూ గురించి ఆసక్తికర విషయాలు.. -
Chiranjeevi: ఆ అవమానమే.. సుప్రీం హీరోను మెగాస్టార్ చేసింది: పద్మ విభూషణ్ చిరంజీవి ప్రయాణమిది!
ప్రముఖ నటుడు చిరంజీవికి అత్యున్నత పురస్కారాల్లో ఒకటైన ‘పద్మ విభూషణ్’ అవార్డు వరించింది. ఈ సందర్భంగా ఆయన గురించి ప్రత్యేక కథనం.. -
Salaar Part 2: ఈ ప్రశ్నలకు సమాధానం... ‘సలార్-2: శౌర్యాంగ పర్వం’ చెబుతుంది!
‘సలార్’ పార్ట్-1 చూసిన వారందరూ ఇప్పుడు పార్ట్-2 ‘శౌర్యాంగ పర్వం’ కోసం ఎదురు చూస్తున్నారు. మరి ఈ భాగంలో ఏయే ప్రశ్నలకు సమాధానం లభించనుంది? -
Telugu Movies: రిపబ్లిక్ డే ‘డబ్బింగ్’ చిత్రాలదే.. ఆ రోజు ‘ఈగల్’ సింగిల్గా..?
రిపబ్లిక్ డే సందర్భంగా విడుదలకానున్న చిత్రాలు, ఫిబ్రవరి రెండో వారంలో రాబోతున్న సినిమాలపై ప్రత్యేక కథనం..
తాజా వార్తలు (Latest News)
-
కాబోయే ప్రధాని రాహుల్ గాంధీనే: సీఎం రేవంత్రెడ్డి
-
అల్లు అర్జున్ సినిమాలో నటించే అవకాశం వచ్చింది.. కానీ: విశాల్
-
ఇంటినే చక్కదిద్దలేరు.. ఇక రాష్ట్రాన్ని ఎలా?: అనురాగ్ ఠాకూర్
-
బందరుకు ఏం చేశారో చెప్పే ధైర్యం నీతుల నానికి ఉందా?: చంద్రబాబు
-
గుజరాత్ను వణికించిన దిల్లీ
-
దేశ సరిహద్దులు పూర్తిగా సురక్షితమే: రాజ్నాథ్ సింగ్