Satya Prakash: 600 సినిమాల్లో నటించానని చెప్పుకొంటా: సత్యప్రకాశ్‌

హైదరాబాద్: ‘నో పెయిన్‌.. నో గెయిన్‌.. అది మారిస్తే నో గెయిన్‌ విత్‌ అవుట్‌ పెయిన్‌’ అంటున్నారు నటుడు సత్య ప్రకాశ్‌. తెలుగు చిత్ర పరిశ్రమలో ప్రతినాయకుడిగా ఎన్నో చిత్రాల్లో తనదైన నటనతో మెప్పించారు. తాజాగా ఆలీ వ్యాఖ్యాతగా ఈటీవీలో ప్రసారమయ్యే ‘ఆలీతో సరదాగా కార్యక్రమానికి విచ్చేసి ఎన్నో సరదా సంగతులు పంచుకున్నారు. వేదికపై ఆలీతో కలిసి ఆయన చేసిన సందడి నవ్వులు పూయించింది. తాను పుట్టింది విజయనగరంలో అని, పెరిగిందంతా ఒడిశాలో అని సత్యప్రకాశ్‌ చెప్పుకొచ్చారు. కొన్ని రోజులు బ్యాంకులో కూడా ఉద్యోగం చేసినట్లు తెలిపారు. తానేదో పిచ్చి పనులు చేస్తుంటే ఎవరో డైరెక్టర్‌ పిలిచి వేషం ఇచ్చారని, ఆ తర్వాత తనకు అవకాశం ఇచ్చినందుకు ఆ దర్శకుడు ఇప్పటికీ బాధపడుతున్నారని నవ్వుతూ చెప్పారు. ఒక సినిమా షూటింగ్‌ సందర్భంగా కో-డైరెక్టర్‌ అనరాని మాటలు అన్నారని వాపోయారు. ఇంకా ఆయన పంచుకున్న విశేషాలు తెలియాలంటే వచ్చే సోమవారం వరకూ వేచి చూడాల్సిందే! అప్పటివరకూ ఈ సరదా ప్రోమో చూసేయండి.