Published : 19 May 2022 12:27 IST

Akshay Kumar: ‘పృథ్వీరాజ్‌’ కోసం 50,000 కాస్ట్యూమ్స్‌ ...!

ఇంటర్నెట్‌ డెస్క్‌: అక్షయ్‌ కుమార్‌ హీరోగా తెరకెక్కుతున్న చిత్రం ‘పృథ్వీరాజ్‌’. ప్రేమ, శౌర్యం, ధర్మం మూర్తీభవించిన మహా వీరుడు పృథ్వీరాజ్‌ చౌహాన్‌ పాత్రలో అక్షయ్‌కుమార్‌ నటిస్తున్నాడు. సోన్‌సూద్‌, సంజయ్‌దత్‌ ప్రముఖ పాత్రల్లో కనిపించనున్న ఈ సినిమాలో మానుషి ఛిల్లర్‌ కథానాయిక. జూన్‌ 3న ప్రేక్షకుల ముందుకు రానున్న ఈ సినిమాకు సంబంధించిన ఓ వార్త ఇప్పుడు ఇంటర్నెట్‌లో హల్‌చల్‌ చేస్తోంది. ఈ సినిమాలోని హీరో పాత్ర కోసం ఏకంగా 50,000 రకాల కాస్ట్యూమ్స్‌ సిద్ధం చేశారు. 500 రకాల తలపాగాలను తయారు చేయించారంటూ జోరుగా ప్రచారం సాగుతోంది. దీనిపై స్పందించిన చిత్రబృందం ఈ వార్త నిజమేనని తెలిపింది.

దీనిపై హీరో అక్షయ కుమార్‌ మాట్లాడుతూ. ‘ఇలాంటి సినిమాలు అరుదుగా వస్తాయి. సామ్రాట్‌ పృథ్వీరాజ్‌ చౌహాన్‌ జీవితం ఆధారంగా తెరకెక్కుతున్న ఈ సినిమాలోని ప్రతి సన్నివేశాన్ని చాలా గౌరవంగా , చిత్తశుద్ధితో రూపొందిస్తున్నాము. ఈ సినిమా తెరపై చూస్తున్న ప్రతి ఒక్కరికీ అద్భుతంగా అనిపిస్తుంది’ అని చెప్పారు.  ఇక ఆ సినిమా దర్శకుడు చంద్రప్రకాశ్‌ మాట్లాడుతూ..‘ఈ సినిమాలో కాస్ట్యూమ్స్‌ అదనపు ఆకర్షణగా నిలుస్తాయి. ఈ చిత్రం కోసం 500 రకాల తలపాగాలు తయారు చేయించాము. వీటిని చేతితో తయారు చేశారు. ఆ కాలంలోని రాజులు, ప్రజలు,వివిధ వృత్తుల వారు ధరించే తలపాగాలను పోలి ఉంటాయి. మేము వీటిని తయారు చేయించడం కోసం తలపాగాలు తయారు చేసే నిపుణుడిని సెట్‌లో మాతో ఉండేట్టు చూసుకున్నాము’ అని చెప్పారు.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని