Tamannaah: సినీ ప్రియులకు తమన్నా ప్రామిస్‌.. ఎందుకంటే..?

హైదరాబాద్‌: సినీ ప్రియులకు తమన్నా మాటిచ్చారు. తన తదుపరి ప్రాజెక్ట్‌ ఫుల్‌ ఎంటర్‌టైన్‌ చేస్తానన్నారు. తాజాగా ట్విటర్‌ వేదికగా ముచ్చటించిన ఆమె నెటిజన్లు అడిగిన పలు ప్రశ్నలకు సమాధానాలు ఇచ్చారు. తన ఇష్టాయిష్టాలను పంచుకున్నారు. అంతేకాకుండా ‘ఎఫ్-3’లో అబ్బాయిగా నటించడం కష్టంగా అనిపించిందని తెలిపారు.

మీరు మళ్లీ తమిళ సినిమాల్లో ఎప్పుడు నటిస్తారు?

తమన్నా: అతి త్వరలో. 

మీ నుంచి హారర్‌ సినిమా ఆశించవచ్చా?

తమన్నా: నన్ను ఉత్కంఠకు గురిచేసే కథ వస్తే తప్పకుండా నటిస్తా.

మీ చర్మసౌందర్య రహస్యం ఏమిటి?

తమన్నా: పోషకాలు కలిగిన ఆహారం, సరిపడా విశ్రాంతి, కాస్త స్కిన్‌ కేర్‌.

మీరు కొవిడా? ఎందుకంటే మిమ్మల్ని చూసిన ప్రతిసారీ నా ఊపిరి ఆగిపోతోంది..! 

తమన్నా: ఫన్నీ.

అదృష్టాన్ని మీరు నమ్ముతారా?

తమన్నా: మన శ్రమకు ప్రకృతి కూడా సహకరిస్తే దాన్నే అదృష్టంగా భావిస్తా.

‘భోళాశంకర్‌’లో చిరుతో కలిసి డ్యాన్స్‌ చేస్తారా?

తమన్నా: మీరు ఏమాత్రం నిరాశకు లోనుకారని మాటిస్తున్నా.

చీర లేదా వెస్ట్రన్‌ దుస్తులు మీకు ఏది ఎక్కువగా ఇష్టం?

తమన్నా: ఒకదాన్ని ఎంచుకోవడం చాలా కష్టం.

‘ఎఫ్3’లో అబ్బాయి వేషంలో నటించడం ఎలా అనిపించింది?

తమన్నా: నాలోని రౌడీని ఈ పాత్రతో బయటపెట్టినట్లు ఉంది. ప్రతి సీన్‌ని బాగా ఎంజాయ్‌ చేశా.

మీకెలాంటి సినిమాలంటే ఇష్టం?

తమన్నా: యాక్షన్‌, రొమాన్స్‌

ఖాళీ సమయాన్ని ఎలా గడుపుతారు?

తమన్నా: ఇష్టమైన పుస్తకాలు చదవడం, పాడ్‌కాస్ట్‌లు వినడం, వర్షంలో డ్యాన్స్‌ చేయడం

హాలీవుడ్‌ సినిమాల్లో నటించాలని ఉందా?

తమన్నా: ఉంది. అక్కడి నుంచి ఏదైనా ఆఫర్‌ వస్తే తప్పకుండా చేస్తా.

పూర్తిస్థాయి నృత్య కథా చిత్రంలో ఎప్పుడు నటిస్తారు?

తమన్నా: ఆతృతగా ఎదురుచూస్తోన్న. నా డ్రీమ్‌ ప్రాజెక్ట్స్‌లో అదీ ఒకటి.

మీరు స్క్రిప్ట్స్‌ ఎలా సెలెక్ట్‌ చేసుకుంటారు?

తమన్నా: మిమ్మల్ని అన్ని విధాలుగా ఎంటర్‌టైన్‌ చేసే కథల కోసం నేను అన్వేషిస్తూనే ఉంటా.

మీరు సవాలుగా ఫీలైన పాత్ర ఏమిటి?

తమన్నా: ఎఫ్‌-3లో అబ్బాయిలా నటించడం చాలా కష్టంగా అనిపించింది.

ఛార్లి 777 చూశారా?

తమన్నా: నేను చూడలేదు. అమ్మవాళ్లు ఆ సినిమా చూశారు. వాళ్లకి బాగా నచ్చింది.

ఏ ఫిక్షనల్ పాత్రను రియల్‌లైఫ్‌లో కలవాలనుకుంటున్నారు?

తమన్నా: షెర్లాక్ హోమ్స్‌

కెరీర్‌ ప్రారంభమైన నాటి నుంచి చేసిన పాత్రల్లో మీకెప్పటికీ గుర్తుండే పాత్ర?

తమన్నా: ధర్మదొరైలో సుహాసిని, బాహుబలిలో అవంతిక

మీరు ఎక్కువగా భయపడే విషయం ఏమిటి?

తమన్నా: జ్ఞాపకశక్తిని కోల్పోవడం.. ఆ మాటే నన్ను భయానికి గురి చేస్తోంది.