PV Sindhu: ప్రభాస్ అంటే ఇష్టం.. సినిమా వాళ్లను పెళ్లి చేసుకోవాలన్న ఆలోచన లేదు: పి.వి.సింధు
PV Sindhu.. పి.వి.సింధు.. ఆమె విజయాల రాకెట్.. మాతృభూమి కీర్తి పతాకం.. తన క్రీడా ప్రస్థానంలో అంతర్జాతీయంగా ఎన్నో అద్భుతాలను అందుకున్న తెలుగమ్మాయి.. కామన్వెల్త్లో
అమ్మానాన్నలు వెన్నంటి ఉండటంతోనే ఆటలో ఎదిగా!
PV Sindhu.. పి.వి.సింధు.. ఆమె విజయాల రాకెట్.. మాతృభూమి కీర్తి పతాకం.. తన క్రీడా ప్రస్థానంలో అంతర్జాతీయంగా ఎన్నో అద్భుతాలను అందుకున్న తెలుగమ్మాయి.. కామన్వెల్త్లో గోల్డ్ సాధించి స్టార్గా ఎదిగింది.. తొలిసారి ఈటీవీలో ఆలీతో సరదాగా కార్యక్రమానికి వచ్చిన ఆమె. తన ఆటే కాదు..మాటతోనూ ఆకట్టుకున్నారు. మనసారా నవ్వుతూ ఎన్నో అసక్తికర విషయాలను పంచుకున్నారు.
బ్యాడ్మింటన్ ఆడాలనే కోరిక నాన్నదా..? అమ్మదా..? నీదా..?
సింధు: నాన్న రైల్వేలో పని చేశారు. ఇప్పుడు వీఆర్ఎస్ ఇచ్చారు. అమ్మకూడా రైల్వేలోనే పని చేశారు. నా చదువు హైదరాబాద్లోనే సాగింది. ఎంబీఏ చేశా. ఆట ఆడాలన్న కోరిక నాదే. అమ్మానాన్న వాలీబాల్ క్రీడాకారులు, నాన్న వాలీబాల్ ఆడుతుంటే నేను బ్యాడ్మింటన్ ఆడేదాన్ని. అలా సరదాగా మొదలై.. ఇప్పుడు ఈ స్థాయికి చేరా.
నీ మొదటి గెలుపు ఎక్కడ?
సింధు: వయస్సు ఆధారంగా గ్రూపు టోర్నీలుంటాయి. అండర్-10లో కొచ్చిన్లో జాతీయ స్థాయిలో గెలిచా. అదే తొలి విజయం. తర్వాత 13, 19 గ్రూప్లో పలు విజయాలు సాధించాను.
భవిష్యత్తులో ఏం చేయాలనుకుంటున్నారు..?
సింధు: ప్రస్తుతమైతే స్పోర్ట్స్ మాత్రమే. ఆంధ్రాలో డిప్యూటీ కలెక్టర్ జాబ్ ఉంది. ఆన్డ్యూటీ లీవ్లో ఉన్నా.
తెలుగు ఇండస్ట్రీలో ఏ హీరో అంటే ఇష్టం..?
సింధు: చాలా మంది ఉన్నారు. ప్రభాస్ అంటే ఇష్టం. తర్వాత అల్లు అర్జున్, రామ్చరణ్ అంతే..! హిందీలో రణ్వీర్సింగ్, అమ్మాయిల్లో దీపికా పదుకొణె. తను నాకు మంచి ఫ్రెండ్ కూడా.
స్పోర్ట్స్ పర్సన్లో మీకెవరు స్ఫూర్తి?
సింధు: నాకు మా నాన్నే స్ఫూర్తి. లింగ్యాన్ బ్యాడ్మింటన్లో లెజెండ్. ఆయన ఆట బాగుంటుంది.
ఎంత కష్టపడితే ఈ స్థాయికి చేరుకోగలిగారు..?
సింధు: నేను ఆట మొదలెట్టినప్పుడు సికింద్రాబాద్లో ఉండేవాళ్లం. తొలుత రైల్వే గ్రౌండ్లో ఆడేదాన్ని. ఆ ఆట తీరు బాగుండటంతో మెరుగైన ట్రైనింగ్ కోసం ఎల్బీ స్టేడియానికి వెళ్లా. గచ్చిబౌలికి మారిన తర్వాత దూరం మరింత పెరిగింది. ఖర్చు కూడా బాగా అయింది. మనం అంత భరించలేమోనని నాన్న అన్నారు. నేను ఏడవటంతో నాన్న కాదనలేకపోయారు. నా ప్యాషన్గా బ్యాడ్మింటన్ మారింది. అమ్మానాన్న వాళ్ల జీవితాన్ని నా కోసం కేటాయించారు. అందుకే ఇలా ఉన్నా..!
మీకొక అక్క ఉన్నారు కదా? ఏ దైవాన్ని ఎక్కువగా ఆరాధిస్తారు..?
సింధు: అక్క డాక్టర్. తను హైదరాబాద్లోనే ఉంటుంది. మా ఇద్దరి మధ్య ఏడేళ్ల దూరం ఉంది. మేమిద్దరం చాలా క్లోజ్. నా చదువు కోసం బాగా శ్రమించింది. అమ్మ నాకు వంట చేస్తుంది. కొవిడ్తో ఎక్కువగా విదేశాలకు రావడం లేదు. పెద్ద టోర్నీకి వెళ్లినపుడు అమ్మ వస్తుంది. అవార్డులు, ఫంక్షన్లకు అమ్మే వస్తుంది. దేవుడిని నమ్ముతా.. ‘దేవుడా బాగా ఆడాలి’అని కోరుకుంటా.
పి.వి.సింధుకు గురువు ఎవరు?
సింధు: మొదట మహబూబ్ ఆలీ దగ్గర శిక్షణ పొందా. ఆ తర్వాత ఆరిఫ్, గోవర్ధన్, గోపి సర్ దగ్గర ఆట నేర్చుకున్నాను.
పుల్లెల గోపీచంద్ పాత్ర ఏంటీ..?
సింధు: ఒక్కో కోచ్ దగ్గర ఒక స్కిల్ ఉంటుంది. ఒక్కొక్కరి వద్ద కొన్ని అంశాలను స్వీకరించాను. ఇండోనేషియా, దక్షిణ కొరియా కోచ్ల దగ్గర చాలా విషయాలు నేర్చుకున్నా.
పతకం తీసుకున్న ప్రతీసారి మన చేతిలో జాతీయ జెండా ఉంటుంది. అలాంటి సమయంలో మీ ఫీలింగ్ ఎలా ఉంటుంది..?
సింధు: ఇట్స్ ఎ వండర్ఫుల్ ఫీలింగ్. దాన్ని మాటల్లో చెప్పలేను. పోడియం మీద నిల్చున్నప్పుడు జాతీయ గీతం వస్తుంటే కళ్ల నుంచి నీళ్లు వస్తాయి.
ఏదైనా టోర్నీకి వెళ్లినప్పుడు మ్యాచ్కు ముందురోజు నుంచే ఒత్తిడి ఉంటుందా..?
సింధు: చాలా ఉంటుంది. నాన్నకు కూడా అలాగే ఉంటుంది. మ్యాచ్ ఎలా గెలవాలనే ఆలోచన ఎక్కువగా చేస్తాం. నాకు ప్రతి మ్యాచ్ పోటాపోటీగానే ఉంటుందని భావిస్తా. కామన్వెల్త్కి వెళ్లేటప్పుడు ప్రజలు సింధు బంగారం గెలవాలని కోరుకున్నారు. క్రీడాకారులు, అందరూ అలాగే కోరతారనే ఒత్తిడి అధికంగా ఉంటుంది. ఆ దేశాల వాతావరణం, కోర్టుల తీరు అన్నింటినీ తట్టుకొని విజయం సాధించాలంటే 100శాతం పట్టుదలతో ఆడాలి.
మీ స్నేహితులు సినిమాలు, షికార్లకు వెళుతుంటే ఎలా ఉంటుంది..?
సింధు: నాకు పెద్దగా ఫీలింగ్ ఉండేది కాదు. నేను విదేశాల్లో వాళ్ల కంటే ఎక్కువగా తిరుగుతా కదా (నవ్వులు) హైదరాబాద్లో చాలా అరుదుగా బయటకు వెళ్తా.
క్రికెట్లో బౌలర్ రెచ్చగొడితే సచిన్ ఫోర్లు, సిక్స్లు బాదేవాడు.. అలా బ్యాడ్మింటన్లో నిన్ను రెచ్చిగొట్టిన సందర్భాలున్నాయా..?
సింధు: చాలా మంది తగిలారు. 2018లో ప్రపంచ ఛాంపియన్ ఫైనల్లో కెరెలినాతో ఆడుతున్నా. నేను లీడింగ్లో ఉండటంతో ఆమె అరవటం మొదలు పెట్టింది. ఆమె అలా ఎందుకు అరుస్తోందో తెలియక చికాకు పడి పాయింట్లు ఇచ్చేసి ఓడిపోయిన మ్యాచ్లున్నాయి. ఇటీవల ఏషియన్ ఛాంపియన్షిప్లో యమగుచితో మొదటి మ్యాచ్ గెలిచా. రెండో మ్యాచ్ లీడింగ్లో ఉంటే ఆమె అరుస్తుంటే చికాకు పడ్డా. సర్వీస్ చేస్తుంటే అంపైర్ ఆలస్యం చేస్తున్నావ్. ప్రత్యర్థికివ్వు అన్నారు. ఫైట్ చేసినా ఫలితం దక్కలేదు. చివరికి ఓడిపోయా. ఒత్తిడిని తట్టుకుంటేనే విజయం సాధించగలం.
భవిష్యత్తులో సింధుని సినిమా హీరోయిన్గా చూడొచ్చా..?
సింధు: ప్రస్తుతమయితే లేదు. ఏమో నా బయోపిక్ తీయొచ్చేమో.. నాతో తీస్తేనే నేచురల్గా ఉంటుంది కదా..!
సీరియస్ క్వశ్చన్ నీకు.. ఇప్పటిదాకా ఎన్ని లవ్లెటర్లు అందుకున్నావ్..?
సింధు: చాలా లెటర్లు ఇంటికి వచ్చాయి. ఇంట్లో అందరం కలిసి చదివాం. చాలా లెటర్లు ఇండియా నుంచే వస్తాయి. సోషల్ మీడియాలో వచ్చాయి. కొన్నేళ్ల క్రితం తమిళనాడుకు చెందిన 70 ఏళ్ల వ్యక్తి ‘సింధును పెళ్లి చేసుకోవాలనుకుంటున్నా. మీరు పెళ్లికి ఒప్పుకోకపోతే కిడ్నాప్ చేసి పెళ్లి చేసుకుంటా’ అని పత్రికలో వచ్చింది.
పెళ్లెప్పుడు..? చాలా మంది క్రీడాకారులు సినిమా వాళ్లను చేసుకుంటున్నారు.? నువ్వు ఇలాగే చేసుకుంటావా..?
సింధు: ఇప్పుడయితే కాదు.. 2024 ఒలింపిక్స్పై దృష్టి పెట్టా. పారిస్లో ఉంటుంది. ఆ తర్వాత నాకు నచ్చిన వ్యక్తిని పెళ్లి చేసుకుంటా. నాకు సినిమా వాళ్లను చేసుకోవాలనే ఆశలు లేవు.
బాగా ఇబ్బంది పడిన సందర్భం ఏదైనా ఉందా..?
సింధు: క్రీడల్లో గాయాలు కావడం సాధారణ విషయమే. చాలా సార్లు గాయాలయ్యాయి. ఆరు నెలలు గాయంతోనే ఆడాను. తర్వాత ఆరు నెలలు విశ్రాంతి తీసుకోవాల్సి వచ్చింది. ఎక్కువ టోర్నీలు ఆడితేనే ర్యాంకింగ్ మెరుగుపడుతుంది. తొలి 16 ర్యాంకుల్లో ఉండేవారికే ఒలింపిక్స్లో పాల్గొనడానికి వీలుంది. గాయాలు కాకుండా జాగ్రత్త పడటంతో ఒలింపిక్స్లో పాల్గొన్నా.. తొలిసారే పతకం సాధించాను. గెలిచే మ్యాచ్ కోల్పోయినప్పుడు చాలా బాధగా అనిపిస్తుంది. వరసగా 8 టోర్నీలలో ఫైనల్స్లో ఓడిపోయా.
విమర్శలను ఎలా ఎదుర్కొంటారు..?
సింధు: పత్రికల్లో చాలా వస్తుంటాయి. సోషల్ మీడియాలో చాలా కామన్ అయిపోయింది. డాడీకి కూడా చాలా సార్లు చెప్పా. ‘నేను విజయాలు సాధించలేనా’ అని అడిగేదాన్ని.. నాన్న మాత్రం చాలా నమ్మకంగా ‘నువ్వు విజయం సాధిస్తావ’ని చెప్పేవారు. నాకు అవసరం లేని వాటి గురించి పట్టించుకోను.
ప్రధాన మంత్రి నరేంద్రమోదీతో ఐస్క్రీం తిన్నట్టున్నారు...? అది ఏ ఫ్లేవర్..?
సింధు: చాలా రకాలు తెచ్చారు. ఆయనతో పంచుకున్న సమయం చాలా అద్భుతం. గెలిచిన ప్రతీ సారి ఆయనను కలవడం, ఆయన స్ఫూర్తినిచ్చే మాటలు బాగుంటాయి. చాలా గర్వంగా అనిపిస్తుంది. గౌరవంగా అనిపిస్తుంది. ‘మోదీ 20’ బుక్ విడుదల చేశారు. అందులో ఒక చాఫ్టర్ రాసే అదృష్టం వచ్చింది.
బ్యాడ్మింటన్ కాకుండా ఇతర ఆటలు.. ఏవి ఇష్టం?
సింధు: ఫుట్బాల్, బాక్సింగ్, వాలీబాల్ ఇష్టం. మాజీ క్రికెటర్ చాముండి నన్ను బాగా ప్రోత్సహించారు. నాకు తొలిసారిగా కారు ఇచ్చారు..ఒలింపిక్స్లో పతకం సాధిస్తే సచిన్ వచ్చి కారు ఇస్తాడని చెప్పారు. అలాగే వచ్చి కారు ఇచ్చారు. ఏదైనా ఆయన చెప్పినట్టే ప్రతీ టోర్నీలో గెలిచా. ఈసారి పారిస్లో కూడా గెలుస్తానేమో..
నువ్వు ఈ స్థాయిలో ఉండటానికి కారణమైన పుల్లెల గోపీచంద్ అకాడమీ నుంచి బయటకు రావడానికి కారణం ఏంటి?
సింధు: అక్కడ కొన్ని మ్యాచ్లు ఆడాను. కోచ్, ప్లేయర్గా కొన్ని నచ్చవచ్చు.. నచ్చకపోవచ్చు. నాకు కొన్ని నచ్చలేదు. నాకు వర్కవుట్ కావడం లేదని బయటకు వచ్చా. మా కుటుంబం అంతా కలిసి నిర్ణయం తీసుకున్నాం. నన్ను నేను నిరూపించుకున్నా. ఇప్పటి వరకు ఎంత నేర్చుకున్నా.. ఇంకా ఎంతో నేర్చుకోవాలి. దేశం కోసం ఎన్నో గెలవాలి. అదే నా లక్ష్యం.
నీకు పదేళ్లున్నపుడు నాన్న నీపై చేయి చేసుకున్నారట..?
సింధు: ఆ సంఘటనతో చాలా నేర్చుకున్నా. రాకెట్తో షటిల్కాక్ తీయడం రావడం లేదు. ఎన్నిసార్లు చెప్పినా రాలేదు. ఒక్కటి పడింది.. ఆ భయానికి రెండోరోజు ప్రాక్టీసు చేసి చేసి అలవాటు చేసుకున్నా.
పాఠశాలకు వెళ్లకపోయినా పరీక్షల్లో మార్కులు బాగానే వచ్చేవట ఎలా..?
సింధు: పాఠశాల, కళాశాలకు వెళ్లకపోయినా ఇంట్లో చదువుకునేదాన్ని. కాపీ బ్యాచ్ అయితే కాదు. టీచర్లకు అనుమానం ఉన్నా పరీక్షల్లో మంచి మార్కులు సాధించి మంచి పేరు తెచ్చుకున్నా.
ప్రస్తుతం మీ ర్యాంకు ఎంత..?
సింధు: ప్రపంచ ర్యాంకింగ్లో ఏడు. కెరీర్ బెస్ట్ ర్యాంకు 2, కొవిడ్తో ర్యాంకులు ఆపేశారు. మళ్లీ ఇస్తే 4వ ర్యాంకు వస్తుందేమో. మొదటి ర్యాంకులోకి రావాలనుకుంటున్నా. ఎక్కువ టోర్నీలు ఆడితే ర్యాంకు పెరుగుతుంది.
మీ తాతయ్య సినీ నిర్మాతగా చేశారా..? అశ్వనీదత్ బంధువా..?
సింధు: అవును. దోనేపూడి బ్రహ్మయ్య.. ఎన్టీఆర్తో బందిపోటు, కలవారి సంసారం తీశారు. తర్వాత విజయవాడ వచ్చారు. అశ్వినీదత్గారు అమ్మ తరుఫున బంధువు.
పద్మభూషణ్ ప్రకటించినప్పుడు ఫీలింగ్ ఏంటి?
సింధు: అప్పుడు టోర్నీలో ఉన్నా.. న్యూస్ చూసి తెలుసుకున్నా. ఒకసారి టీవీలలో వచ్చినా అవార్డు రాలేదు. మళ్లీ ప్రచారం అవుతుంది. అది నిజం కానీ అనుకున్నా..అధికారికంగా ప్రకటించినప్పుడు సంతోషం అంతా ఇంతా కాదు.. కొవిడ్ ఉండటంతో ఆలస్యంగా అవార్డును తీసుకున్నా. ఇలాంటి అవార్డులు ఎంతో ప్రోత్సాహం అందిస్తాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
చరణ్, జాన్వీ ‘జగదేక వీరుడు అతిలోక సుందరి’ సీక్వెల్ చేయాలన్నది నా కల: చిరంజీవి
‘జగదేక వీరుడు అతిలోక సుందరి’ రెండో భాగంలో రామ్చరణ్, జాన్వీకపూర్ కలిసి నటిస్తే చూడాలన్నది తన కల అని, దానికోసం ఎదురుచూస్తున్నానని అగ్ర కథానాయకుడు చిరంజీవి (Chiranjeevi) అన్నారు. -
హీరో ఒక్కడే థియేటర్లలోకి రప్పించలేడు
‘సినిమాలో పెద్ద హీరో ప్రధాన పాత్రధారిగా ఉన్నంతమాత్రాన ప్రేక్షకుడిని థియేటర్లలోకి రప్పించలేం. కథే సిసలైన హీరో’ అంటోంది కృతి సనన్. -
ఆ అవకాశం ఉంటే చెన్నై వదిలి ఇక్కడే సినిమాలు చేస్తా!
వైవిధ్యభరితమైన థ్రిల్లర్ కథలకు చిరునామాగా నిలుస్తుంటారు విజయ్ ఆంటోని. ఇప్పుడాయన తొలిసారి రొమాంటిక్ జానర్లో ‘లవ్ గురు’ అనే చిత్రం చేశారు. ఆయన స్వయంగా నిర్మించిన ఈ సినిమాని వినాయక్ వైద్యనాథన్ తెరకెక్కించారు. -
ఆ దిగ్గజ నటుడు నాకు ఆరాధ్య దైవంతో సమానం: మురళీ మోహన్
సినీ నటుడు మురళీ మోహన్ తాజాగా ‘ఆలీతో సరదాగా’లో పాల్గొన్నారు. ఆయన జీవితంలోని కొన్ని ఆసక్తికర అంశాలను పంచుకున్నారు. -
ఆ మాటలతోనే స్టార్నయ్యా.. ఇప్పటికీ షాంపూ బాటిల్లో నీళ్లు పోసి వాడుతుంటా!: చిరంజీవి
కెరీర్ పరంగా తాను ఎదుర్కొన్న సవాళ్లు, తన కుటుంబం, పొదుపుపై ఆసక్తికర వ్యాఖ్యలు చేశారు అగ్ర కథానాయకుడు చిరంజీవి (Chiranjeevi). -
చిరంజీవితో ఆ పాటకు డ్యాన్స్ వేయడం కష్టంగా అనిపించింది: రాధ
నటి రాధ ‘ఆలీతో సరదాగా’ కార్యక్రమానికి హాజరయ్యారు. ఆమె కెరీర్కు సంబంధించిన ఆసక్తికర విషయాలు పంచుకున్నారు. -
Prithviraj Sukumaran: అందుకు మలయాళ ఇండస్ట్రీ నాపై అసూయ పడిందేమో: పృథ్వీరాజ్ సుకుమారన్
తన కొత్త సినిమా ‘ఆడుజీవితం’ ప్రచారంలో భాగంగా హైదరాబాద్కు వచ్చారు మలయాళ నటుడు పృథ్వీరాజ్ సుకుమార్. ఆ చిత్రం గురించి పలు విశేషాలు పంచుకున్నారు. -
alitho saradaga: డబ్బులు అడుగుతానేమోనని కొందరు తప్పించుకు తిరిగేవాళ్లు: పుల్లెల గోపీచంద్
ప్రముఖ బ్యాడ్మింటన్ కోచ్ పుల్లెల గోపీచంద్ ఆలీతో సరదాగా కార్యక్రమానికి వచ్చారు. చాముండేశ్వర నాథ్తో కలిసి ఆయన చెప్పిన సంగతులేంటంటే.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Priyadarshi: స్వచ్ఛమైన హాస్యంతో సినిమా ఓ పెద్ద సవాల్
‘‘కథానాయకుడు అనగానే ఒక ప్రత్యేకమైన ఇమేజ్కి పరిమితం చేసినట్టు ఉంటుంది. స్వేచ్ఛగా ఉండలేను. నన్ను నేను ఓ నటుడిగా చూసుకోవడానికే ఇష్టపడతా’’ అన్నారు ప్రియదర్శి. -
Sivaji: ఆలీ అన్నా.. దయచేసి ఎన్నికల్లో పోటీ చేయొద్దు: శివాజీ
ఇప్పటి రోజుల్లో రాజకీయాలు వ్యాపారంగా మారాయన్నారు నటుడు శివాజీ. డబ్బులు ఖర్చుపెట్టడంతోపాటు వివిధ మార్గాల్లో ఆ మొత్తాన్ని తిరిగి లాక్కొనేవారికే పాలిటిక్స్ సెట్ అవుతాయన్నారు. -
Allari Naresh: ‘ఆ ఒక్కటీ అడక్కు’ టైటిల్.. ఆ ఉద్దేశంతో పెట్టలేదు : అల్లరి నరేశ్
నరేశ్ హీరోగా రూపొందిన తాజా చిత్రం ‘ఆ ఒక్కటీ అడక్కు’. ఈ సినిమా టీజర్ లాంచ్ ఈవెంట్లో నరేశ్ పాల్గొని సందడి చేశారు. -
Raghu Karumanchi: స్టాక్మార్కెట్.. రూ.కోట్లలో నష్టపోయా: రఘు
ఈటీవీలో ప్రసారమవుతోన్న సెలబ్రిటీ టాక్ షో ‘చెప్పాలని ఉంది’ (Cheppalani Vundi). బాలాదిత్య వ్యాఖ్యాతగా వ్యవహరిస్తోన్న ఈ కార్యక్రమంలో తాజాగా టాలీవుడ్ హాస్యనటుడు రఘు కారుమంచి (Raghu Karumanchi) పాల్గొన్నారు. తన కెరీర్ విశేషాలు పంచుకున్నారు. -
Akash Puri: అప్పటి వరకు నాన్న దర్శకత్వంలో నటించను: ఆకాశ్ పూరి
తన తండ్రి పూరి జగన్నాథ్ దర్శకత్వంలో ప్రస్తుతానికి నటించాలనుకోవడంలేదని నటుడు ఆకాశ్ తెలిపారు. హైదరాబాద్లో నిర్వహించిన ప్రెస్మీట్లో ఆయన మాట్లాడారు. -
Suhaas: రూ.3 కోట్ల రెమ్యూనరేషన్.. సుహాస్ ఏమన్నారంటే!
తాజాగా ‘ప్రసన్నవదనం’ టీజర్ లాంచ్ ఈవెంట్ జరిగింది. ఇందులో సుహాస్ తన రెమ్యూనరేషన్పై స్పందించారు. -
Gopichand: ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్
ప్రముఖ హాస్యనటుడు ఆలీ వ్యాఖ్యాతగా ఈటీవీ వేదికపై విశేష ఆదరణ సొంతం చేసుకున్న సెలబ్రిటీ టాక్ షో ‘ఆలీతో సరదాగా’ (Alitho Saradaga). ఈ షో సెకండ్ సీజన్ తాజాగా మొదలైంది. తొలి ఎపిసోడ్కు గోపీచంద్ (Gopichand) అతిథిగా విచ్చేశారు. -
Gopichand: భీమా ప్రేక్షకుల మదిలో నిలిచిపోయే పాత్ర: గోపీచంద్
భీమా ప్రమోషన్స్లో భాగంగా హీరో గోపీచంద్ ఇటీవల ఓ ఇంటర్వ్యూలో మాట్లాడారు. -
మూఢ నమ్మకాలు లేని దెయ్యం సినిమా ‘వళరి’
‘హారర్ సినిమాల సంఖ్య తగ్గుతున్న సమయంలో.. ఆ లోటును ‘వళరి’ చిత్రం తీర్చేయడానికి త్వరలో రాబోతుంది’ అంటున్నారు దర్శకురాలు మ్రితికా సంతోషిణి. దర్శకురాలిగా ఆమె రూపొందించిన తొలి చిత్రమిది. రితికా సింగ్, శ్రీరామ్ ప్రధాన పాత్రల్లో నటించారు. -
Varun Tej: కల్యాణ్ బాబాయ్ ఇలా చెప్పడం అరుదు: వరుణ్ తేజ్
తన కొత్త సినిమా ‘ఆపరేషన్ వాలెంటైన్’ మార్చి 1న విడుదల కానున్న సందర్భంగా విలేకరులతో ముచ్చటించారు హీరో వరుణ్ తేజ్. -
Sundeep Kishan: అలా చేసుంటే మీ సినిమా బ్లాక్బస్టర్ అయ్యేది: సందీప్ కిషన్తో అభిమాని
తన అభిమానులతో సోషల్ మీడియా వేదికగా ముచ్చటించారు హీరో సందీప్ కిషన్. -
Janhvi Kapoor: నాన్న ఆ విషయం నాకూ చెప్పలేదు: జాన్వీ కపూర్
బాలీవుడ్ నటి జాన్వీకపూర్ తాజాగా ఓ ఇంటర్వ్యూలో పాల్గొన్నారు. ‘దేవర’ సినిమా విశేషాలతో పాటు మరికొన్ని సంగతులు పంచుకున్నారు.
తాజా వార్తలు (Latest News)
-
తేజ సజ్జా కొత్త చిత్రం.. టైటిల్ ఏమిటంటే..?
-
భద్రాచలంలో కనులపండువగా శ్రీరామ మహా పట్టాభిషేకం
-
ఫస్ట్ టైమ్ ఓటర్లకు ఎయిరిండియా ఎక్స్ప్రెస్ ఆఫర్
-
పెద్ద కోటల్లో ఉండే జగన్.. ఎన్నికల వేళ బయటకు వస్తున్నారు: షర్మిల
-
ఎన్నికల ప్రక్రియ పవిత్రంగా ఉండాలి: సుప్రీంకోర్టు
-
వివేకా వ్యక్తిగత జీవితాన్ని బయటపెట్టి తీవ్రంగా అవమానిస్తున్నారు: సునీత