sivasankar: ‘సెట్లో డ్యాన్స్ చేస్తూ చచ్చిపోవాలనేదే నా కోరిక’
నృత్య దర్శకుడు, నటుడు శివ శంకర్ మాస్టర్ ఇకలేరన్న విషయంతో తమిళ, తెలుగు సినీ పరిశ్రమలను తీవ్రంగా కలిచి వేసింది
ఇంటర్నెట్డెస్క్: నృత్య దర్శకుడు, నటుడు శివ శంకర్ మాస్టర్ మరణంతో తమిళ, తెలుగు సినీ పరిశ్రమల్లో విషాదం నెలకొంది. ఆయన ఇకలేరన్న విషయం తెలిసి సినీ ప్రముఖులు సంతాపాలు తెలియజేస్తున్నారు. ఎప్పుడూ సరదాగా, అందరితో కలివిడిగా ఉండే ఆయనతో తమకున్న అనుబంధాన్ని ఈ సందర్భంగా గుర్తుచేసుకుంటున్నారు. గతంలో అలీ వ్యాఖ్యాతగా ‘ఈటీవీ’లో ప్రసారమయ్యే ‘ఆలీతో సరదాగా’ కార్యక్రమానికి విచ్చేసి ఎన్నో విశేషాలను పంచుకున్నారు. శివ శంకర్ మాస్టర్ మనల్ని విడిచి వెళ్లిన నేపథ్యంలో ఆయన మాటలు మీకోసం యథాతథంగా..
ఈ వయసులో కూడా ఇంత ఎనర్జీగా ఎలా ఉండగలుగుతున్నారు?
శివశంకర్ మాస్టర్: నా తల్లిదండ్రులు ఇచ్చిన బహుమతి, నా గురువుల ఆశీర్వాదం, ఆ పరమేశ్వరుడి దయ.
మీరు చాలా రిచ్ అని విన్నాం నిజమేనా?
శివశంకర్ మాస్టర్: మా తండ్రి పండ్ల వ్యాపారి. రాజమండ్రితో పాటు దాని చుట్టుపక్కల గ్రామాలకు హోల్సేల్గా పండ్లు సరఫరా చేసేవారు. ఆయన గ్రేట్ బిజినెస్ మ్యాన్
మీ ఫ్యామిలీలో ఎవరైనా డ్యాన్సు నేర్చుకున్నారా?
శివశంకర్ మాస్టర్: ఎవరూ లేరు. నాకే రావాలని ఆ భగవంతుడు అనుగ్రహించాడు. దాని వెనుక పెద్ద కథే ఉంది. చిన్నప్పుడు నా వెన్నెముక విరిగిపోయింది. మా అమ్మతో కలిపి వాళ్లు పది మంది అక్కాచెల్లెళ్లు. నాకు ఒకటిన్నర సంవత్సరాల వయసున్నప్పుడు మా పెద్దమ్మవాళ్లు నన్ను తన ఒళ్లొ కూర్చోబెట్టుకుని ఇంటి అరుగుమీద కబుర్లు చెప్పుకుంటున్నారట. అదే సమయంలో ఒక ఆవు తాడు తెంపుకొని వచ్చేసింది. అది ఎక్కడ వాళ్ల మీదకు వస్తుందోనని పరిగెత్తుకుంటూ లోపలికి వెళ్లే సమయంలో గుమ్మం దగ్గర పడిపోవడంతో ఆమె చేతిలో ఉన్న నేను కింద పడిపోయాను. అప్పుడు వెన్నెముక విరిగిపోయింది. ఆ తర్వాత నెల రోజుల పాటు జ్వరం. ఏ డాక్టర్కు చూపించినా సరికాలేదు. అదే సమయంలో విదేశాల్లో డాక్టర్గా పనిచేసి మద్రాసు వచ్చిన నరసింహ అయ్యర్ అనే ఆయన వద్దకు నన్ను తీసుకెళ్లారు. అప్పటికే ఆయనకు 70 సంవత్సరాలు. ఎక్స్రే తీసి, వెన్నెముక విరిగిపోయిందని నిర్థారించారు. అప్పుడు ఆ డాక్టర్ మా వాళ్లకు ఒక సలహా ఇచ్చారు. ‘ఈ పిల్లాడిని ఎవరి వద్దకు తీసుకెళ్లకుండా నా దగ్గర వదిలేస్తే లేచి నడిచేలా చేయగలను’ అని అన్నారట. మా నాన్న ఆయనను నమ్మి అక్కడ వదిలేసి వెళ్లిపోయారు. దాదాపు ఎనిమిదేళ్లపాటు నేను పడుకునే ఉన్నాను. నాకు ఎలాగైనా చదువు చెప్పించాలని మా నాన్న నాకు ట్యూషన్ పెట్టారు. నేను నేరుగా అయిదో తరగతిలో చేరాను. స్కూల్ సెకండ్ బెల్ కొట్టినప్పుడు నన్ను తీసుకెళ్లేవారు. ఫస్ట్ బెల్ అవ్వకముందే తీసుకొచ్చేవారు. ఇతర పిల్లల్లా నేను ఆడుకోవడానికి లేదు. దీంతో ఇంట్లో చాలా గారాబంగా పెరిగాను. అప్పట్లో ‘సభ’ అని ఉండేది. అందులో మా నాన్నగారు సభ్యుడు. ఆయనకు పాటలంటే ప్రాణం. నాటకాలు, డ్యాన్సులు చూడాలంటే డ్రైవర్ను ఇచ్చి నన్ను పంపేవారు. వాటిని చూసి చూసి, వాటిపై నాకు వ్యామోహం పెరిగిపోయింది. డ్యాన్స్ చేయాలన్న పట్టుదల నాలో పెరిగిపోయింది. దాంతో నా అంతట నేనే నేర్చుకుని, నాకు 16ఏళ్లు వచ్చేసరికి ట్రూప్ల వెంట వెళ్లి డ్యాన్సు చేసేవాడిని. అప్పటికి వెన్ను నొప్పి తగ్గిపోయింది. ఒక రోజు ఎవరో వచ్చి నేను డ్యాన్సులు చేయడాన్ని మా నాన్నకు చెప్పేశారు. అబద్ధాలు చెప్పడం మా నాన్నకు అస్సలు ఇష్టం ఉండదు. అందుకే నిజం చెప్పేశా. చదువుకోకుండా ఇలా చేస్తున్నానని ఇంట్లో అందరూ ఒకటే తిట్లు. ఎలాగో ఎస్సెల్సీ పూర్తి చేశా. ‘తర్వాత ఏం చేస్తావు’ అని అడిగారు. ‘నేను డ్యాన్సు నేర్చుకుంటా’ అని చెప్పా. ఆ తర్వాత పెద్ద పెద్ద పండితులకు నా జాతకం చూపిస్తే, ‘డ్యాన్సర్ అవుతాడు. వదిలెయ్’ అని చెప్పారట. దాంతో మద్రాసులో నటరాజ శకుంతల అనే నృత్యకారుడి వద్ద నృత్యం నేర్చుకున్నా. ఆడవాళ్లు ఎలాంటి హావభావాలు పలికిస్తారు? వాటిని మగవాళ్లు ఎలా పలికిస్తారు? వంటి ఎన్నో విషయాలు పదేళ్లు శిష్యరికం చేసి నేర్చుకున్నా. ఆ తర్వాత సలీమ్గారి దగ్గర సహాయకుడిగా చేరాను.
మీ తొలి సినిమా ఏది?
శివశంకర్ మాస్టర్: నేను సహాయకుడిగా పని చేసిన మొదటి సినిమా ‘పాట్టు భరదము’. పి.మాధవన్ దర్శకత్వంలో శివాజీ గణేశన్-జయలలిత జంటగా నటించారు. మాస్టర్గా ‘కురివికూడు’ అనేది నా తొలి సినిమా. తెలుగు చిత్ర పరిశ్రమకు వచ్చే సరికి ‘ఖైదీ’ నా మొదటి సినిమా. అప్పట్లో సలీమ్గారు చాలా బిజీ. ‘రగులుతోంది మొగలిపొద’ పాటకు ప్రాక్టీసు చేసి వెళ్లాం. అయితే, వర్షం కారణంగా షూటింగ్ వాయిదా పడింది. ఆ తర్వాత సలీమ్గారు అందుబాటులో లేకపోతే నేనే నృత్యాలు సమకూర్చా.
ఆ పాట తర్వాత చాలా ఇబ్బంది పడ్డారట!
శివశంకర్ మాస్టర్: మూడు నెలల పాటు చాలా బాధ పడ్డాను. (మధ్యలో అలీ అందుకుని.. ఆ పాటకు వచ్చిన క్రేజ్ చూస్తే ఆ క్రెడిట్ ఇప్పటికీ మీకే దక్కుతుంది.)
హీరోయిన్లకు ఇంత అందం ఇచ్చిన దేవుడు, ఎక్స్ప్రెషన్స్.. డ్యాన్సు ఎందుకు ఇవ్వలేకపోయాడు? అని కామెంట్ చేస్తారట!
శివశంకర్ మాస్టర్: అవును! వాళ్లే అన్నీ చేస్తే, శివ శంకర్ మాస్టర్కు ఇంత పేరు వచ్చేది కాదేమో! ఇది కూడా నిజమే!(నవ్వులు)
మీకు ఎంతమంది అబ్బాయిలు?
శివశంకర్ మాస్టర్: నాకు ఇద్దరు అబ్బాయిలు. పెద్దవాడి పేరు విజయ్ శివ శంకర్, చిన్నవాడు అజయ్ శివ శంకర్. ఇద్దరూ డ్యాన్సు మాస్టర్లే!
ఒకవైపు బాధ మరోవైపు సంతోషం పలికించడం చాలా తక్కువమందికి వస్తుంది? మీరెలా నేర్చుకున్నారు?
శివశంకర్ మాస్టర్: నేను డ్యాన్సు నేర్చుకునేటప్పుడే ఇవన్నీ తెలుసుకున్నా.
ఇప్పుడున్న డ్యాన్స్ మాస్టర్లలో ఎవరు బెస్ట్ అంటారు?
శివశంకర్ మాస్టర్:నేను ఇక్కడికి వచ్చినప్పుడే అనుకున్నా. ఈయన ఏదో ఫిటింగ్ పెడతాడని అనుకున్నా. మూవ్మెంట్స్ పరంగా అందరూ బాగా చేస్తున్నారు. కానీ, ఈ కళ ఎక్కడ నుంచి వచ్చిందనేది మాత్రం చూడటం లేదు. ‘మన్మథ రాజా.. మన్మథ రాజా..’ పాట తీసుకుంటే దీనికి తాళాలు ఎన్నో ఉన్నాయి. నేను పదేళ్లు తిరుపతి నరసింహులు నాయుడిగారి వద్ద కర్ణాటిక్ సంగీతం నేర్చుకున్నా. ఆయనకు ఒక పల్లవి వినిపిస్తే, రెండు చేతులతో రెండు రకాల తాళాలు వేస్తారు. అలాగే డ్యాన్సులకు కూడా ఐదు రకాల తాళాలు ఉన్నాయి. సంకీర్ణ నడకలో పాటవేస్తే, వన్, టూ చెప్పడానికి చాలా కష్టం. అలా వస్తే, చాలామంది డ్యాన్సు మాస్టర్లు బయటపడిపోతారు.
చాలామంది హీరోయిన్లకు ఎక్స్ప్రెషన్ రాదు! కానీ మీరు ఇచ్చిన ఎక్స్ప్రెషన్లో 50శాతం ఇస్తే చాలు ఆ హీరోయిన్ స్టార్ అవుతుంది? ఏమంటారు?
శివశంకర్ మాస్టర్: ఈ మాట చాలా మంది అన్నారు. రాజేంద్రప్రసాద్ అయితే, ‘మాస్టర్ మీరు ఒక ఇనిస్టిట్యూట్ పెట్టాలి. మీ తర్వాత ఎవరూ లేరు.’ అనేవారు.
అజిత్ను భయపెట్టారట!
శివశంకర్ మాస్టర్: అజిత్ ‘గాడ్ ఫాదర్’ అనే సినిమా చేశారు. అందులో ఆయనవి మూడు వేషాలు. అది అద్భుతమైన సబ్జెక్ట్. ఒక రోజు కేఎస్ రవికుమార్ ఆఫీస్ నుంచి ఫోన్ వచ్చింది. ‘మాస్టర్గారు మిమ్మల్ని డైరెక్టర్ కలవాలని అనుకుంటున్నారు’ అని చెప్పారు. సరే అని వెళ్లాను. ‘నేను అజిత్తో ఒక సినిమా చేస్తున్నా. టాకీ మొత్తం అయిపోయింది. ఒక పాత్రకు సంబంధించి షూటింగ్ మాత్రం మిగిలిపోయింది. 30రోజుల పాటు మీరు ఎక్కడికీ పోకుండా మాతో ఉండాలి. ఆ పాత్రకు సంబంధించి అజిత్కు యాక్టింగ్, డ్యాన్సు, ఫైటింగ్ అన్నీ చెప్పాలి’ అని కేఎస్ రవికుమార్ అన్నారు. ‘సర్ అన్ని రోజులంటే కష్టం అండీ’ అనిచెప్పా. ‘నువ్వు వస్తేనే చేస్తా. లేకపోతే నేను నష్టపోవాల్సి ఉంటుంది’ అని ఆయన అన్నారు. సర్లేనని ఒప్పుకొన్నా. ఆ సినిమాలో అజిత్ జమీందారు కొడుకు. కానీ, డ్యాన్సుపై విపరీతమైన ప్యాషన్ ఉంటుంది. డ్యాన్సులు చూసి చూసి తనొక ఫెమినిస్ట్గా ప్రవర్తిస్తాడు. సినిమా మొత్తంలో ఆ పాత్రకు నేనెలా చెబితే అజిత్ అలా చేశాడు. అయితే ఒక పాటకు భరతనాట్యం మేళవించి చేయాల్సి ఉంది. ఆ డ్యాన్సు అజిత్ అంతగా చేయలేడు. అదే కమల్హాసన్ అయితే ఇరగదీసేవాడు. ‘ఇంత ప్రాధాన్యం, సంగీతం ఉన్న పాటకు అజిత్ డ్యాన్సు చేయడం కష్టం. కాస్త మార్పులు చేస్తే బాగుంటుంది’ అని కేఎస్ రవికుమార్గారితో చెప్పా. అందుకు ఆయన ‘రెహమాన్కు ఫోన్ చేసి ఇస్తాను. మాట్లాడండి’ అని అన్నారు. ‘అంత పెద్ద సంగీత దర్శకుడు నాతో మాట్లాడతారా?’ అని నేను అనుకున్నా. కానీ ఫోన్ చేయగానే చాలా చక్కగా మాట్లాడారు. పాటకు సంగీతం మార్చాలని అడగగానే ‘మాస్టర్ ఈరోజు నన్ను వదిలేయండి. రేపు సాయంత్రానికి ఇచ్చేస్తా!’ అని అద్భుతమైన పాట ఇచ్చారు.
మీకెప్పుడైనా దర్శకత్వం చేయాలనిపించిందా?
శివశంకర్ మాస్టర్: అబ్బో! నాకు ఇష్టం లేదు. నటించాలని ఉంది. కానీ మీరేమో! తర్వాత చూద్దాం! వచ్చే ఏడాది చూద్దాం! అని తోసుకుపోతున్నారు. నాకేమో వయసు పెరిగిపోతూ ఉంది.
మొత్తం ఎన్ని భాషల్లో డ్యాన్స్మాస్టర్గా చేశారు!
శివశంకర్ మాస్టర్: తెలుగు, తమిళ్, మలయాళం, హిందీ, కన్నడ, బెంగాలీ, తుళు, ఒరియా, మరాఠీ, జపనీస్ ఇలా పది భాషల్లో నేను సినిమాలకు నృత్యాలు సమకూర్చా.
ఒక దర్శకుడితో ఎనిమిది సినిమాలు చేశారు? అదే దర్శకుడితో మీకెందుకు గొడవ వచ్చింది?
శివశంకర్ మాస్టర్: నాకు ఎవరితోనూ గొడవ లేదు. నేను చాలా ఫ్లెక్సిబుల్. ఆ దర్శకుడికి నేనంటే చాలా ఇష్టం. ఆయన సినిమాలన్నీ నాకే ఇచ్చేవారు. రాత్రి సరిగా నిద్రపోయేవాడు కాదేమో! ఉదయం షూటింగ్కు వచ్చి సెట్లో కునికిపాట్లు పడుతూ ఉండేవాడు. నేను మైక్ తీసుకుని ‘టేక్’ అని గట్టిగా అరవగానే, అప్పుడు లేచి, ‘మాస్టర్గారు ఇప్పుడు ఏం చేస్తున్నారు’ అని అడిగేవాడు. ‘అంతా సిద్ధంగా ఉంది. టేక్ చేస్తున్నాం’ అంటే ఇక్కడ బాగోలేదని ఇంకో చోటకి, అక్కడ బాగోలేదని మరో చోటకి, అక్కడా కూడా సరిగా లేదని మేము మొదట మొదలు పెట్టిన చోటుకే తీసుకొచ్చేవాడు. ఎంత టైమ్ వేస్ట్ చెప్పండి. సాంగ్ అవ్వక పోతే రివర్స్ నాకే పడేది! ‘నీకో నమస్కారం. నీ సినిమాకో నమస్కారం’ అని చెప్పి ఇక సినిమా చేయనని చెప్పా. ఆ తర్వాత ఆయనకు సినిమాలే లేకుండా పోయాయి. ఆ విషయంలో నేను ఇప్పటికీ బాధపడుతూనే ఉంటా.
ఇప్పటివరకూ ఎన్ని పాటలు చేశారు?
శివశంకర్ మాస్టర్: 15వేలకు పైగా చేశా. ఎక్కువగా కృష్ణగారి సినిమాలకు చేశా. ఎందుకంటే దర్శక-నిర్మాతల తొలి ఎంపిక నేనే అయ్యేవాడిని. ఎన్టీఆర్ కోప్పడటం చూశాను. నాగేశ్వరరావు కోపగించుకోవడం చూడలేదు. శోభన్బాబు కోప్పడని విషయం అస్సలు తెలియదు. కృష్ణగారికి కోపం వస్తుందని అస్సలు అనుకోలేదు. ‘ఏంటయ్యా! ఏంటిది’ అంటారే తప్ప అస్సలు కోప్పడరు. ‘సలీమ్ అంత సెక్సీగా చేయడే. శివ శంకర్ సెక్సీగా చేస్తాడయ్యా’ అనేవారు. ఒక డ్యాన్సర్గా చచ్చే వరకూ నేను పాటలు చేస్తూ ఉండాలి. సెట్లో డ్యాన్స్ చేస్తూ చచ్చిపోవాలని నా కోరిక. భగవంతుడు ఏం చేస్తాడో చూద్దాం!
రాధను మీరు బాగా ఆటపట్టించేవాళ్లట!
శివశంకర్ మాస్టర్: ఆట పట్టించలేదు. రాధ అంటే యమ ఇష్టం. డ్యాన్సులో ఒక ఎట్రాక్షన్, కవ్వింపు, ప్యాషన్తో చేయాలంటే శ్రీదేవి తర్వాత రాధనే!
సిల్క్స్మిత అంటే మీకు ఎందుకంత కోపం!
శివశంకర్ మాస్టర్: ఆమె అంటే నాకు అస్సలు కోపం లేదు. ఎందుకో ఆవిడ మమ్మల్ని పట్టించుకోవడం మానేసింది. అలా చేయడం నాకు బాధ అనిపించింది. ‘భలేతమ్ముడు’ బాలకృష్ణగారి సినిమా. నాలుగు పాటలు చేశా. చాలా బాగా వచ్చాయి. అయిదో పాటు స్మితతో రిహార్సల్స్ చేసి ఇంటికి వస్తుంటే కంపెనీ నుంచి ఫోన్ చేశారు. ‘మాస్టర్గారు మీకూ స్మితకు ఏంటి గొడవ. మీరుంటే చేయనంటోంది స్మిత’ అని అడిగారు. ‘నాకూ తెలియదు అన్నా’. ‘సరోజ అనే ఆవిడను రికమెండ్ చేస్తోంది. ఏం చేయమంటారు’ అని అడిగారు. ‘సర్లే వదిలేయండి’ అన్నా. పొద్దున్నే షూటింగ్ పెట్టుకొని, రిహార్సల్స్ చేసి వచ్చిన నాకు ఎంత బాధ ఉంటుంది. అప్పుడ నిర్మాత ఫోన్ చేసి, ‘శివ శంకర్ మాస్టరే కావాలి. ఈ అమ్మాయి చేస్తుందో లేదో కనుక్కోండి. చేయనంటే బాలయ్యబాబుకి చెప్పి వేరే వాళ్లను పెట్టండి. రెండు రోజులు షూటింగ్ ఆలస్యమైనా పర్వాలేదు’ అన్నారట. స్మిత చేయనంది. దీంతో జయమాలినిని పెట్టి తీశాం. అప్పటి నుంచి స్మిత సినిమాలకు మేము పనిచేయకూడదని నేను, సుందరం మాస్టర్ అనుకున్నాం. కానీ, స్మిత మంచి నటి.
మీరెప్పుడూ ఇలాంటి గెటప్లోనే ఎందుకుంటారు!
శివశంకర్ మాస్టర్: సంప్రదాయంగా ఉండాలని. రాఘవేంద్రరావుగారు ‘మీరు నగలన్నీ పెట్టుకుని ఉంటే చూడాలని అనుకుంటున్నా’ అని అనేవారు.
అజిత్ చేసిన ఆ నాట్యకారుడి పాత్రను కొందరు హీరోలకు చెబితే కాదన్నారట?
శివశంకర్ మాస్టర్: అవును. ఆ పాత్ర చేయమని బాలకృష్ణగారిని అడిగా. ‘నాన్నగారు బృహన్నల వంటి పాత్రను చేశారు కదా. మీరు ఈ పాత్ర చేస్తే బాగుంటుంది’ అని చెప్పా. ‘అది నిప్పులాంటిది. ఆ పాత్ర చేస్తే నిప్పులో చేయిపెట్టినట్లే. కొన్ని చూసి ఆనందించాలంతే! మనం చేయకూడదు’ అని అన్నారు. చిరంజీవి చేద్దామనుకున్నారు. కానీ ఎందుకో పక్కన పెట్టేశారు.
మీరు బాధపడిన సందర్భం ఏదైనా ఉందా?
శివశంకర్ మాస్టర్: ఫ్యామిలీతోనే కొంచెం ఎఫెక్ట్ అయ్యాను. నా పెద్దకోడలు నాపై లేనిపోనివి చెప్పింది. నన్ను ‘నాన్న’ అని పిలిచిన ఆ అమ్మాయి. వేరే రకంగా చెప్పింది. అది తప్ప ఇంకా ఏవీ లేవు.
‘బాహుబలి’ ఎందుకు చేయలేదు?
శివశంకర్ మాస్టర్: పిలిచారు. మా అబ్బాయి పెళ్లి కారణంగా చేయలేకపోయా!
మరికొన్ని ప్రశ్నలకు ఒక్కమాటలో సమాధానం!
ఆడవాళ్లు: మర్యాద
నాట్యం: నా ప్రాణం
సినిమా: నా జీవితం
తమిళ ఇండస్ట్రీ: ఒక కన్ను
తెలుగు ఇండస్ట్రీ: రెండో కన్ను, నా హార్ట్
కన్నడ ఇండస్ట్రీ: ఒక చేయి
మలయాళ ఇండస్ట్రీ: ఇంకో చేయి
హిందీ ఇండస్ట్రీ: ఒక కాలు
ఒడిశా ఇండస్ట్రీ: ఇంకో కాలు
రొమాన్స్: నాకది దూరమైన విషయం
రగులుతోంది మొగలిపొద: రగిలింది కదా! రగిలి భగ్గునమండింది. అలాంటి సాంగ్స్ ఇంకా రావాలి
రాధ: అసలైన హీరోయిన్
సిల్క్స్మిత: నా కూతురులాంటిది. పోగొట్టుకున్నామనే బాధ
అలీ: మీతో నటించాలని తపన(తప్పకుండా ఒక క్యారెక్టర్ ఇప్పిస్తా!)
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మాటిస్తున్నా..: ‘జై హనుమాన్’పై ప్రశాంత్ వర్మ పోస్ట్
ప్రశాంత్ వర్మ (Prasanth varma) - తేజ సజ్జా (Teja Sajja) కాంబినేషన్లో తెరకెక్కిన చిత్రం ‘హనుమాన్’ (Hanuman). ఈ చిత్రానికి కొనసాగింపుగా ‘జై హనుమాన్’ (Jai hanuman) రానున్న విషయం తెలిసిందే. -
అక్కడ 20 వేల థియేటర్లలో ‘12th ఫెయిల్’.. ఆనందం వ్యక్తంచేసిన హీరో
‘12th ఫెయిల్’ చిత్రం చైనాలో విడుదలవుతున్నట్లు విక్రాంత్ మస్సే తెలిపారు. -
నాగవంశీ ‘క్లారిటీ’ పోస్ట్.. ఆ సినిమా గురించేనా..?
సితార ఎంటర్టైన్మెంట్స్ నిర్మాత నాగవంశీ తాజాగా పోస్ట్ పెట్టారు. ప్రస్తుతం ఇది నెట్టింట వైరల్గా మారింది.. -
ఐపీఎల్, ఎన్నికల ఎఫెక్ట్.. వెనక్కి తగ్గుతున్న సినిమాలు..!
తెలుగు రాష్ట్రాల్లో ఎన్నికలకు సంబంధించిన నోటిఫికేషన్ ఈ నెలలో విడుదల కానుండటంతో రాజకీయ వేడి మరింత పెరగనుంది. దీంతో పలు సినిమాలు వాయిదా పడుతున్నాయి. -
ఉదయనిధి బ్యానర్తో పెద్ద గొడవ.. రాబోయే చిత్రానికీ పేచీ పెట్టొచ్చు: విశాల్
నటుడు, తమిళనాడు మంత్రి ఉదయనిధి స్టాలిన్కు చెందిన నిర్మాణ సంస్థ రెడ్ జెయింట్తో తనకు గతంలో వివాదం జరిగిందని నటుడు విశాల్ (Vishal) అన్నారు. ఆ విషయం ఉదయనిధికి తెలుసో లేదో తనకు తెలియదన్నారు. -
శంకర్ కుమార్తె వివాహ విందు.. డ్యాన్స్తో అలరించిన రణ్వీర్ సింగ్
శంకర్ (Shankar) పెద్ద కుమార్తె ఐశ్వర్య వివాహం ఇటీవల ఘనంగా జరిగిన విషయం తెలిసిందే. సినీ తారల కోసం తాజాగా రిసెప్షన్ ఏర్పాటు చేశారు. -
రంగంలోకి రాజాసాబ్
‘రాజాసాబ్’ కోసం మళ్లీ రంగంలోకి దిగుతున్నారు కథానాయకుడు ప్రభాస్. మారుతి దర్శకత్వంలో రూపొందుతోన్న ఈ చిత్రాన్ని పీపుల్ మీడియా ఫ్యాక్టరీ సంస్థ నిర్మిస్తోంది. -
తొలి హిందీ చిత్రం కాస్త ఆలస్యం?
భాషతో సంబంధం లేకుండా వరుస సినిమాలతో బిజీగా గడుపుతోంది కీర్తి సురేశ్. త్వరలో ఆమె ‘బేబీ జాన్’తో ప్రేక్షకులను పలకరించనుంది. -
ఆద్యంతం నవ్వుతూనే ఉంటారు
‘‘స్నేహితులతో కలిసి చూడాల్సిన సినిమా ‘పారిజాతపర్వం’. దీంట్లో అపరిమితమైన వినోదం ఉంది. తప్పకుండా బ్లాక్బస్టర్ హిట్ అవుతుందని బలంగా నమ్ముతున్నాం’’ అన్నారు హీరో చైతన్య రావు -
రెండు కోణాల్లో తమన్నా?
ది అన్టోల్డ్ స్టోరీ’, ‘రుస్తుం’, ‘టాయ్లెట్: ఏక్ ప్రేమ్ కథా’ లాంటి ఎన్నో విజయవంతమైన సినిమాల్ని ప్రేక్షకులకు అందించారు ప్రముఖ బాలీవుడ్ దర్శకుడు నీరజ్ పాండే. -
రామోజీ ఫిల్మ్సిటీలో అక్షయ్ సందడి
బాలీవుడ్ కథానాయకుడు అక్షయ్ కుమార్ ‘కన్నప్ప’ చిత్రంతో తెలుగు తెరకు పరిచయం కానున్నట్లు ఇప్పటికే వార్తలొచ్చాయి. ఇప్పుడీ విషయాన్ని చిత్ర బృందం అధికారికంగా ప్రకటించింది. -
అమితాబ్కు లతా మంగేష్కర్ పురస్కారం
పురస్కారాన్ని ప్రముఖ బాలీవుడ్ నటుడు అమితాబ్ బచ్చన్కు ఇవ్వనున్నట్లు మంగళవారం ఆమె కుటుంబ సభ్యులు తెలిపారు. 2022లో మరణించిన లత జ్ఞాపకార్థం ఈ పురస్కారాన్ని వారు ఏర్పాటు చేశారు -
నిజం చెప్పే హీరోలకు సలాం కొట్టు!
‘ప్రతినిధి 2’తో ప్రేక్షకుల్ని అలరించేందుకు సిద్ధమవుతున్నారు నారా రోహిత్. ఆయన హీరోగా నటించిన ఈ సినిమాని మూర్తి దేవగుప్తపు తెరకెక్కించారు -
వాస్తవ జీవిత కథే ఆధారం
‘‘ప్రేమకథతో కూడిన మంచి కుటుంబ కథా చిత్రం ‘మార్కెట్ మహాలక్ష్మీ’. ఇందులో మేము ఒక కొత్త అంశాన్ని స్పృశించాం. అది తప్పకుండా ప్రేక్షకులందర్నీ ఆకట్టుకుంటుంది’’ అన్నారు దర్శకుడు వీఎస్ ముఖేష్. -
కన్నడ నటుడు ద్వారకీష్ కన్నుమూత
ప్రముఖ కన్నడ నటుడు, దర్శకనిర్మాత ద్వారకీష్(81) తుదిశ్వాస విడిచారు. గుండెపోటుతో మంగళవారం బెంగళూరులోని తన నివాసంలో కన్నుమూశారని కుటుంబ సభ్యులు తెలిపారు. -
ప్రముఖ సంగీత దర్శకుడు కేజీ జయన్ మృతి
ప్రముఖ మలయాళీ సంగీత దర్శకుడు కేజీ జయన్(90) కన్నుమూశారు. కొంత కాలంగా అనారోగ్య సమస్యలతో బాధపడుతున్న ఆయన.. చికిత్స తీసుకుంటూ కేరళలోని త్రిపుణితురలోని తన నివాసంలో మంగళవారం తుదిశ్వాస విడిచారు. -
ఆ అమ్మాయి జోలికి రావద్దు
‘‘ఆ అమ్మాయి నా ప్రాణం.. నా ఊపిరి. తన జోలికొస్తే వెతుక్కుంటూ వచ్చి నరికేస్తా’’ అని హెచ్చరిస్తున్నారు విశాల్. మరి ఆయన ప్రేమ కథేంటి? దానికి ఎదురైన సవాళ్లేంటి? అనేది తెలియాలంటే ‘రత్నం’ చూడాల్సిందే. -
చిత్ర పరిశ్రమలో ‘ఏఐ’ ట్రెండ్.. విజయ్ సినిమాలో దివంగత నటుడు!
విజయ్ హీరోగా నటిస్తున్న తాజా చిత్రం ‘ది గ్రేటెస్ట్ ఆఫ్ ఆల్ టైమ్’. ఇందులో దివంగత నటుడు విజయకాంత్ కనిపించనున్నారు. -
శారీలో రాశీ హొయలు.. అమ్మ తీసిన ఫొటోలతో ప్రియ.. ఫ్లవర్తో సాన్యా
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
మహేశ్-రాజమౌళి మూవీ.. ముందే ఆ విషయం చెప్పబోతున్నారా?
మహేశ్, రాజమౌళి సినిమాకు సంబంధించి మరో ఆసక్తికర విషయం సామాజిక మాధ్యమాల వేదికగా చక్కర్లు కొడుతోంది. -
కాలేజీ ఫెస్ట్లో సాయి పల్లవి డ్యాన్స్.. వీడియో వైరల్
సాయి పల్లవి డ్యాన్స్ వీడియో నెట్టింట వైరల్గా మారింది.
తాజా వార్తలు (Latest News)
-
దూకుడైన బ్యాటింగ్తోనే కప్ కొట్టగలం..: రికీ పాంటింగ్
-
ఎన్నికల్లో భాజపా తుడిచిపెట్టుకుపోతుంది: అఖిలేష్ యాదవ్
-
వలసలు, పస్తులు లేని వికసిత ఏపీ మనందరి బాధ్యత: పవన్
-
6,000mAh బ్యాటరీతో వివోలో బడ్జెట్ 5G ఫోన్.. ధర, ఫీచర్లివే..
-
యంగ్ ఇండియాది విరాట్ కోహ్లీ మనస్తత్వం: రఘురామ్ రాజన్
-
మాటిస్తున్నా..: ‘జై హనుమాన్’పై ప్రశాంత్ వర్మ పోస్ట్