Mouni Roy: మౌనీరాయ్‌ పెళ్లి సందడి

వెండితెర, బుల్లితెరపై అలరిస్తున్న కథానాయిక మౌనీరాయ్‌ వివాహ జీవితంలోకి అడుగుపెట్టింది. దుబాయ్‌లో వ్యాపార కార్యకలాపాలు నిర్వహిస్తున్న సూరజ్‌ నంబియార్‌తో ఆమె వివాహం గురువారం గోవాలో జరిగింది. ఈ విషయాన్ని మౌనీ ఇన్‌స్టా ద్వారా పంచుకున్నారు. ‘‘నాకు ప్రియుడు దొరికాడు. కుటుంబ సభ్యుల, స్నేహితుల ఆశీస్సులతో మాకు పెళ్లయ్యింది. మీ అందరి ఆశీర్వచనాలు కావాలి’’అని రాసింది మౌని. ఈ కార్యక్రమానికి పలువురు సినీ ప్రముఖులు హాజరై కొత్త జంటను ఆశీర్వదించారు. పలువురు తారలు సామాజిక మాధ్యమాల ద్వారా శుభాకాంక్షలు తెలియజేశారు.