Major: అడివి శేష్‌ ‘మేజర్‌’: 120 రోజులు.. 8 సెట్స్‌.. 75 లొకేషన్స్‌..

హైదరాబాద్‌: అడివి శేష్‌ కథానాయకుడిగా శశి కిరణ్‌ తిక్కా తెరకెక్కిస్తున్న చిత్రం ‘మేజర్‌’. ముంబయి 26/11 ఉగ్రదాడుల్లో వీరమరణం పొందిన ఎన్‌ఎస్‌జీ కమాండో మేజర్‌ సందీప్‌ ఉన్ని కృష్ణన్‌  జీవితాధారంగా రూపొందుతోంది. బుధవారం ఈ సినిమాకు సంబంధించిన ఆసక్తికర విషయాన్ని చిత్ర బృందం పంచుకుంది. ఫిబ్రవరి 11, 2022న ఈ సినిమాను విడుదల చేయనున్నట్లు ప్రకటించింది. అంతేకాదు, స్పెషల్‌ మేకింగ్‌ వీడియోను షేర్‌చేసింది. 120 రోజుల్లో ఈ సినిమా చిత్రీకరణ పూర్తి చేశారట. 8సెట్స్‌ వేశారు. 75లొకేషన్‌లో షూటింగ్‌ జరిగింది. మూడు భాషల్లో ఈ సినిమాను విడుదల చేస్తున్నారు.

మహేష్‌బాబు జీఎంబీ ఎంటర్‌టైన్‌మెంట్‌, ఎ ప్లస్‌ ఎస్‌ మూవీస్‌ సహకారంతో సోనీ పిక్చర్స్‌ ఫిల్మ్స్‌ ఇండియా సంస్థ ‘మేజర్’ను నిర్మిస్తోంది. శోభితా, సయీ మంజ్రేకర్‌ కథానాయికలు. ప్రకాశ్‌ రాజ్‌, రేవతి, మురళీ శర్మ ముఖ్య పాత్రలు పోషిస్తున్నారు. శ్రీచరణ్‌ పాకాల స్వరాలందిస్తున్నారు. వంశి పచ్చిపులుసు ఛాయాగ్రాహకుడిగా వ్యవహరిస్తున్నారు.