Hansika: ఘనంగా హన్సిక - సోహైల్‌ వివాహం.. ఒక్కటైన ప్రేమజంట

ఇంటర్నెట్‌డెస్క్‌: నటి హన్సిక (Hansika) వివాహం ఘనంగా జరిగింది. తన ప్రియుడు, వ్యాపార భాగస్వామి సోహైల్‌తో ఆమె ఏడడుగులు వేశారు. జైపుర్‌లోని రాజకోట వేదికగా ఆదివారం రాత్రి సింధి సంప్రదాయంలో వీరి వివాహం జరిగింది. కుటుంబసభ్యులు, సన్నిహితులు ఈ వేడుకలో పాల్గొని నూతన జంటకు శుభాకాంక్షలు తెలిపారు. ఈ వేడుకకు సంబంధించిన ఫొటోలు ఇప్పుడు నెట్టింట వైరల్‌గా మారాయి.

‘దేశముదురు’తో హన్సిక కథానాయికగా వెండితెరపై మెరిశారు. ఆ తర్వాత ఆమెకు తెలుగు, తమిళంలో అవకాశాలు వరుస కట్టాయి. ఇటీవల ఆమె నటించిన 50వ సినిమా విడుదలైంది. ఈ సినిమా ప్రమోషన్స్‌లోనే సోహైల్‌తో తన వివాహం గురించి బయటపెట్టారు. సోహైల్‌కు అంతకు ముందే వివాహమైంది. గతంలో హన్సిక స్నేహితురాలతో ఆయనకు పెళ్లి కాగా.. ఆ తర్వాత వారిద్దరూ విడిపోయారు.