Prabhas: మరో అరుదైన ఘనత సాధించిన ప్రభాస్‌.. ఆ జాబితాలో నెంబర్‌ 1

ఇంటర్నెట్ డెస్క్‌: ‘బాహుబలి’ చిత్రంతో ప్రపంచస్థాయిలో గుర్తింపు పొందిన నటుడు ప్రభాస్.. మరో అరుదైన ఘనత సాధించాడు. బ్రిటన్‌కు చెందిన ‘ఈస్టర్న్-ఐ‘ వీక్లీ విడుదల చేసిన 2021 దక్షిణాసియా ప్రముఖుల జాబితాలో ప్రభాస్ మొదటి స్థానంలో నిలిచాడు. సెలబ్రిటీస్ ఇన్ ది వరల్డ్ జాబితా.. ‘ఈస్టర్న్-ఐ’లో ఇవాళ ప్రచురితం కానుంది. సినిమా, టీవీ, సాహిత్యం, సంగీతం, సోషల్ మీడియా ప్రపంచంలోని అనేకమంది గ్లోబల్ స్టార్‌ల కంటే ప్రభాస్ ముందు వరుసలో నిలిచాడు. 2021లో విశేషంగా అభిమానులను ఆకర్షించిన 50మంది ప్రముఖులతో ‘ఈస్టర్న్-ఐ’ తాజా జాబితాను రూపొందించింది. బ్రిటిష్ పాకిస్థానీ నటుడు రియాజ్ అహ్మద్ ఈ జాబితాలో రెండో స్థానంలో నిలిచాడు. ప్రియాంక చోప్రా మూడో స్థానం, ఇండియన్ అమెరికన్ మిండీ కాలింగ్ నాలుగు, సింగర్ శ్రేయా ఘోషల్ ఐదో స్థానంలో నిలిచారు. ప్రస్తుతం ప్రభాస్ రాధేశ్యామ్, ఆదిపురుష్, సలార్, స్పిరిట్ చిత్రాల్లో నటిస్తున్నాడు. సంక్రాంతి కానుకగా జనవరి 14న రాధేశ్యామ్ విడుదల కానుంది.

► Read latest Cinema News and Telugu News