Samantha: ‘యశోద’లో ముకుందన్‌

సమంత ప్రధాన పాత్రలో హరి - హరీష్‌ సంయుక్తంగా తెరకెక్కిస్తున్న పాన్‌ ఇండియా చిత్రం ‘యశోద’. శివలెంక కృష్ణప్రసాద్‌ నిర్మాత. వరలక్ష్మీ శరత్‌ కుమార్‌ కీలక పాత్రలో నటిస్తోంది. ఇప్పుడీ సినిమాలో మలయాళ నటుడు ఉన్ని ముకుందన్‌ కూడా భాగమయ్యారు. ఆయనిందులో ఓ ముఖ్య పాత్రలో కనిపించనున్నట్లు చిత్ర బృందం అధికారికంగా ప్రకటించింది. ఈ సందర్భంగా నిర్మాత మాట్లాడుతూ ‘‘ఇదొక విభిన్నమైన థ్రిల్లర్‌ కథాంశంతో రూపొందుతోంది. మునుపెన్నడూ చేయని ఓ సరికొత్త పాత్రలో సమంత కనిపించనుంది. ఇలాంటి సినిమాలో ఉన్ని ముకుందన్‌, వరలక్ష్మీ శరత్‌ కుమార్‌ లాంటి నటులు భాగమైనందుకు సంతోషిస్తున్నామ’’న్నారు.