Ajith Kumar: ‘ఏకే 62’ ఖరారు.. దర్శకుడెవరంటే?

ఇంటర్నెట్‌ డెస్క్‌: ‘వలిమై’తో ఇటీవల ప్రేక్షకుల ముందుకొచ్చిన అజిత్‌ కుమార్‌ తదుపరి చిత్రాన్ని ఖరారు చేశారు. విఘ్నేష్‌ శివన్‌ దర్శకత్వంలో ఆయన నటించనున్నారు. లైకా ప్రొడక్షన్స్‌ సంస్థ నిర్మిస్తున్న ఈ చిత్రానికి అనిరుధ్‌ సంగీత దర్శకుడిగా వ్యవహరిస్తున్నారు. అజిత్‌తో సినిమా నిర్మిస్తుండటం ఎంతో ఆనందంగా ఉందని నిర్మాత సుభాస్కరన్‌ ఓ లేఖ ద్వారా తెలియజేశారు. ఈ ఏడాది చివరిలో చిత్రీకరణ ప్రారంభించి, వచ్చే సంవత్సరం ప్రధమార్ధంలో విడుదల చేసేందుకు సన్నాహాలు చేస్తున్నామన్నారు. ఇతర తారాగణం, సాంకేతిక బృంద వివరాలు, టైటిల్‌ను త్వరలోనే ప్రకటిస్తామన్నారు. అజిత్‌కి ఇది 62వ సినిమా. ‘ఏకే 62’ అనేది వర్కింగ్‌ టైటిల్‌.