Agent: వేసవి బరిలో ఏజెంట్‌

అఖిల్‌ (Akhil) కథానాయకుడిగా సురేందర్‌ రెడ్డి తెరకెక్కిస్తున్న పాన్‌ ఇండియా చిత్రం ‘ఏజెంట్‌’ (Agent). అనిల్‌ సుంకర నిర్మిస్తున్నారు. సాక్షి వైద్య కథానాయిక. మమ్ముట్టి కీలక పాత్ర పోషిస్తున్నారు. ఈ సినిమాని సంక్రాంతికి తీసుకొస్తున్నట్లు చిత్ర బృందం గతంలో ప్రకటించింది. కానీ, ఇప్పుడీ చిత్రాన్ని వేసవికి విడుదల చేయనున్నట్లు ప్రకటించారు. నూతన సంవత్సరం సందర్భంగా ఆదివారం ఈ చిత్ర మేకింగ్‌ వీడియోను విడుదల చేశారు. అందులో ఏజెంట్‌గా అఖిల్‌ సాహసాల్ని.. ఆయన చేసిన యాక్షన్‌ హంగామాను చూపించారు. ఇటీవలే ఓ భారీ యాక్షన్‌ సీక్వెన్స్‌ను పూర్తి చేసినట్లు దర్శక నిర్మాతలు తెలియజేశారు. స్పై యాక్షన్‌ థ్రిల్లర్‌ కథాంశంతో రూపొందుతోన్న ఈ చిత్రానికి హిప్‌ హాప్‌ తమిళ స్వరాలందిస్తున్నారు. రసూల్‌ ఎల్లోర్‌ ఛాయాగ్రాహకుడిగా వ్యవహరిస్తున్నారు.