Ajith Kumar: కొత్త కబురు

తమిళ అగ్ర కథానాయకుడు అజిత్‌ కొత్త కబురు వినిపించారు. తన 62వ సినిమాని విఘ్నేశ్‌ శివన్‌ దర్శకత్వంలో చేయనున్నట్లు ప్రకటించారు. దీన్ని లైకా ప్రొడక్షన్స్‌ పతాకంపై సుభాస్కరన్‌ నిర్మించనున్నారు. ఈ విషయాన్ని చిత్ర దర్శకుడు, నిర్మాత సామాజిక మాధ్యమాల ద్వారా అధికారికంగా ప్రకటించారు. అజిత్‌ ప్రస్తుతం తన 61వ సినిమాని హెచ్‌.వినోద్‌ దర్శకత్వంలో చేయనున్నారు. ‘వలిమై’ తర్వాత ఈ ఇద్దరి కలయిక నుంచి వస్తున్న కొత్త చిత్రమిది. ఏప్రిల్‌ తొలి వారం నుంచి హైదరాబాద్‌లో  రెగ్యులర్‌ చిత్రీకరణ ప్రారంభం కానుంది. దీపావళి నాటికి సినిమా పూర్తి చేయనున్నట్లు తెలుస్తోంది. ఇది పూర్తయిన వెంట‌నే అజిత్‌ - విఘ్నేశ్‌ల ప్రాజెక్ట్‌ పట్టాలెక్కుతుంది. దీన్ని వచ్చే ఏడాది  వేసవిలో  ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు. ఈ సినిమాకి అనిరుధ్‌ స్వరాలందించనున్నారు.