Rudra: ‘రుద్ర’ ట్రైలర్‌ వచ్చేసింది..!

ముంబయి: ‘సింగం’ తర్వాత మరోసారి పోలీస్‌ లుక్‌లో అలరించనున్నారు బాలీవుడ్‌ స్టార్‌హీరో అజయ్‌దేవ్‌గణ్‌. ఆయన ప్రధాన పాత్రలో నటించిన చిత్రం ‘రుద్ర’. రాజేశ్‌ మపుస్కర్‌ దర్శకుడు. ఇప్పటి వరకూ వెండితెరపై అలరించిన అజయ్‌దేవ్‌గణ్‌ ఈ చిత్రంతో ఓటీటీలోనూ ప్రేక్షకుల్ని అలరించనున్నారు. ప్రముఖ ఓటీటీ ప్లాట్‌ఫామ్‌ డిస్నీ హాట్‌స్టార్‌లో ‘రుద్ర’ విడుదల కానుంది. ఈ విషయాన్ని తెలియజేస్తూ తాజాగా ‘రుద్ర’ ట్రైలర్‌ను చిత్రబృందం సోషల్‌మీడియా వేదికగా విడుదల చేసింది. బ్రిటిష్‌ సైకలాజికల్‌ క్రైమ్‌ డ్రామా ‘లూథర్‌’ ఆధారంగా చేసుకొని ఈ క్రైమ్‌ థ్రిల్లర్‌ రూపొందించారు. ముంబయి నగరంలో వరుస హత్యలకు పాల్పడుతున్న సైకో కిల్లర్‌ని హీరో ఎలా పట్టుకోగలిగాడు? అనే అంశంతో ఈసినిమా సిద్ధమైనట్లు ట్రైలర్‌ చూస్తే తెలుస్తోంది. ఇందులో నటి రాశీఖన్నా కీలకపాత్ర పోషించారు.