Meera Jasmine: టాలీవుడ్‌లోకి రీ ఎంట్రీ ఇస్తోన్న మలయాళీ హీరోయిన్‌

ఇంటర్నెట్‌ డెస్క్‌: ‘భద్ర’, ‘గుడుంబా శంకర్‌’, ‘గోరింటాకు’ తదితర చిత్రాలతో తెలుగు ప్రేక్షకులకు బాగా దగ్గరైన మలయాళ నటి మీరా జాస్మిన్‌ (Meera Jasmine). టాలీవుడ్‌కు పదేళ్లు దూరంగా ఉన్న ఆమె త్వరలోనే రీ ఎంట్రీ ఇవ్వబోతున్నారు. సోషల్‌ మీడియా వేదికగా మీరా జాస్మిన్‌ ఈ విషయాన్ని వెల్లడించారు. తన పాత్ర డబ్బింగ్‌కు సంబంధించిన ఫొటోను అభిమానులతో పంచుకున్నారు. సినిమా వివరాలను ప్రకటించలేదు. ఆమె ఏ చిత్రంలో నటిస్తున్నారో తెలియాలంటే కొంతకాలం వేచి చూడాల్సిందే. ‘అమ్మాయి బాగుంది’తో తెలుగు చలన చిత్ర పరిశ్రమకు పరిచయమైన మీరా.. పవన్‌ కల్యాణ్‌, బాలకృష్ణ, రవితేజవంటి అగ్ర కథానాయకుల సరసన నటించారు. ఆమె చివరిగా నటించిన తెలుగు సినిమా ‘మోక్ష’. 2013లో విడుదలైంది. ఆ తర్వాత ఆమె మలయాళం సినిమాలతో బిజీ అయ్యారు.