F 3: బస్‌ డిపోలా కారవాన్‌లు.. ఆలీతో అనిల్‌, సునీల్‌.. నవ్వులే నవ్వులు

ఇంటర్నెట్‌ డెస్క్‌: నటుడు సునీల్‌ (Sunil), దర్శకుడు అనిల్‌ రావిపూడి (Anil Ravipudi).. ఆలీతో కలిసి సందడి చేశారు. వెంకటేష్‌, వరుణ్‌తేజ్ హీరోలుగా అనిల్‌ రావిపూడి తెరకెక్కిస్తున్న ‘ఎఫ్‌’ (F 3) చిత్రం మే 27న ప్రేక్షకుల ముందుకురానుంది. ఈ సందర్భంగా సునీల్‌, అనిల్‌.. ఆలీ వ్యాఖ్యాతగా వ్యవహరిస్తున్న ‘ఆలీతో సరదాగా’ (Alitho Saradaga) కార్యక్రమానికి విచ్చేసి, పలు ఆసక్తికర విశేషాలు పంచుకున్నారు. ఈ సినిమాలో సునీల్‌, ఆలీ కీలక పాత్రలు పోషించిన సంగతి తెలిసిందే. సినిమాలో ఎంత ఫన్‌ ఉండబోతుందో ఈ వేదికపై చర్చించారు. ‘అనిల్‌ అండ్‌ సునీల్‌’ అని ఏదైనా సినిమాకు టైటిల్‌ పెడితే బాగుంటుందంటూ ఆలీ కామెడీ పండించారు. ఈ చిత్రంలో నటించడం మంచి అనుభూతినిచ్చందని సునీల్‌ పేర్కొన్నారు. బస్‌ డిపోను తలపించేలా కారవాన్‌లు ఉండేవని, అంతమంది నటీనటులతో కలిసి పనిచేయడం సంతోషంగా ఉందన్నారు. ‘ఎఫ్‌ 4’ ఉంటుందా అని ఆలీ అడగ్గా ‘ప్రేక్షకులకు వినోదం పంచడమే మన విధి. కచ్చితంగా ఉంటుంది’ అని అనిల్‌ సమాధానమిచ్చారు. బాలకృష్ణతో తాను తెరకెక్కించే చిత్రం పవర్‌ఫుల్‌ యాక్షన్‌ నేపథ్యంలో ఉంటుందని తెలిపారు. ఈ పూర్తి నవ్వుల రైడ్‌ ‘ఈటీవీ’లో మే 23 రాత్రి 9:30 గం.లకు ప్రసారంకానుంది.