Niharika: మా నలుగురికి కొంచెం మెంటల్.. మా ఆయనకు నేను సినిమాలు చేయడం ఇష్టం లేదు
ఆమె.. మెగా తారలకు గారాల చందమామ. తన అల్లరితో తెలుగు ప్రేక్షకులను అలరిస్తున్న క్యూట్ బొమ్మ. నటిగా, నిర్మాతగా తన తండ్రి బాటలో నడుస్తూ.. యూత్ఫుల్ కంటెంట్తో ఆడియన్స్ను ఎంటర్టైన్మెంట్ అందిస్తున్న నాన్న కూచీ, నాటీ గర్ల్.. నిహారిక. తాజాగా ఆమె‘ఆలీతో సరదాగా’ కార్యక్రమానికి విచ్చేశారు
నిహారిక.. మెగా తారలకు గారాల చందమామ. తన అల్లరితో తెలుగు ప్రేక్షకులను అలరిస్తున్న క్యూట్ బొమ్మ. నటిగా, నిర్మాతగా తన తండ్రి బాటలో నడుస్తూ.. యూత్ఫుల్ కంటెంట్తో ఆడియన్స్కు ఎంటర్టైన్మెంట్ అందిస్తున్న నాన్న కూచీ.. తాజాగా ఆమె ‘ఆలీతో సరదాగా’ కార్యక్రమానికి విచ్చేశారు. ఆమెతోపాటు.. ఓ వెబ్సిరీస్లో నటిస్తున్న నటుడు నిఖిల్ కూడా వచ్చారు. ‘ఈటీవీ’లో ప్రసారమయ్యే ఈ కార్యక్రమంలో నిహారిక, నిఖిల్ చెప్పిన ఆసక్తికర విషయాలు మీకోసం..
నిహారిక.. ఎక్కడ పుట్టింది? ఎక్కడ పెరిగింది?ఎక్కడ చదివింది?
నిహారిక: మొత్తం హైదరాబాద్.. ఫిల్మ్నగర్లోనే. అపోలో ఆస్పత్రిలో పుట్టాను. ఆ పక్క గల్లీలోనే పెరిగాను. మూడో తరగతి వరకు భవన్స్ పబ్లిక్ స్కూల్లో చదివా. నేను ఎక్కువ పుస్తకాలు మోస్తున్నానని మా అమ్మ వేరే స్కూల్లో చేర్పించింది. పదో తరగతి వరకు అక్కడే. ఇంటర్ ఓబుల్రెడ్డి కాలేజ్లో, సెయింట్మేరీస్లో మాస్ కమ్యూనికేషన్ చేశా. ఆ తర్వాత చదువుకు బై బై చెప్పా.
చిన్నప్పుడు ఏం అవుదామనుకున్నావ్?
నిహారిక: చిన్నప్పుడు టీచర్ అవ్వాలనుకున్నా. ఏడో తరగతికి వచ్చాక డాక్టర్ అవ్వాలని.. చాలా బలంగా అనుకున్నా. కానీ, మా కుటుంబంలో యాక్టర్స్తో పాటు కొందరు డాక్టర్లు కూడా ఉన్నారు. వాళ్ల వద్దకు వెళ్లి డాక్టర్ అవుతా అంటే.. ‘వద్దమ్మా.. నువ్వు అంత చదవలేవు’ అని నన్ను నిరుత్సాహపర్చారు. డాక్టర్ అవ్వాలంటే ఇంటర్లో బైపీసీ తీసుకోవాలి. అందులో ఫిజిక్స్ ఉండేసరికి నాకొద్దు డాక్టర్ అనేశా. నాకు ఫిజిక్స్ అస్సలు రాదు. దీంతో మాస్ కమ్యూనికేషన్, జర్నలిజం చేశా. ఫిల్మ్ కోర్సు కోసం చెన్నై లయోలా కాలేజ్కి వెళ్తానంటే.. మా నాన్న యూసుఫ్గూడ కాలేజ్లో జాయిన్ అవ్వు అన్నారు. మా నాన్న నన్ను ఎక్కడికీ పంపేవారు కాదు.
మీరు హీరోయిన్ అవడానికి స్ఫూర్తి ఎవరు?
నిహారిక: నేను సినిమాలు చూడటం మొదలుపెట్టిన తర్వాత నాకు పెద్దనాన్న (చిరంజీవి) తప్ప ఎవరూ తెలియదు. హీరోయిన్గా ఎవరూ స్ఫూర్తి లేరు. ఒక యాక్టర్గా చిరంజీవి గారే నాకు స్ఫూర్తి. ఒక మనసు, హ్యాపీ వెడ్డింగ్, తమిళ్లో ఒరు నల్ల నాల్ పాతు సోల్రే, సూర్యకాంతం సినిమాలు చేశా.
సూర్యకాంతం.. పాత్ర కోసం పెట్టారా? రియల్ లైఫ్లోనూ అలాగేనా?
నిహారిక: లేదు. పాత్ర కోసమే పెట్టారు. నేను అలా నప్పానేమో తెలియదు మరి. ఇంట్లో నాన్న నన్ను ‘మమ్మీ’ అని, అన్న(వరుణ్ తేజ్) నిహా అని పిలుస్తారు. ప్రేమ ఎక్కువైతే బంగారం అని, మరీ ఎక్కువైతే పంది అని పిలుస్తాడు.
మీ నాన్న ఎప్పుడైనా కొట్టారా?
నిహారిక: ఒక్కసారి కొట్టారు. ఇప్పటికీ దాని గురించి మాట్లాడుతుంటారు. ఓ సారి మా ఫ్రెండ్ బర్త్డే ఉంటే.. వెళ్తానని ఇంట్లో చెప్పా. కానీ, ఎప్పుడనేది చెప్పలేదు. ఫ్రెండ్ రాగానే వెళ్లిపోయా. కాసేపటికే ఇంట్లోవాళ్లు నేను కనబడట్లేదని కంగారుపడి వెతకడం మొదలుపెట్టారు. నాన్నకి మా ఫ్రెండ్ ఇల్లు తెలుసు కానీ, ఫోన్ నంబర్, ఇతర వివరాలేమీ తెలియదు. అయితే, మా ఫ్రెండ్ ఇంటికి సమీపంలోనే ఓ బుక్స్టోర్ ఉంది. అక్కడే మా నాన్న ఎక్కువ పుస్తకాలు కొంటుంటారు. ఆ షాప్కు ఫోన్ చేసి నేను ఆ ఇంట్లో ఉన్నానో లేదో చూడమన్నారట. ఉన్నానని తెలుసుకొని కారులో వచ్చి నన్ను తీసుకెళ్లారు. ఏమైంది నాన్న అంటుండగానే వీపుపై ఒక్కటి ఇచ్చారు. నన్ను కొట్టిన తర్వాత పది రోజులు మా పెద్దనాన్నకి ‘ఈ చేతులతో కొట్టాను’ అని చెప్పుకొని బాధపడ్డారట. అమ్మ అయితే.. తినడం విషయంలో చాలాసార్లు కొట్టింది. మా అన్న(వరుణ్ తేజ్) కొట్టడు. కానీ, ఏడిపిస్తాడు. దీంతో నేనే కొడతా. అన్న చాలా సాఫ్ట్గా ఉంటాడు. కానీ మాటకారి.
సాధారణంగా హీరోయిన్స్ తమ గోల్కి చేరుకున్న తర్వాత పెళ్లి చేసుకుంటారు. కానీ, మీరు ఇంత త్వరగా చేసుకోవడానికి కారణమేంటి?
నిహారిక: ఈ కాలంలో హీరోయిన్లకు పెళ్లి అయినా.. కెరీర్ ఏం మారలేదు. సమంతకు పెళ్లికి ముందు ఎంత క్రేజ్ ఉండేదో.. పెళ్లి అయిన తర్వాత కూడా అలాగే ఉంది. వ్యక్తిగత కారణాలతో సినిమాలు మానేసి ఉండొచ్చు. మా ఆయనకు సినిమాలు చేయడం ఇష్టం లేదు. అందుకే.. మానేశా.
మీ ఆయనతో పరిచయం ఎక్కడ?
నిహారిక: మాది పెద్దలు కుదిర్చిన వివాహం. పెళ్లికి ముందు ఆయనతో నాకు పరిచయం లేదు. మా అన్నకి తెలుసు. తొమ్మిదో తరగతిలో మా అన్నకి క్లాస్మేట్ తను.
పెద్దనాన్న మెగాస్టార్.. బాబాయ్ పవర్స్టార్. అంత పెద్ద ఫ్యామిలీ నుంచి వచ్చారు కదా..! హీరోయిన్గా ఎందుకు, వేరే ఏదైనా చేయాలన్న ఆలోచన రాలేదా?
నిహారిక: నాకు సినిమాలంటే చాలా ఇష్టం. సినిమాల్లో కష్టం, ప్రతిభ కచ్చితంగా ఉండాలి. వీటితోపాటు అదృష్టం కూడా ఉండాలి. సినిమాలు కాకుండా వేరే ఏమన్నా చేద్దామని ‘టీచ్ ఫర్ ఇండియా’అనే కార్యక్రమం కింద పిల్లలకు పాఠాలు చెప్పాను. అయినా.. సినిమాలపై ఇష్టంతో ప్రొడక్షన్ స్టార్ట్ చేశా. మంచి కంటెంట్ను ప్రేక్షకులకు ఇవ్వాలనుకున్నా.
తొలిసినిమా (ఒక మనసు) విడుదలయ్యాక మీ కుటుంబసభ్యుల స్పందన?
నిహారిక: నిజానికి ఆ సినిమా హిట్ అవలేదు. స్పందన కూడా అలాగే ఉంది. ఎవరైనా మంచి సినిమా చేస్తున్నామనే మొదలుపెడతారు. కానీ, కొన్ని కారణాల వల్ల అవుట్పుట్ అలా వచ్చింది. సినిమా ఇష్టపడి చేశాను కాబట్టి. మా కుటుంబంలో ఎవరూ సినిమా బాగలేదు అని చెప్పలేదు. నా కష్టం వాళ్లు చూశారు.
నాన్న తన బ్యానర్లో ఎన్ని సినిమాలు తీశారు? వాటిలో మీకు ఏది నచ్చింది?
నిహారిక: 12 సినిమాలు, వాటిలో నాకు నచ్చింది ‘బావగారు! బాగున్నారా’. నాకు తెలిసి నేను ఎక్కువసార్లు చూసింది ఆ సినిమానే.
‘ఆరెంజ్ చిత్రంతో చాలా నష్టపోయా. ఆ సమయంలో నా తమ్ముడు నాకు చాలా సహాయం చేశాడు’ అని మీ నాన్న భావోద్వేగానికి గురయ్యారు. ఈ విషయాన్ని మీ నాన్న మీకు చెప్పారా?
నిహారిక: ప్రత్యేకంగా కూర్చోబెట్టి ఏం చెప్పలేదు. కానీ, తెలుసు. అంతకిందకు పడి.. అంతే వేగంగా ఎదగడం మా నాన్న తప్ప ఇంకెవరు చేయలేరు.
టీవీలో సక్సెస్ అవడం, కుమారుడిని (వరుణ్ తేజ్) హీరో చేయడం, కూతురుకి పెళ్లి జరిపించడం.. ఇప్పుడు ఎలా ఉంది ఆయనకి? రిలాక్స్గా ఉన్నారా?
నిహారిక: చాలా సంతోషంగా ఉన్నారు. నాకు, మా నాన్నకు ఖాళీగా ఉండటం అస్సలు నచ్చదు. మొదట్లో డబ్బులు అవసరం కాబట్టి.. చాలా కష్టపడ్డారు. ఇప్పుడు ఏదైనా తనకు నచ్చితేనే చేస్తారు. ఈ మధ్య స్వయంగా యూట్యూబ్ ఛానల్ కూడా మొదలుపెట్టారు.
నిర్మాతగా వెబ్సిరీస్ చేస్తున్నట్టు విన్నాను?
నిహారిక: ఇది నాలుగో వెబ్సిరీస్. మొదట ‘ముద్దపప్పు ఆవకాయ్’ చేశా. ఆ తర్వాత నాన్నతో ‘నాన్న కూచీ’ చేశా. కొంతమంది యంగ్స్టర్స్తో స్నేహంపై ఒక వెబ్సిరీస్ తీశా. ఇప్పుడు ‘ఒక చిన్న ఫ్యామిలీ స్టోరీ’ తీశాం. దర్శకుడు శోభన్ గారి రెండో అబ్బాయి సంగీత్ శోభన్తో ఈ సిరీస్ చేశాం.
చిరంజీవి, నాగబాబు, పవన్ కల్యాణ్ ఎవరంటే ఎక్కువ ఇష్టం?
నిహారిక: మా నాన్న గారు.
చరణ్, వరుణ్, బావ(సాయిధరమ్ తేజ్)?
నిహారిక: మా అన్న ఎప్పుడు, ఏ సమయంలో ఫోన్ చేసినా ఏం కావాలని అడుగుతాడు. ఆ తర్వాత ఎక్కువగా తేజ్ బావ(సాయిధరమ్ తేజ్) ఇష్టం. నేను, ధరమ్ తేజ్, చిన్న అత్త, మా నాన్న.. మా నలుగురికి కొంచెం మెంటల్ ఉంది. ఇంట్లో ఏ వేడుక జరిగిన మొదట మా నలుగురి గొంతులే వినిపిస్తాయి. చరణ్ అన్న నాకు అండగా ఉంటాడు. ఆయన మాటల్లో భరోసా ఉంటుంది.
వరుణ్ నటించిన చిత్రాల్లో ఏదంటే ఇష్టం?
నిహారిక: గద్దలకొండ గణేష్. ఆ సినిమాలో అన్న ఏడ్చే సీన్ చూసి నేనూ ఏడ్చేశా. నాన్నని కూడా యాంగ్రీమ్యాన్ అంటారు కానీ.. చాలా సాఫ్ట్.
స్టైలిష్ స్టార్??
నిహారిక: మామయ్య కొడుకే అయినా.. బన్నీని అన్న అని పిలవడం అలవాటు. బన్నీ సినిమాల్లో తన ఫొటోలను ఒక్కచోట పెడితే.. ఏది ఏ సినిమాలోదో చెప్పేయొచ్చు. అంత వైవిధ్యముంటుంది. లుక్లో అంత శ్రద్ధ తీసుకుంటుంటాడు. జులాయి సినిమాలో బన్నీ అన్న అంటే ఇష్టం.
పెళ్లి అయిన తర్వాత ఏం చేస్తున్నావు?
నిహారిక: ప్రొడక్షన్ కాకుండా.. ఓ సూపర్ వెబ్సిరీస్లో నటిస్తున్నాను. వివరాలు ఇప్పుడు చెప్పలేను. అయితే, మా బృందంలో ఓ వ్యక్తి ఉన్నాడు. నన్ను అందరు నసపిట్ట అంటారు కదా.. ఆయన్ను చూస్తే.. ఆ టైటిల్ తనకు ఇస్తారు. ఆయనే నిఖిల్ విజయేంద్ర సింహా. నిఖిలూగా చాలా ఫేమస్. ఆయనో యూట్యూబర్. ప్రస్తుతం నేను చేసే వెబ్సిరీస్లో లీడ్ రోల్ చేస్తున్నాడు.
నిహారిక కీలక పాత్ర పోషిస్తున్న వెబ్సిరీస్లో లీడ్ రోల్లో నటిస్తున్న నిఖిల్.. కార్యక్రమంలో మధ్యలో విచ్చేసి సందడి చేశారు.
ఏ ఊరు మీది?ఈ ఫీల్డ్లోకి ఎలా వచ్చావ్?
నిఖిల్: అమ్మవాళ్లది కొవ్వూరు. నాన్నది అమలాపురం. చిన్నప్పట్నుంచి యాంకరింగ్ అంటే ఆసక్తి. కొంచెం హడావిడి ఎక్కువగా చేస్తుంటా.
చాలా మంది స్టార్స్ ఉన్నారు.. తన్నే ఎందుకు ఎంచుకున్నావ్?
నిహారిక: ఈ ప్రాజెక్టులో నేను కేవలం నటిని మాత్రమే.
నిఖిల్.. మీ ఇంట్లో ఇండస్ట్రీకి చెందిన వాళ్లు ఎవరైనా ఉన్నారా?
నిఖిల్: మా అన్నయ్య శౌర్య.. సినిమాలకు రైటర్. ప్రస్తుతం మేం నటిస్తున్న ప్రాజెక్టుకి మా అన్నయ్యే రైటర్.. డైరెక్టర్.
ఏ ఉద్దేశంతో డిజిటల్ వేదికపై అడుగుపెట్టారు?
నిఖిల్: డిజిటల్ వేదికలంటే ఆసక్తే లేదు. టీవీ అంటేనే ఇష్టం. ఇందుకోసం చాలా ప్రయత్నించా.
కొణిదెల, అల్లు కుటుంబం కాకుండా ఏ హీరో ఇష్టం?
నిహారిక: రవితేజ, నాగార్జున
నిఖిల్: అల్లు అర్జున్.
మిమ్మల్ని మీ తల్లిదండ్రులు ఎప్పుడైనా కొట్టారా?
నిహారిక: నిఖిల్ని కొట్టలేదు కానీ, ఇతని వల్ల వీళ్ల అన్నని బాగా కొట్టారు.
నిఖిల్: నన్ను 8వ తరగతిలో కొట్టారు. మళ్లీ ఎప్పుడూ కొట్టలేదు.
ఒక నిమిషంలో నిహారిక గురించి నీ అభిప్రాయం చెప్పు.
నిఖిల్: రోజూ పొగుడుతూనే ఉంటా. ఎంత పొగిడినా తిడుతూనే ఉంటుంది.
నిఖిల్ గురించి నీ అభిప్రాయం?
నిహారిక: మా కుటుంబంలో తమ్ముళ్లు ఉన్నారు. కానీ, నిఖిల్తో ఎప్పుడు క్లోజ్ అయ్యానో తెలియదు. సోదరుడిలా మారిపోయాడు. అందుకే అంతలా ఏడిపిస్తాను. నిఖిల్ది కల్మషం లేని హృదయం. తన చుట్టూ ఉండేవాళ్లు సంతోషంగా ఉండాలనుకుంటాడు. అందుకే అంత దగ్గరయ్యాను అనుకుంటా.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పూజాహెగ్డే ‘స్పై’ ఫొటో.. ప్రగ్యా ‘పోజు’ రిపీట్.. మెహందీతో కావ్య!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
నెట్ఫ్లిక్స్లో రికార్డు సృష్టించిన ‘ఫైటర్’.. టాప్3లో స్థానం
‘ఫైటర్’ చిత్రం నెట్ఫ్లిక్స్లో రికార్డు నెలకొల్పింది. ప్రపంచవ్యాప్తంగా ఎక్కువమంది చూసిన చిత్రాల్లో టాప్3లో నిలిచింది. -
మేము సహ నటీనటులం మాత్రమే: రాశీఖన్నా
రాశీఖన్నా, నటుడు సిద్ధార్థ్ మల్హోత్రా గురించి ఓ ఇంటర్వ్యూలో మాట్లాడారు. -
అక్షయ్తో బ్రేకప్.. ఆత్మహత్య వార్తలపై స్పందించిన రవీనా టాండన్
అక్షయ్ కుమార్ (Akshay Kumar)తో వివాహం రద్దు కావడంపై నటి రవీనా టాండన్ (Raveena Tandon) స్పందించారు. బ్రేకప్ తర్వాత వచ్చిన పలు కథనాల గురించి ఆమె మాట్లాడారు. -
పుష్ప3’ టైటిల్ ఇదేనా.. వైరలవుతోన్న న్యూస్!
‘పుష్ప3’ మూడో భాగానికి సంబంధించిన ఓ వార్త ప్రస్తుతం సోషల్ మీడియాలో వైరల్గా మారింది. దీనికి టైటిల్ ఖరారైనట్లు తెలుస్తోంది. -
అదితితో పెళ్లి వార్తలు.. ఫొటో షేర్ చేసిన సిద్ధార్థ్
నటుడు సిద్ధార్థ్ (Siddharth), నటి అదితి రావు హైదరీ (Aditi rao Hydari) వివాహం చేసుకున్నారంటూ బుధవారం నెట్టింట వార్తలు చక్కర్లు కొట్టాయి. దీనిపై తాజాగా వీరిద్దరూ స్పందించారు. -
అనుపమ బాధపడటానికి కారణమదే: సిద్ధు జొన్నలగడ్డ
‘టిల్లు స్క్వేర్’ (Tillu Square)తో ప్రేక్షకులకు వినోదాన్ని అందించేందుకు సిద్ధమయ్యారు సిద్ధు జొన్నలగడ్డ (Siddu Jonnalagadda), అనుపమ పరమేశ్వరన్ (Anupama Parameswaran). ‘డీజే టిల్లు’కు సీక్వెల్గా తెరకెక్కిన ఈ చిత్రం శుక్రవారం ప్రేక్షకుల ముందుకు రానుంది. -
21 ఏళ్ల తర్వాత అదే రోజున వస్తున్నాం: ‘ఫ్యామిలీ స్టార్’ రిలీజ్పై దిల్రాజు
విజయ్ దేవరకొండ (Vijay Deverakonda), మృణాల్ ఠాకూర్ (Mrunal Thakur) ప్రధాన పాత్రల్లో నటించిన చిత్రం ‘ఫ్యామిలీ స్టార్’ (Family Star) పరశురామ్ దర్శకుడు. తాజాగా ఈ సినిమా ట్రైలర్ విడుదల కార్యక్రమం హైదరాబాద్లో జరిగింది. -
చిత్రీకరణ కోసం ఇతర దేశాలకు వెళ్లడం తప్పేంకాదని తెలుసుకున్నా: ప్రియమణి
జాతీయ అవార్డు అందుకున్న తర్వాతే కథల ఎంపికలో మార్పు వచ్చిందని ప్రియమణి అన్నారు. -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
వరుస ఫ్లాప్స్ వల్లే రాజకీయాల్లోకి అడుగుపెట్టారా: కంగన సమాధానం ఏమిటంటే..?
నటి కంగనా రనౌత్ (Kangana Ranaut) ఇటీవల రాజకీయాల్లోకి అడుగుపెట్టిన విషయం తెలిసిందే. ఉన్నట్టుండి రాజకీయాల్లోకి ఎంట్రీ ఇవ్వడంపై ఆమె తాజాగా స్పందించారు. -
‘డీజే టిల్లు’కు సీక్వెల్ అనగానే భయపడ్డా.. చాలా సర్ప్రైజ్లు ఉన్నాయి: సిద్ధు జొన్నలగడ్డ
‘టిల్లు స్క్వేర్’ సినిమా ప్రీ రిలీజ్ ఈవెంట్లో సిద్ధు జొన్నలగడ్డ మాట్లాడారు. ఆయన హీరోగా రూపొందిన ఈ సినిమా ఈ నెల 29న ప్రేక్షకుల ముందుకు రానుంది. -
ఓటీటీలోకి అభినవ్ గోమఠం కొత్త సినిమా.. స్ట్రీమింగ్ ఎక్కడంటే..?
‘సేవ్ ది టైగర్స్’ వెబ్ సిరీస్తో తెలుగు ప్రేక్షకుల్లో విశేష ఆదరణ సొంతం చేసుకున్నారు నటుడు అభినవ్ గోమఠం (Abhinav Gomatam). ఆయన ప్రధాన పాత్రలో నటించిన చిత్రం ‘మస్తు షేడ్స్ ఉన్నయ్ రా’ (MasthuShadesUnnaiRa). -
నన్ను తిట్టుకోవద్దు.. ఈసారి నేను ఎలాంటి లీకులు ఇవ్వలేను: దిల్రాజు
రామ్చరణ్ (Ram Charan) పుట్టినరోజు సందర్భంగా బుధవారం సాయంత్రం హైదరాబాద్లో వేడుకలు జరిగాయి. పలువురు సినీ ప్రముఖులు ఇందులో సందడి చేశారు. చరణ్తో తమకున్న అనుబంధాన్ని పంచుకున్నారు. -
ఆట మార్చే మాస్ పాట
‘సిక్స్ ప్యాక్లో యముడండీ... సిస్టమ్ తప్పితే మొగుడండీ...’ అంటూ రామ్చరణ్ పాత్ర తీరుతెన్నుల్ని పరిచయం చేసింది ‘గేమ్ ఛేంజర్’ పాట. రామ్చరణ్ కథానాయకుడిగా... శంకర్ దర్శకత్వంలో తెరకెక్కుతున్న చిత్రమిది. -
తెలుగు సినిమాకి కావల్సింది సహజత్వమే!
భారతీయ ప్రముఖ ఛాయాగ్రాహకుల్లో కె.యు.మోహనన్ ఒకరు. బాలీవుడ్లో షారుక్ఖాన్, ఆమిర్ఖాన్, అక్షయ్ కుమార్ తదితర అగ్ర కథానాయకులతో సినిమాలు చేశారు. కెమెరాతో ప్రేక్షకుల్ని ముగ్ధుల్ని చేస్తున్న ఆయన తెలుగులో ‘మహర్షి’ తర్వాత ‘ఫ్యామిలీస్టార్’ చిత్రానికి పనిచేశారు. -
నయన్... నాయికా ప్రాధాన్య చిత్రం?
ఆకర్షించే అందం, అద్భుతమైన నటనతో ప్రేక్షకులను ఆకట్టుకునే అగ్రతారల్లో ఒకరు నయనతార. పాత్ర ఏదైనా తన నటనతో అభిమానులను మెప్పిస్తుందీ భామ. -
అదే కాంబో కొత్త చిత్రం?
‘బూమ్’తో చిత్రపరిశ్రమలోకి అడుగుపెట్టింది బాలీవుడ్ నాయిక కత్రినా కైఫ్. తొలి సినిమాకే అగ్రకథానాయకుడు అమితాబ్ బచ్చన్తో తెరను పంచుకునే అవకాశం దక్కించుకుంది. ఆ తర్వాత ‘మల్లీశ్వరి’గా తెలుగు ప్రేక్షకులకు దగ్గరైంది కత్రినా. -
అదితిరావ్, సిద్ధార్థ్ల పెళ్లి!
కథానాయకుడు సిద్ధార్థ్, నాయిక అదితిరావ్ హైదరీ వివాహ బంధంలోకి అడుగుపెట్టినట్టు తెలుస్తోంది. బుధవారం వనపర్తి జిల్లా శ్రీరంగాపురంలోని రంగనాథస్వామి ఆలయంలో ఇరు కుటుంబ సభ్యులు, సన్నిహితుల సమక్షంలో పెళ్లి జరిగింది. -
గాయంతోనే చిత్రీకరణ పూర్తి చేశా
‘దిల్ సే సోల్జర్..దిమాక్ సే సైతాన్స్’ అంటూ యాక్షన్ హంగామా మొదలుపెట్టారు బాలీవుడ్ కథానాయకులు అక్షయ్ కుమార్, టైగర్ ష్రాఫ్. వారిద్దరూ కలిసి నటించిన యాక్షన్ ఎంటర్టైనర్ చిత్రమే ‘బడేమియా ఛోటేమియా’. -
రెండు సంస్థలు కలిసి...
గోపీచంద్ కథానాయకుడిగా... శ్రీనువైట్ల దర్శకత్వంలో ఓ చిత్రం తెరకెక్కుతోంది. ఈ సినిమా కొత్త షెడ్యూల్ చిత్రీకరణ బుధవారం నుంచి ప్రారంభమైంది. ప్రధాన తారాగణంపై కీలక సన్నివేశాల్ని తెరకెక్కిస్తున్నారు.
తాజా వార్తలు (Latest News)
-
భవిష్యత్ తరాల కోసం తెదేపాకు ఓటు వేయాలి: భువనేశ్వరి
-
పూజాహెగ్డే ‘స్పై’ ఫొటో.. ప్రగ్యా ‘పోజు’ రిపీట్.. మెహందీతో కావ్య!
-
ఇతరులను బెదిరించడం కాంగ్రెస్ సంస్కృతి.. ‘లాయర్ల లేఖ’పై ప్రధాని మోదీ
-
శివసేనలో చేరిన నటుడు గోవిందా.. లోక్సభ ఎన్నికల్లో పోటీ!
-
భుజంగరావు, తిరుపతన్నకు 5 రోజుల పోలీసు కస్టడీ
-
నా భర్తను వేధిస్తున్నారు..: సీఎం కేజ్రీవాల్ సతీమణి ఆరోపణలు