Aha Na Pellanta: ఆసక్తిగా ‘అహ నా పెళ్లంట’ టీజర్‌.. రాజ్‌తరుణ్‌, శివానీ కాంబో

హైదరాబాద్‌: ‘ఇప్పటి నుంచి నా పెళ్లి అయ్యేంత వరకూ నేనే అమ్మాయి వెంట పడను’ అని ఓ బాలుడు తన తల్లికి ప్రమాణం చేస్తాడు. కట్‌ చేస్తే, పెరిగి పెద్దయ్యాక ఓ అమ్మాయిని ప్రేమిస్తాడు. మరి, ఆ యువకుడు తన తల్లి చూపించిన అమ్మాయిని వివాహమాడాడా, ప్రేమించిన అమ్మాయితోనే ఏడడుగులు వేశాడా? తెలియాలంటే ‘అహ నా పెళ్లంట!’ (Aha Na Pellanta) చూడాల్సిందే. రాజ్‌తరుణ్‌ ( Raj Tharun), శివానీ రాజశేఖర్‌ (Shivaani Rajashekhar) జంటగా నటించిన వెబ్‌ సిరీస్‌ ఇది. సోమవారం టీజర్‌ విడుదలైంది. తన బాల్యంలో రాజ్‌తరుణ్‌.. అమ్మ (ఆమని)కు మాటిచ్చే సన్నివేశంతో ప్రారంభమైన టీజర్‌ ఆద్యంతం ఆసక్తిగా సాగింది. కామెడీ ఎంటర్‌టైనర్‌గా ఈ సిరీస్‌ రూపొందినట్టు అర్థమవుతోంది. సంజీవ్‌ రెడ్డి దర్శకత్వం వహించిన ఈ సిరీస్‌ నవంబరు 17న ఓటీటీ ‘జీ 5’లో విడుదలకానుంది.