Kajal: మగబిడ్డకు జన్మనిచ్చిన కాజల్‌

తెలుగు చిత్ర పరిశ్రమలో టాప్‌ కథానాయికగా  వెలుగొందుతున్న కాజల్‌ అగర్వాల్‌ మంగళవారం పండంటి మగబిడ్డకు జన్మనిచ్చారు. ఈ విషయాన్ని సోదరి నిషా అగర్వాల్‌ ధ్రువీకరించింది. ట్విటర్‌, ఇన్‌స్టాగ్రామ్‌లో కాజల్‌-గౌతమ్‌ కిచ్లూ జంటకి అభినందనలు పోటెత్తుతున్నాయి. కాజల్‌ తను గర్భం దాల్చినప్పుడు తల్లిని కాబోతున్నానంటూ సామాజిక మాధ్యమాల్లో సంతోషంగా వివరాలు పంచుకుంది. మెటర్నిటీ, బేబీ బంప్‌ ఫొటోషూట్‌లు చేసింది. మాతృత్వపు మధురిమలు తననెంతో ఉత్సుకతకు గురి చేస్తున్నాయంటూ ఆ ఊహల్ని తలచుకుంటూ ‘ప్రత్యేకమైన నోట్‌’ రాసి అందరితో పంచుకుంది. ఎట్టకేలకు తను కోరుకున్న రోజు రానే వచ్చింది. కాజల్‌  మెగాస్టార్‌  చిరంజీవితో కలిసి నటించిన ఆచార్య ఈనెల 29న విడుదల కానున్న సంగతి తెలిసిందే.