Boomika: పీల్చే గాలిని కూడా డబ్బులిచ్చి కొనే పరిస్థితి వస్తుంది!

హైదరాబాద్‌: ‘ఈ క్యాంపస్‌లో దెయ్యం ఉంది. తెలుసుకున్నామా?’ అంటూ ప్రశ్నిస్తోంది ఐశ్వర్య రాజేశ్‌. ఆమె కీలక పాత్రలో రతీంద్రన్‌ ఆర్‌ ప్రసాద్‌ దర్శకత్వంలో తెరకెక్కిన చిత్రం ‘భూమిక’. సస్పెన్స్‌ థ్రిల్లర్‌గా తెరకెక్కిన ఈ సినిమా ట్రైలర్‌ను చిత్ర బృందం విడుదల చేసింది. ‘మట్టి, గాలి, నీరు, ఇవన్నీ ఎవరికీ సొంతం కాదండీ. వీటి మీద పెత్తనం చెలాయించే వారే, ఈ పిచ్చి పట్టిన మనుషులు’ అంటూ వినిపిస్తున్న సంభాషణలు సినిమాపై ఆసక్తిని పెంచుతున్నాయి. మరి ‘భూమిక’ కథేంటి? దెయ్యాలు ఉన్నాయా? తెలియాలంటే ఇంకొన్ని రోజులు ఆగాల్సిందే. ఆగస్టు 23న నెట్‌ఫ్లిక్స్‌ వేదికగా ఈ సినిమా స్ట్రీమింగ్‌ కానుంది. పృథ్వీ చంద్రశేఖర్‌ సంగీతం అందిస్తున్న ఈ సినిమాను దర్శకుడు కార్తీక్‌ సుబ్బరాజు సమర్పిస్తున్నారు. కార్తికేయన్‌ సంతానం, సుధాన్‌ సుందరం, జయరామన్‌ నిర్మిస్తున్నారు.