Actor Brahmaji: కృష్ణవంశీ, రమ్యకృష్ణలే మా పెళ్లి చేశారు: బ్రహ్మాజీ
Actor brahmaji: వెన్నెల కిషోర్ వ్యాఖ్యాతగా వ్యవహరిస్తున్న ‘అలా మొదలైంది’ షోలో బ్రహ్మాజీ ఆయన సతీమణి పంచుకున్న ఆసక్తికర విషయాలు మీకోసం..
తెలుగు ఇండస్ట్రీలో తనకంటూ ప్రత్యేక గుర్తింపు తెచ్చుకున్న నటుడు బ్రహ్మాజీ (Actor Brahmaji). కథానాయకుడిగా, క్యారెక్టర్ ఆర్టిస్ట్గా, కమెడియన్గా ఎన్నో వైవిధ్యమైన పాత్రలు పోషించారు. అగ్ర హీరోలతో పాటు, నేటి యువ హీరోలతోనూ తెరను పంచుకున్నారు. వెన్నెల కిషోర్ వ్యాఖ్యాతగా ఈటీవీలో ప్రసారమయ్యే ‘అలా మొదలైంది’ షోకు తన సతీమణి శాశ్వతితో కలిసి విచ్చేసి ఎన్నో ఆసక్తికర విషయాలను పంచుకున్నారు.
మీరిద్దరూ ఎలా కలిశారు?
శాశ్వతి: నేను, బ్రహ్మాజీ కామన్ ఫ్రెండ్ ద్వారా కలిశాం. అప్పుడు ఆయనకు పెద్ద కళ్లు, మీసం, జుట్టు ఉండేవి. కొన్నేళ్లపాటు మా ఇద్దరి మధ్య స్నేహం కొనసాగింది. బ్రహ్మాజీకి నేనంటే ఇష్టమని మరో ఫ్రెండ్ చెబితే తెలిసింది. ఆ తర్వాత ఒక రోజు నా దగ్గరికి వచ్చి, ‘నువ్వంటే ఇష్టం. కాదంటే చెయ్యి కోసుకుని చచ్చిపోతానని బ్లేడ్ తీసుకుని వచ్చాడు’ దీంతో ఐ లవ్ యూ చెప్పక తప్పలేదు. (నవ్వులు)
బ్రహ్మాజీ: సాధారణంగా ఒక మనిషిలో క్యారెక్టర్, పర్సనాలిటీ చూస్తాం. ఎలా మాట్లాడుతున్నారో చూస్తాం. శాశ్వతి విషయంలో ఆమె క్యారెక్టర్ నాకు నచ్చింది. అందుకే ప్రేమించా.
మీ పెళ్లి ఎక్కడ, ఎలా జరిగింది?
బ్రహ్మాజీ: మేము పెళ్లి చేసుకున్న విషయం మా ఇళ్లలో తొలుత తెలియదు. కృష్ణవంశీ, రమ్యకృష్ణలే మా పెళ్లి చేశారు. నా తరపున గంగరాజుగారు, ఆమె తరపున జగపతిబాబు సోదరుడు రాం ప్రసాద్ పెళ్లికి వచ్చారు. కృష్ణవంశీ కన్యాదానం చేశాడు. కోఠిలోని ఆర్య సమాజ్లో మా వివాహం జరిగింది. అదే సమయంలో ‘చంద్రలేఖ’ షూటింగ్ జరుగుతుండటంతో అందరూ ఉదయం 8 గంటలకే వచ్చేశారు. నాగార్జున కూడా రావాలి కానీ, కుదరలేదు.
శాశ్వతి: కృష్ణవంశీ టీమ్ మా పెళ్లికి అన్ని ఏర్పాట్లు చేసింది. నా బ్లౌజ్ కూడా రమ్యకృష్ణనే చెన్నై నుంచి కుట్టి తీసుకొచ్చారు. పెళ్లి అయిన తర్వాత ఒక గ్రూప్ ఫొటో దిగాం. అంతే.. బ్రహ్మాజీతో సహా అందరూ హడావిడిగా బయలుదేరారు. మోహన్బాబుగారి సినిమా షూటింగ్ అనంతపురంలో జరుగుతోంది. ఆ సినిమా కారు బయట వేచి చూస్తోంది. దీంతో పెళ్లి షర్టు, ప్యాంట్ మార్చుకుని వెళ్లిపోయారు. మూడు రోజుల తర్వాత మళ్లీ వచ్చారు. (నవ్వులు)
బ్రహ్మాజీ: చాలా మంది ఆర్టిస్ట్ల కాంబినేషన్ కావడంతో పెళ్లి అవగానే షూటింగ్కు రమ్మని మోహన్బాబుగారు చెప్పారు. అనంతపురంలో నా రూమ్మేట్ ఏవీఎస్గారు. ఆ రోజు షూటింగ్ అయిపోయిన తర్వాత రూమ్కు వెళ్తే ‘ఫస్ట్ నైట్ నాతో గడుపుతున్నావ్’ అని సరదాగా ఆటపట్టించారు.
మీ భాగస్వామిని ఇంప్రెస్ చేయడానికి ఏమైనా చేశారా?
శాశ్వతి: నాకు ఎలాంటి ఆలోచనలు రావు. నేనెప్పుడూ ఓపెన్గా ఉంటా. నేను ఎలా ఉన్నా ఎప్పుడూ ఆయన నన్ను ప్రేమిస్తూనే ఉంటారు. పొరపాటున ఏదైనా చేస్తే, జీవితాంతం అలాగే ఉండాలంటారు. అందుకే నేనేమీ సర్ప్రైజ్లు ప్లాన్ చేయను. నన్ను ప్రేమించినా, ద్వేషించినా ఒకేలా ఉంటా.
బ్రహ్మాజీ: తన పుట్టినరోజు అంటే అప్పుడప్పుడు సర్ప్రైజ్లు ఇస్తా. వాళ్ల అమ్మా నాన్న, స్నేహితులను కూడా పిలుస్తా.
శాశ్వతి: ఈయన బాగానే సర్ప్రైజ్లు చేస్తారు. దాదాపు పాతిక, ముఫ్పై మంది వస్తారు. ఆ రోజు నాకు బాగానే ఉంటుంది. వాళ్లు వెళ్లిపోయిన తర్వాత ఇంట్లో పని చేసుకోలేక అలసిపోతా. దాంతో జ్వరం వస్తుంది.
బ్రహ్మాజీ: చెన్నైలో అవకాశాల కోసం తిరుగుతూ ఉండేవాడిని. అప్పుడు కృష్ణవంశీ నా రూమ్మేట్. శాశ్వతి పుట్టిరోజు నాడు ఆమెను హోటల్కు తీసుకెళ్లాలని అనుకున్నా డబ్బులు ఉండేవి కాదు. ఒకసారి కృష్ణవంశీ తన దగ్గర రూ.2 వేలు ఉంటే తీసి ఇచ్చాడు. మరొకసారి నా గొలుసు తాకట్టు పెట్టి సెలబ్రేషన్స్ చేశా.
పెళ్లికి ముందు మీ జీవితంలో జరిగిన మర్చిపోలేని సంఘటన?
బ్రహ్మాజీ: ఎవరికీ చెప్పకుండా ఆగ్రా వెళ్లాం.
మీ జీవితంలో జరిగిన సినిమాటిక్ ఘటన ఏది?
బ్రహ్మాజీ: మా పెళ్లే పెద్ద సినిమాటిక్. నాకు పెళ్లి జరిగిన విషయాన్ని చాలా క్యాజువల్గా మావాళ్లకు ఫోన్ చేసి చెప్పా. వాళ్లు ఆశ్చర్యపోయారు. ముందుగానే మా వాళ్లకు చెప్పకపోవడానికి ఒక కారణం ఉంది. ఎందుకంటే అప్పటికే శాశ్వతికి పెళ్లయింది. విడాకులు తీసుకుంది. మా పెళ్లి విషయం తెలిసిన తర్వాత ‘ముందే చెప్పి ఉంటే బాగుండేది కదా’ అన్నారు.
పెళ్లికి ముందు ఫోన్లో మాట్లాడుకునేవారా?
బ్రహ్మాజీ: అప్పట్లో సెల్ఫోన్లు లేవు. ఎస్టీడీ బూత్లు. గంటలు గంటలు మాట్లాడేవాడిని. అప్పట్లో నా జీవితంలో రెండు, మూడు గంటలు పబ్లిక్ బూత్ల దగ్గర గడిచింది. నేను ఎప్పుడు ఫోన్ పెట్టేస్తానా? అని చాలా మంది ఫోన్ బూత్ బయట వేచి చూస్తూ ఉండేవాళ్లు.
బ్రహ్మాజీలో నచ్చిన క్వాలిటీ ఏది?
శాశ్వతి: బ్రహ్మాజీలో ఓపిక అంటే నాకు నచ్చే క్వాలిటీ. పరిస్థితులు ఎలా ఉన్నా స్వీకరించడం, ప్రతి ఒక్కరి పట్ల ఎంతో గౌరవం, శ్రద్ధగా ఉండటం.
బ్రహ్మాజీ: ఎప్పుడూ జోష్గా ఉంటుంది. ఉన్నది ఉన్నట్లు మాట్లాడుతుంది. సీక్రెట్స్ చెప్పలేదు. డేరింగ్గా ఉంటుంది. ఇంట్లో ఎక్కడ వస్తువులు అక్కడే పెట్టాలి అంటుంటుంది. తన వల్ల నాకు క్రమశిక్షణ అలవడింది. నాకు మామూలుగా చాలా మొహమాటం. ఫ్రెండ్స్కు డబ్బులు ఇస్తా. సోమవారం ఇస్తానని చెప్పి ఇవ్వరు. ఆమెకు చెబితే, ఫోన్ చేసి, మాట్లాడితే చాలు. సాయంత్రానికి వచ్చేస్తాయి.
శాశ్వతి: నన్ను విలన్ చేయాలని చూస్తున్నారు.
మధ్యలో వెన్నెల కిషోర్ అందుకుని, ‘‘మేడమ్.. మీ భర్త ఇచ్చిన డబ్బులే మీరు వసూలు చేస్తారా? ఫ్రెండ్స్కు కూడా ఈ విషయంలోసాయం చేస్తారా?’’అని అడిగితే... లేదండీ నేను ‘రికవరీ’ కంపెనీ పెట్టాలనుకుంటున్నా. అని శాశ్వతి చెప్పారు (నవ్వులు)
ఎప్పుడైనా మీ మధ్య ఫైట్ జరిగిందా?
శాశ్వతి: సరదా కోసం నేనే ఎప్పుడైనా గొడవ పెట్టుకుంటా. ఆయన ఏం చెప్పినా, ఎదురుచెబుతా. దాంతో మా మధ్య వాగ్వాదం జరుగుతుంది. ఇందాక కారులో వచ్చేటప్పుడు కూడా మా మధ్య గొడవ జరిగింది.
బ్రహ్మాజీ: ఈ షో అయిపోయిన తర్వాత ‘నా గురించి అలా ఎందుకు, ఇలా ఎందుకు చెప్పావు’ అని గంటసేపు వాదించగలదు. అయితే, చివరకు తనే సారీ చెబుతుంది. ఈ మధ్య గొడవ జరిగితే వెంటనే కారు వేసుకుని బయటకు వెళ్లిపోతున్నా. మధ్యాహ్నం 12.30 అవ్వగానే ఇంట్లో వాళ్లందరూ కలిసి భోజనం చేయాలి. దీంతో ‘ఎక్కడ ఉన్నావ్’ అని ఆ టైమ్కి ఫోన్ చేస్తుంది. అప్పుడు నాకు ఇష్టమైనవి చేసి పెడుతుంది. ఇక తను తిట్టే తిట్లు అర్థం కాకపోతే, ట్రాన్స్లేట్ చేసి మరీ చెబుతుంది.
శాశ్వతి: నేనేదో జాలి తలిచి సారీ చెప్పను. అప్పటికి నా మూడ్ సరైపోతుంది. మళ్లీ దాన్ని పాడుచేసుకోవడం ఎందుకని సారీ చెబుతా.
ఒకరినొకరు ప్రేమగా ఏమని పిలుచుకుంటారు?
శాశ్వతి: ప్రేమ ఎక్కువైతే బాజూ అని పిలుస్తా. నాకు కోపం వస్తే, బ్రహ్మాజీ అని పిలుస్తా.
బ్రహ్మాజీ: తనని చాచూ అని పిలుస్తా.
ఈ షోలో ఎలా అనిపించింది?
బ్రహ్మాజీ: ఈ షోలో నువ్వు (వెన్నెల కిషోర్) ఉంటావని, బాగుంటుందని అనుకున్నా. కానీ మీ ఇద్దరూ నన్ను టార్గెట్ చేశారు. మీరు బాగా ఎంజాయ్ చేశారు. (నవ్వులు)
బ్రహ్మాజీ, ఆయన సతీమణితో మధ్య జరిగిన ఆసక్తికర సంభాషణలు, వారితో వ్యాఖ్యాత వెన్నెల కిషోర్ ఆడించిన సరదా ఆటలను ఈటీవీ విన్ యాప్లో వీక్షించండి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
ఆ విషయంలో అల్లరి నరేశ్ను పట్టుబట్టా: నాని
నరేశ్ హీరోగా తెరకెక్కిన కామెడీ ఫిల్మ్ ‘ఆ ఒక్కటీ అడక్కు’. ఈ సినిమా ట్రైలర్ ఈవెంట్లో నాని సందడి చేశారు. -
అలాంటి మాటలు చెప్పే అలవాటు లేదు
‘పొలిమేర’ సిరీస్ సినిమాలతో అందర్నీ మెప్పించి సత్తా చాటారు సత్యం రాజేశ్. ఇప్పుడాయన హీరోగా నటించిన చిత్రం ‘టెనెంట్’. వై.యుగంధర్ తెరకెక్కించిన ఈ సినిమాని మోగుళ్ల చంద్రశేఖర్ రెడ్డి నిర్మించారు. -
చరణ్, జాన్వీ ‘జగదేక వీరుడు అతిలోక సుందరి’ సీక్వెల్ చేయాలన్నది నా కల: చిరంజీవి
‘జగదేక వీరుడు అతిలోక సుందరి’ రెండో భాగంలో రామ్చరణ్, జాన్వీకపూర్ కలిసి నటిస్తే చూడాలన్నది తన కల అని, దానికోసం ఎదురుచూస్తున్నానని అగ్ర కథానాయకుడు చిరంజీవి (Chiranjeevi) అన్నారు. -
హీరో ఒక్కడే థియేటర్లలోకి రప్పించలేడు
‘సినిమాలో పెద్ద హీరో ప్రధాన పాత్రధారిగా ఉన్నంతమాత్రాన ప్రేక్షకుడిని థియేటర్లలోకి రప్పించలేం. కథే సిసలైన హీరో’ అంటోంది కృతి సనన్. -
ఆ అవకాశం ఉంటే చెన్నై వదిలి ఇక్కడే సినిమాలు చేస్తా!
వైవిధ్యభరితమైన థ్రిల్లర్ కథలకు చిరునామాగా నిలుస్తుంటారు విజయ్ ఆంటోని. ఇప్పుడాయన తొలిసారి రొమాంటిక్ జానర్లో ‘లవ్ గురు’ అనే చిత్రం చేశారు. ఆయన స్వయంగా నిర్మించిన ఈ సినిమాని వినాయక్ వైద్యనాథన్ తెరకెక్కించారు. -
ఆ దిగ్గజ నటుడు నాకు ఆరాధ్య దైవంతో సమానం: మురళీ మోహన్
సినీ నటుడు మురళీ మోహన్ తాజాగా ‘ఆలీతో సరదాగా’లో పాల్గొన్నారు. ఆయన జీవితంలోని కొన్ని ఆసక్తికర అంశాలను పంచుకున్నారు. -
ఆ మాటలతోనే స్టార్నయ్యా.. ఇప్పటికీ షాంపూ బాటిల్లో నీళ్లు పోసి వాడుతుంటా!: చిరంజీవి
కెరీర్ పరంగా తాను ఎదుర్కొన్న సవాళ్లు, తన కుటుంబం, పొదుపుపై ఆసక్తికర వ్యాఖ్యలు చేశారు అగ్ర కథానాయకుడు చిరంజీవి (Chiranjeevi). -
చిరంజీవితో ఆ పాటకు డ్యాన్స్ వేయడం కష్టంగా అనిపించింది: రాధ
నటి రాధ ‘ఆలీతో సరదాగా’ కార్యక్రమానికి హాజరయ్యారు. ఆమె కెరీర్కు సంబంధించిన ఆసక్తికర విషయాలు పంచుకున్నారు. -
Prithviraj Sukumaran: అందుకు మలయాళ ఇండస్ట్రీ నాపై అసూయ పడిందేమో: పృథ్వీరాజ్ సుకుమారన్
తన కొత్త సినిమా ‘ఆడుజీవితం’ ప్రచారంలో భాగంగా హైదరాబాద్కు వచ్చారు మలయాళ నటుడు పృథ్వీరాజ్ సుకుమార్. ఆ చిత్రం గురించి పలు విశేషాలు పంచుకున్నారు. -
alitho saradaga: డబ్బులు అడుగుతానేమోనని కొందరు తప్పించుకు తిరిగేవాళ్లు: పుల్లెల గోపీచంద్
ప్రముఖ బ్యాడ్మింటన్ కోచ్ పుల్లెల గోపీచంద్ ఆలీతో సరదాగా కార్యక్రమానికి వచ్చారు. చాముండేశ్వర నాథ్తో కలిసి ఆయన చెప్పిన సంగతులేంటంటే.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Priyadarshi: స్వచ్ఛమైన హాస్యంతో సినిమా ఓ పెద్ద సవాల్
‘‘కథానాయకుడు అనగానే ఒక ప్రత్యేకమైన ఇమేజ్కి పరిమితం చేసినట్టు ఉంటుంది. స్వేచ్ఛగా ఉండలేను. నన్ను నేను ఓ నటుడిగా చూసుకోవడానికే ఇష్టపడతా’’ అన్నారు ప్రియదర్శి. -
Sivaji: ఆలీ అన్నా.. దయచేసి ఎన్నికల్లో పోటీ చేయొద్దు: శివాజీ
ఇప్పటి రోజుల్లో రాజకీయాలు వ్యాపారంగా మారాయన్నారు నటుడు శివాజీ. డబ్బులు ఖర్చుపెట్టడంతోపాటు వివిధ మార్గాల్లో ఆ మొత్తాన్ని తిరిగి లాక్కొనేవారికే పాలిటిక్స్ సెట్ అవుతాయన్నారు. -
Allari Naresh: ‘ఆ ఒక్కటీ అడక్కు’ టైటిల్.. ఆ ఉద్దేశంతో పెట్టలేదు : అల్లరి నరేశ్
నరేశ్ హీరోగా రూపొందిన తాజా చిత్రం ‘ఆ ఒక్కటీ అడక్కు’. ఈ సినిమా టీజర్ లాంచ్ ఈవెంట్లో నరేశ్ పాల్గొని సందడి చేశారు. -
Raghu Karumanchi: స్టాక్మార్కెట్.. రూ.కోట్లలో నష్టపోయా: రఘు
ఈటీవీలో ప్రసారమవుతోన్న సెలబ్రిటీ టాక్ షో ‘చెప్పాలని ఉంది’ (Cheppalani Vundi). బాలాదిత్య వ్యాఖ్యాతగా వ్యవహరిస్తోన్న ఈ కార్యక్రమంలో తాజాగా టాలీవుడ్ హాస్యనటుడు రఘు కారుమంచి (Raghu Karumanchi) పాల్గొన్నారు. తన కెరీర్ విశేషాలు పంచుకున్నారు. -
Akash Puri: అప్పటి వరకు నాన్న దర్శకత్వంలో నటించను: ఆకాశ్ పూరి
తన తండ్రి పూరి జగన్నాథ్ దర్శకత్వంలో ప్రస్తుతానికి నటించాలనుకోవడంలేదని నటుడు ఆకాశ్ తెలిపారు. హైదరాబాద్లో నిర్వహించిన ప్రెస్మీట్లో ఆయన మాట్లాడారు. -
Suhaas: రూ.3 కోట్ల రెమ్యూనరేషన్.. సుహాస్ ఏమన్నారంటే!
తాజాగా ‘ప్రసన్నవదనం’ టీజర్ లాంచ్ ఈవెంట్ జరిగింది. ఇందులో సుహాస్ తన రెమ్యూనరేషన్పై స్పందించారు. -
Gopichand: ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్
ప్రముఖ హాస్యనటుడు ఆలీ వ్యాఖ్యాతగా ఈటీవీ వేదికపై విశేష ఆదరణ సొంతం చేసుకున్న సెలబ్రిటీ టాక్ షో ‘ఆలీతో సరదాగా’ (Alitho Saradaga). ఈ షో సెకండ్ సీజన్ తాజాగా మొదలైంది. తొలి ఎపిసోడ్కు గోపీచంద్ (Gopichand) అతిథిగా విచ్చేశారు. -
Gopichand: భీమా ప్రేక్షకుల మదిలో నిలిచిపోయే పాత్ర: గోపీచంద్
భీమా ప్రమోషన్స్లో భాగంగా హీరో గోపీచంద్ ఇటీవల ఓ ఇంటర్వ్యూలో మాట్లాడారు. -
మూఢ నమ్మకాలు లేని దెయ్యం సినిమా ‘వళరి’
‘హారర్ సినిమాల సంఖ్య తగ్గుతున్న సమయంలో.. ఆ లోటును ‘వళరి’ చిత్రం తీర్చేయడానికి త్వరలో రాబోతుంది’ అంటున్నారు దర్శకురాలు మ్రితికా సంతోషిణి. దర్శకురాలిగా ఆమె రూపొందించిన తొలి చిత్రమిది. రితికా సింగ్, శ్రీరామ్ ప్రధాన పాత్రల్లో నటించారు.
తాజా వార్తలు (Latest News)
-
5,000mAh బ్యాటరీ.. 50MP కెమెరాతో నార్జో సిరీస్లో కొత్త ఫోన్లు
-
ఇప్పటికీ సరైన కూర్పు కోసం ప్రయత్నిస్తున్నాం: స్టీఫెన్ ఫ్లెమింగ్
-
‘మంజుమ్మల్ బాయ్స్’ నిర్మాతలపై చీటింగ్ కేసు
-
యూట్యూబ్కు పోటీగా.. వీడియోల కోసం ‘ఎక్స్’ టీవీ యాప్!
-
విజయ్తో సినిమా కష్టమే..: వెట్రిమారన్
-
ఆ ఇద్దరికి నో ప్లేస్.. వన్డౌన్ బ్యాటర్గా అతడే: ఇర్ఫాన్ పఠాన్