అక్షయ్‌ ‘ఫౌజీ’గీతం..

ముంబయి: బాలీవుడ్‌ స్టార్‌ హీరో అక్షయ్‌కుమార్‌ నుంచి త్వరలో ఓ మల్టీప్లేయర్‌ వీడియోగేమ్‌ రానుంది. ఆర్మీ నేపథ్యంలో ఉండే ఈ గేమ్‌ పేరు ఫౌజీ (FAU-G). తాజాగా ఆ గేమ్‌కు సంబంధించి ఒక పరిచయ గీతాన్ని ఆయన ఇన్‌స్టా వేదికగా విడుదల చేశారు. యానిమేషన్‌ పోరాటాల మధ్య బ్యాక్‌గ్రౌండ్‌లో ఈ గీతం వినిపిస్తోంది. ఈ మేరకు ఆయన ఇన్‌స్టా పోస్ట్‌లో ‘సమస్య అనేది దేశంలో ఉన్నా, సరిహద్దుల్లో ఉన్నా..  మన భారత వీరసైనికులు ముందుండి పోరాడుతున్నారు. బెరుకు లేకుండా సమష్టిగా యద్ధం చేస్తున్నారు. వారి ధైర్యసాహసాలకు నిదర్శనమే ఈ గీతం’ అంటూ  రాసుకొచ్చారు. జనవరి 26న ఈ యానిమేషన్‌ వీడియోగేమ్‌ను విడుదల చేయనున్నట్టు తెలిపారు.