Enthavaarugaani: ఉత్కంఠను రేకెత్తించేలా ‘ఎంతవారు గాని’ టీజర్‌

హైదరాబాద్‌: సూర్య శ్రీనివాస్ (Surya Srinivas)‌, షెర్రీ అగర్వాల్‌ ప్రధాన పాత్రల్లో ఎన్‌.శ్రీనివాసన్‌ తెరకెక్కించిన చిత్రం ‘ఎంతవారుగాని’ (Enthavaarugaani). రాజశేఖర్‌ అన్నభీమోజు, సురేంద్ర కారుమంచి, శివ ముప్పరాజు నిర్మించారు. ఈ చిత్ర టీజర్‌ను హీరో అడివి శేష్‌ (Adivi Sesh) విడుదల చేశారు. ఈ సందర్భంగా శేష్‌ మాట్లాడుతూ.. ‘‘టీజర్‌ బాగుంది. యువతరాన్ని ఆకర్షించే ఓ ఆసక్తికర అంశం ఇందులో ఉన్నట్లు తెలుస్తోంది. సినిమా ఘన విజయం సాధించాలని కోరుకుంటున్నా’’ అన్నారు. ‘‘వినూత్నమైన సైంటిఫిక్‌ థ్రిల్లర్‌ చిత్రమిది. అన్ని వర్గాల ప్రేక్షకులకు నచ్చేలా ఉంటుంది’’ అని చిత్ర వర్గాలు తెలిపాయి.