Venkat: నేను వద్దన్న అమ్మాయినే హీరోయిన్‌గా చేశారు: వెంకట్‌

హైదరాబాద్‌: తన మొదటి చిత్రం ‘సీతారాముల కల్యాణం చూతుమురారండి’ విజయం సాధించినా, చిరంజీవి ‘అన్నయ్య’తోనే తనకు మంచి గుర్తింపు వచ్చిందని నటుడు వెంకట్‌(Venkat) అన్నారు. ఆలీ వ్యాఖ్యాతగా ఈటీవీలో ప్రసారమయ్యే ‘ఆలీతో సరదాగా’ కార్యక్రమానికి విచ్చేసిన ఆయన ఎన్నో సరదా సంగతులు పంచుకున్నారు. ‘సీతారాముల కల్యాణం..’ చిత్రీకరణలో భాగంగా దిగ్గజ నటుడు నాగేశ్వరరరావు తన చెంప పగలకొట్టారని గుర్తు చేసుకున్నారు. విజయశాంతి తమ ఫ్యామిలీ ఫ్రెండ్‌ అని, తమ కుటుంబంతో ఉన్న పరిచయం కారణంగానే గాంధీ టెక్స్‌కు మోడలింగ్‌ చేశారని వెంకట్‌ చెప్పారు. ‘సీతారాముల కల్యాణం...’లో హీరోయిన్‌ను ఎంపిక చేద్దామని వైవీఎస్‌ చౌదరి ముంబయి వెళ్తే, అప్పుడు చాందినిని వద్దని చెప్పానని, అయితే, ఆమెనే హీరోయిన్‌గా ఎంపిక చేశారని వెంకట్ గుర్తు చేసుకున్నారు. ‘ఆ అయిదుగురు’ చిత్రీకరణ సందర్భంగా ప్రమాదం జరిగి మూడు నెలలు మంచంపైనే ఉండాల్సి వచ్చిందని చెప్పుకొచ్చారు. మార్చి 7న ఈ కార్యక్రమం ప్రసారం కానుంది.