SreeLeela: ఓ వైపు ఎంబీబీఎస్... మరో వైపు సినిమా
తెలుగులో తొలి సినిమాతోనే ఆకట్టుకున్న కథానాయిక... శ్రీలీల. కె.రాఘవేంద్రరావు సమర్పణలో వచ్చిన ‘పెళ్లిసందడి’తో తెలుగు తెరకు పరిచయమైన ఈమె... వరుస అవకాశాలతో దూసుకెళుతోంది.
తెలుగులో తొలి సినిమాతోనే ఆకట్టుకున్న కథానాయిక... శ్రీలీల (Sree Leela). కె.రాఘవేంద్రరావు సమర్పణలో వచ్చిన ‘పెళ్లిసందడి’తో తెలుగు తెరకు పరిచయమైన ఈమె... వరుస అవకాశాలతో దూసుకెళుతోంది. శ్రీలీల తన రెండో చిత్రంలోనే రవితేజతో జట్టు కట్టింది. ‘ధమాకా’ (Dhamaka) పేరుతో రూపొందిన ఆ చిత్రం ఈ శుక్రవారం ప్రేక్షకుల ముందుకొస్తోంది. ఈ సందర్భంగా శ్రీలీల బుధవారం హైదరాబాద్లో విలేకర్లతో ముచ్చటించారు. ఆ విషయాలివీ...
ఈ సినిమా ప్రయాణం ఎలా మొదలైందో చెబుతారా?
నా తొలి తెలుగు చిత్రం ‘పెళ్లిసందడి’ విడుదల కాక ముందే వచ్చిన అవకాశం ఇది. దర్శకుడు త్రినాథరావు తన ‘హలో గురూ ప్రేమకోసమే’ చిత్రంలోని ఓ పాత్ర కోసం నన్ను సంప్రదించారు. అప్పుడే రచయిత ప్రసన్నకుమార్ బెజవాడ కూడా పరిచయం అయ్యారు. కానీ అప్పట్లో ఆ సినిమాలో నటించలేకపోయా. ఈసారి మాత్రం కథ విన్న పది నిమిషాల్లోనే సినిమా చేయడానికి అంగీకారం తెలిపా.
అంతగా మిమ్మల్ని ఆకట్టుకున్న విషయం ఏమిటి?
హాస్యం ప్రధానంగా సాగే కథలకి నేను పెద్ద అభిమానిని. ఆద్యంతం నవ్వించే కథ, కథనాలున్న చిత్రమిది.
సినిమాలో మీ పాత్ర ఎలా ఉంటుంది?
ప్రణవి అనే యువతిగా కనిపిస్తా. స్వామి, ఆనంద్ చక్రవర్తి అనే ఇద్దరితో కలిసి ప్రయాణం చేస్తుంది. ఇద్దరినీ ఇష్టపడిన ప్రణవి ప్రయాణంలో ఎలాంటి మలుపులు చోటు చేసుకున్నాయనేదే కీలకం. ఈ సినిమాకోసం చేసిన డాన్సుల్ని కూడా చాలా ఆస్వాదించా. ఈ సినిమాతో పీపుల్ మీడియా ప్యాక్టరీతో మరింత అనుబంధం పెరిగింది. దర్శకుడు త్రినాథరావు నక్కిన సెట్లో అందించిన సహకారం ఎప్పటికీ గుర్తుండిపోతుంది. ఈ ప్రయాణంలో మరెన్నో మధురానుభూతులు ఉన్నాయి. స్పెయిన్కి జింతాక్ పాట చిత్రీకరణ కోసం వెళ్లినప్పుడు నా దుస్తుల సంచి పోయింది. అప్పుడు మా దర్శకుడు, ఛాయాగ్రాహకుడు మూడు గంటలు ప్రయాణం చేసి నాకోసం షాపింగ్ చేశారు. నా కుటుంబ సభ్యులు నా కోసం షాపింగ్ చేసినట్టు అనిపించింది.
నటిగా ఇప్పటివరకు సాగిన మీ ప్రయాణం గురించి ఏం చెబుతారు?
ఎలాంటి సమస్యల్లేవు. ఎం.బి.బి.ఎస్ చదువుతూ సినిమాలు చేస్తున్నా. వృత్తి, చదువు రెండింటినీ బ్యాలెన్స్ చేయడం అలవాటైంది. దీని వెనక మా అమ్మ సహకారం చాలా ఉంది. మా అమ్మ కూడా వైద్యురాలే. ఎం.బి.బి.ఎస్ పూర్తయ్యాక పెళ్లి చేసుకుని, ఆ తర్వాత పదేళ్లకి పీజీ చేసింది. నేను అలా స్పెషలైజేషన్ ఎప్పుడు చేయాలనేది ఇంకా నిర్ణయించుకోలేదు.
కెరీర్ ఆరంభ దశలోనే అగ్ర కథానాయకుడు రవితేజతో జట్టుకట్టడంపై మీ అభిప్రాయం?
ఇదొక గొప్ప అనుభవం. రవితేజకి నేను పెద్ద అభిమానిని. ఆయన ‘కిక్’, ‘విక్రమార్కుడు’ సినిమాల్ని ఎన్నిసార్లు చూశానో లెక్కే లేదు. అలాంటిది నా రెండో సినిమానే రవితేజతో చేయాలన్నప్పుడు మొదట కొంచెం ఒత్తిడికి గురయ్యా. సెట్లో ఆయనతో మాట్లాడటానికి కూడా ఇబ్బంది పడేదాన్ని. పనిచేస్తున్నకొద్దీ నాలో ఆత్మవిశ్వాసం పెరిగింది. ఆయన తోటి నటుల్ని ఎంతగానో ప్రోత్సహిస్తుంటారు. ‘విక్రమార్కుడు’లో రెండు పాత్రలు ఎంత బాగా, ఎంత విభిన్నంగా చేశారో, ‘ధమాకా’లోని పాత్రల్ని కూడా అదే తరహాలో చేశారు.
మీకు డ్యాన్సులంటే ఇష్టమా?
మూడేళ్ల వయసు నుంచే డ్యాన్స్ క్లాసులకి వెళ్లడం మొదలుపెట్టా. పెరిగేకొద్దీ డ్యాన్స్ని, సంగీతాన్ని ఇంకా సీరియస్గా తీసుకున్నా. ఎనిమిదేళ్ల వయసు నుంచే మఠాలు, దేవాలయాల్లో ప్రదర్శనలు ఇవ్వడం మొదలుపెట్టా. నేను రంగస్థలం నుంచి వచ్చా.
ప్రస్తుతం చేస్తున్న సినిమాల కబుర్లేమిటి?
బాలకృష్ణ - అనిల్ రావిపూడి కలయికలో రూపొందుతున్న ఓ సినిమాలో నటిస్తున్నా. రామ్ - బోయపాటి శ్రీను కలయికలో సినిమా చేస్తున్నా. వైష్ణవ్తేజ్తో ఓ సినిమా, వారాహి సంస్థలో మరో చిత్రం, నితిన్తో ఓ చిత్రం చేస్తున్నా. నవీన్ పొలిశెట్టితో సినిమాతోపాటు, మరికొన్ని చర్చల దశలో ఉన్నాయి.
ఇన్ని సినిమాలు చేయడం సవాల్గా అనిపిస్తోందా?
ఒకేసారి పలు పనులు చేయడం నాకు ఇష్టం. నన్ను నేను అలా ట్యూన్ చేసుకుంటూ పాత్రల్లోకి మారిపోతుంటా.
పరిశ్రమలో పోటీ గురించి మీ అభిప్రాయం?
ప్రతి నటికీ పరిశ్రమలో వాళ్లకంటూ ఓ స్థానం ఉంటుంది. అందుకే ఇక్కడ పోటీ ఉంటుందని నేననుకోను. నేను ఇతరులతో పోటీ పడుతున్నానని అనుకోవడం కంటే వాళ్ల నటన నచ్చిందంటే మెచ్చుకోవడంపైనే మొగ్గు చూపుతాను.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పుష్ప పుష్ప పుష్పరాజ్
‘పుష్ప2’ ప్రచార హంగామా ఊపందుకోనుంది. మే 1న తొలి పాటని విడుదల చేస్తున్నట్టు బుధవారం చిత్రబృందం ప్రకటించింది. ‘పుష్ప పుష్ప పుష్పరాజ్...’ అంటూ సాగే ఆ పాట ప్రోమోని విడుదల చేశారు. -
సర్దార్ 2 సన్నాహాలు
కార్తి.. పోలీసు అధికారిగా, రా ఏజెంటుగా తన నటనతో ప్రేక్షకులను ఆకట్టుకున్న చిత్రం ‘సర్దార్’. పీఎస్ మిత్రన్ తెరకెక్కించారు. దీనికి కొనసాగింపుగా ‘సర్దార్ 2’ రూపొందుతున్న సంగతి తెలిసిందే. -
రామోజీ ఫిల్మ్సిటీలో తమ్ముడు
నితిన్ కథానాయకుడిగా శ్రీ వెంకటేశ్వర క్రియేషన్స్ పతాకంపై తెరకెక్కుతున్న చిత్రం ‘తమ్ముడు’. సప్తమిగౌడ కథానాయిక. శ్రీరామ్ వేణు దర్శకత్వం వహిస్తున్నారు. దిల్ రాజు, శిరీష్ నిర్మాతలు. -
ఒక నటికి ఇంతకంటే ఏం కావాలి?
‘‘ప్రేక్షకుడికి ఒక మంచి సినిమాని ఇవ్వాలనే ఆలోచన తప్ప మిగతా ఏ రకమైన ఒత్తిడీ నాపైన ఉండదు. తెలుగు సినిమా.. నటిగా నాకు రెండో జీవితాన్నిచ్చింది. తెలుగు ప్రేక్షకులు నన్ను వాళ్ల సొంతం చేసుకున్నారు. -
గ్రామీణ ప్రేమకథ
పృథ్వీ కథానాయకుడిగా పాలిక్ శ్రీను దర్శకత్వంలో ఓ చిత్రం తెరకెక్కుతోంది. అంబిక, రూపాలి కథానాయికలు. దుర్గం రాజేశ్, రావుల రమేశ్, టి.ఎస్.రాజు సంయుక్తంగా నిర్మిస్తున్నారు. -
కనులెందుకో కలిసేనులే...
సుధీర్బాబు కథానాయకుడిగా తెరకెక్కుతున్న చిత్రం ‘హరోం హర’. ది రివోల్ట్.. అనేది ఉపశీర్షిక. మాళవిక శర్మ కథానాయిక. జ్ఞానసాగర్ ద్వారక దర్శకత్వం వహిస్తున్నారు. సుమంత్.జి నాయుడు నిర్మాత. -
ప్రేమిస్తే.. పూర్తిగా నమ్మేస్తా!
దాదాపు మూడేళ్ల విరామం తర్వాత ‘దో ఔర్ దో ప్యార్’తో ప్రేక్షకుల ముందుకొచ్చింది ఇలియానా. ‘దేవదాసు’లో భానుమతిగా తెలుగు ప్రేక్షకులకు ఎప్పుడో దగ్గరైన తను.. ఈ చిత్రంలో నటనకు మంచి మార్కులే కొట్టేసింది. -
యాక్షన్ రుచి చూపించే.. బేబీ జాన్
‘బేబీ జాన్’గా ప్రత్యర్థులకు తన యాక్షన్ రుచి చూపించేందుకు సిద్ధమవుతున్నాడు బాలీవుడ్ కథానాయకుడు వరుణ్ ధావన్. కాలీస్ దర్శకత్వంలో యాక్షన్ ఎంటర్టైనర్గా తెరకెక్కుతున్న చిత్రమే ‘బేబీ జాన్’. -
ఇది నా అదృష్టం: అమితాబ్
ప్రఖ్యాత గాయని లతా మంగేష్కర్ పేరుతో ఏర్పాటు చేసిన లతా దీనానాథ్ మంగేష్కర్ పురస్కారాన్ని బాలీవుడ్ నటుడు అమితాబ్ బచ్చన్ బుధవారం స్వీకరించారు. 2022లో మరణించిన లత జ్ఞాపకార్థం ఈ పురస్కారాన్ని ఏర్పాటు చేశారు. -
ఉత్తమ దర్శకుడు.. కరణ్ జోహార్
దర్శకనిర్మాత కరణ్జోహార్ ఈ ఏడాది మేటి దర్శకుడి పురస్కారానికి ఎంపికయ్యారు. బుధవారం దిల్లీలో.. ఆల్ ఇండియా మేనేజ్మెంట్ అసోసియేషన్ (ఏఐఎంఏ) ఆధ్వర్యంలో నిర్వహించిన తొమ్మిదో లీడర్షిప్ కాన్క్లేవ్లో భారత ఉపరాష్ట్రపతి... -
ఎన్నికల బరిలో ‘పొలిమేర’ నటి..
‘పొలిమేర’ నటి స్వతంత్ర అభ్యర్థిగా ఎన్నికల్లో పోటీ చేయనున్నారు. -
‘నో యాడ్స్..’ ఇక కేవలం సినిమాలే!: పీవీఆర్ ఐనాక్స్ నిర్ణయం
పీవీఆర్ ఐనాక్స్ సంస్థ కీలక నిర్ణయం తీసుకుంది. ‘యాడ్ ఫ్రీ’ విధానంలో సినిమాలు ప్రదర్శించనున్నట్లు తెలిపింది. -
వెరైటీ డ్రెస్సులో అదాశర్మ పోజులు.. మెహందీతో మేఘా ఆకాశ్
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..
తాజా వార్తలు (Latest News)
-
ఆ ఒక్క సాంగ్ చేయలేకపోతే ఇండస్ట్రీని వదిలేద్దామనుకొన్నా: సోనాలి బింద్రే
-
దేశాల మధ్య డీఫ్ఫేక్ చిచ్చు.. ఫిలిప్పీన్స్-చైనాలో కలకలం సృష్టించిన వీడియో
-
ఐపీఎల్ స్ట్రీమింగ్ కేసు.. నటి తమన్నాకు సమన్లు
-
విమానాలు రద్దయితే ఆటోమేటిక్ రిఫండ్.. అమెరికాలో కొత్త నిబంధనలు
-
హైదరాబాద్కు ‘ఉప్పల్’ అడ్డా.. బెంగళూరుపై ఈసారి స్కోరెంత?
-
గీత రచయిత పాటల హక్కు కోరితే ఏమవుతుంది?: ఇళయరాజా కేసులో హైకోర్టు ప్రశ్న