Published : 18 Jun 2021 18:57 IST

Adah Sharma: ‘మీట్ క్యూట్‌’లో ఒక‌రిగా అదా 

ఇంట‌ర్నెట్ డెస్క్‌: న‌టుడిగా మాత్ర‌మే కాదు నిర్మాత‌గానూ ప్రేక్ష‌కుల‌కి వైవిధ్య క‌థ‌ల్ని ప‌రిచ‌యం చేయాల‌ని ప్ర‌య‌త్నిస్తుంటారు నాని. వాల్ పోస్ట‌ర్ సినిమా ప‌తాకంపై ఆయ‌న నిర్మించిన ‘అ!’, ‘హిట్’ చిత్రాలు ఈ కోవ‌లోకే వ‌స్తాయి. ప్ర‌స్తుతం ఇదే బ్యాన‌ర్‌పై మ‌రో రెండు సినిమాలు రాబోతున్నాయి. అవే ‘హిట్ 2’, ‘మీట్ క్యూట్‌’. నాని సోద‌రి దీప్తి ఘంటా దర్శ‌కత్వంలో తెర‌కెక్కుతోంది ‘మీట్ క్యూట్‌’. ఇందులో ఐదుగురు నాయిక‌ల‌కి చోటుంది. ఓ పాత్ర‌కి యువ న‌టి అదాశ‌ర్మ ఎంపికైంది. ఈ సంద‌ర్భంగా త‌న మ‌న‌సులో మాట పంచుకుంది.

‘‘ఇప్ప‌టి వ‌ర‌కు నేను న‌టించ‌ని పాత్ర‌ని ఈ సినిమాలో పోషిస్తున్నాను. పూర్తి స్థాయి రొమాంటిక్ కామెడీ నేప‌థ్యంలో నేను న‌టిస్తోన్న తొలి తెలుగు చిత్ర‌మిది. సరికొత్త క‌థ‌ల్ని, విభిన్న నేప‌థ్యాల్ని ప్రేక్ష‌కుల‌కి అందించేందుకు తెలుగు సినిమా ప‌రిధుల్ని చెరిపేస్తుంటారు నాని. ప్ర‌యోగాలు చేసేందుకు ఎప్పుడూ ముందుంటారాయ‌న‌. అలాంటి ఆయ‌న ప్రాజెక్టులో ఓ భాగ‌మ‌వ‌డం చాలా ఆనందంగా ఉంది. దీప్తి విష‌యానికొస్తే ప్ర‌తి స‌న్నివేశాన్ని క్లుప్తంగా వివ‌రిస్తుంది. ఈ ప్రాసెస్‌ని నేను ఎంతో ఎంజాయ్ చేస్తున్నాను. జూమ్ వేదిక‌గా మేము పాత్ర‌కి సంబంధించిన రిహార్స‌ల్స్ చేస్తున్నాం. వ‌ర్చువ‌ల్ విధానంలో ఒక‌రికొక‌రం అందుబాటులో ఉంటున్నాం. త్వ‌ర‌లోనే ప‌రిస్థితులు చ‌క్క‌బ‌డి, షూటింగ్ మొద‌ల‌వుతుంద‌ని భావిస్తున్నా’’ అని తెలిపింది అదా. ఈ సినిమాలోని మిగతా పాత్రల కోసం నివేదా థామస్, రుహానీ శర్మ, కాజ‌ల్ తదితర భామ‌ల‌ పేర్లు వినిపిస్తున్నాయి. స‌త్య‌రాజ్ కీల‌క పాత్ర‌లో క‌నిపించ‌నున్నారు.

Read latest Movies News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని