Agent: అఖిల్‌ ఫ్యాన్స్‌కు సర్‌ప్రైజ్‌.. హాలీవుడ్‌ రేంజ్‌లో ‘ఏజెంట్‌’ టీజర్‌

ఇంటర్నెట్‌ డెస్క్‌: అఖిల్‌ అక్కినేని (Akhil) కథానాయకుడిగా సురేందర్‌ రెడ్డి తెరకెక్కిస్తున్న చిత్రం ‘ఏజెంట్‌’ (Agent). రామబ్రహ్మం సుంకర నిర్మాత. సాక్షి వైద్య కథానాయిక. మమ్ముట్టి ముఖ్య పాత్ర పోషిస్తున్నారు. ఈ సినిమా త్వరలో తెలుగు, హిందీ, తమిళం, కన్నడ, మలయాళ భాషల్లో ఒకేసారి విడుదల కానుంది. ఈ సందర్భంగా చిత్ర బృందం ప్రచారాన్ని షురూ చేసింది. ఇందులో భాగంగా ప్రముఖ నటులు కిచ్చా సుదీప్‌, శివకార్తికేయన్‌లతో టీజర్‌ను విడుదల చేయించింది. వినూత్నమైన స్పై థ్రిల్లర్‌ కథాంశంతో ఈ సినిమా రూపొందుతున్నట్టు టీజర్‌లో చూపించిన యాక్షన్‌ ఘట్టాలను చూస్తే తెలుస్తోంది. అఖిల్‌ ఆహార్యం, పలికిన సంభాషణలు ఆయన అభిమానుల్లో జోష్‌ నింపేలా ఉన్నాయి.