స్టూడియో నుంచి బయటకు పొమ్మన్నారు
టైమింగ్తోపాటు రైమింగ్ కూడా ఉన్న కామెడీ ఖిలాడీలు అభినయ కృష్ణ, రామ్ ప్రసాద్. జబర్దస్త్లో నవ్వులు పూయించి తెలుగు ప్రేక్షకులను అలరిస్తున్న ఆ ఇద్దరూ ‘ఆలీతో సరదాగా’లో పంచుకున్న విశేషాలు మీకోసం.
ఒకరిదేమో ఆటోపంచ్లతో జలక్కులిచ్చే కామెడీ.. మరొకరిది కొత్త కాన్సెప్ట్లతో ఒత్తిడిని తగ్గించే కామెడీ. టైమింగ్తోపాటు రైమింగ్ కూడా ఉన్న కామెడీ ఖిలాడీలు అభినయ కృష్ణ, రామ్ ప్రసాద్. ‘జబర్దస్త్’లో నవ్వులు పూయించి తెలుగు ప్రేక్షకులను అలరిస్తున్న ఆ ఇద్దరూ తాజాగా ‘ఆలీతో సరదాగా’లో పంచుకున్న విశేషాలు మీకోసం..
ఆటో రామ్ ప్రసాద్ పేరెలా వచ్చింది?
రామ్ ప్రసాద్: ఏదైనా గ్యాప్ దొరికితే పంచ్లు వేయడం అలవాటు. కాసేపు ఆలోచిస్తే కానీ నేను పంచ్ వేశానన్న విషయం అర్థం కాదు చాలా సార్లు. అందుకే ఆటో రాంప్రసాద్ అనే పేరొచ్చింది. జబర్దస్త్ జడ్జి రోజా ఈ పేరు పెట్టారు.
ఏ ఊరు మీది? నాన్న ఏం చేస్తారు?
రామ్ ప్రసాద్: పుట్టి పెరిగింది వైజాగ్. నాన్న కుక్గా పనిచేసేవారు. నేను జబర్దస్త్లోకి వచ్చాక ఆ పని మానిపించి క్యాటరింగ్ పెట్టించాను. ఇప్పుడు అది కూడా వద్దని హైదరాబాద్ తీసుకొచ్చాను.
ఏమవుదామని ఇండస్ర్టీకి వచ్చావు?
రామ్ ప్రసాద్: మనం ఏదో అవుదామని రావొద్దు. ఇండస్ర్టీనే మనం ఏమవ్వాలో నిర్ణయిస్తుంది. నటుడిని అవుదామని వచ్చాను. కొన్నాళ్లు ఎడిటింగ్ పని కూడా చేశాను.
అంతకుముందు ఏం చేసేవాడివి?
రామ్ ప్రసాద్: మెడికల్ షాప్లో పనిచేశాను. కాలేజీ అయిపోగానే అందులో చేరిపోయాను. అక్కడ బాయ్గా అయిదేళ్లు పనిచేశాను.
రచయితగా ఎప్పుడు మారావు?
రామ్ ప్రసాద్: రామస్వామి అనే రచయితతో మాట్లాడేటప్పుడు నేను వేసే పంచులు ఆయనకు నచ్చాయి. దాంతో పంచులు బాగా వేస్తున్నానని కొన్ని సీన్లు రాసుకు రమ్మన్నాడు. బాగా ఉన్నాయనే సరికి ఎడిటింగ్ నుంచి రైటింగ్లోకి దిగాను. ఆ తర్వాత నటన మీద ఇంట్రెస్ట్ పుట్టింది. ఫొటోలు పట్టుకొని సినిమా ఆఫీసుల చుట్టు తిరిగాను. అలా తిరుగుతుంటే నాగచైతన్య ‘జోష్’ సినిమాలో నటించే అవకాశం దొరికింది.
ఓ పెద్ద హీరో.. మీ గృహ ప్రవేశానికి కొత్త బట్టలు పంపించారంట?ఎవరు?
రామ్ ప్రసాద్: మెగాస్టార్ చిరంజీవి గారు పంపించారు. గృహప్రవేశానికి కార్డు ఇచ్చి ఆహ్వానించాలని చిరంజీవి గారి పీఏకి ఫోన్ చేశాను. మరుసటి ఉదయమే ఆయన ఇంటికి రమ్మన్నారు. కార్డు ఇచ్చి ఆశీర్వాదం తీసుకున్నాను. రావడం కుదరట్లేదని చెప్పారు. ఆశీర్వదిస్తే చాలు అనుకున్నాను. గృహప్రవేశం రోజు పూజలో ఉండగా గంగాధర్ అనే వ్యక్తితో కొత్త వస్త్రాలు పంపించారు మెగాస్టార్. వాటిని ఇప్పటికీ భద్రంగా దాచుకున్నాను.
ప్రేమ వివాహమా? పెద్దలు కుదిర్చిందా?
రామ్ ప్రసాద్: లవ్ కమ్ అరేంజ్డ్ మ్యారేజ్. మూడో తరగతి నుంచి మేమిద్దరం కలిసి చదువుకున్నాం. అప్పుడు బెంచ్ మీద కలిసి పెరిగాం. ఆ తర్వాత పెళ్లి పీటల మీద తాళి కట్టాల్సి వచ్చింది. అలా తెలియకుండానే అంతా అయిపోయింది. మాకు ఇద్దరు పిల్లలు.
అభి అసలు పేరు హరికృష్ణ అని తెలుసా?
రామ్ ప్రసాద్: తెలియదు. 8 సంవత్సరాలుగా ప్రయాణం చేస్తున్నాం. కానీ జబర్దస్త్ టీంలో అందరికీ తలకాయలాంటివాడు. ఎవరికేదైనా చేయాలన్నా అభికే చెబుతాం. ఆయన ముందుండి అన్ని చూసుకుంటాడు. ఈ మధ్య జబర్దస్త్ జీవన్ ఆసుపత్రిలో ఉంటే అందరం కలిసి ఏదైనా చేయాలనుకున్నాం. అప్పుడు డాక్టర్లను సంప్రదించడం.. వాళ్ల ఫ్యామిలీతో మాట్లాడటం.. ఖర్చులు చూసుకోవడం అంతా అభినే చూసుకున్నాడు.
అభి మీది ఏ ఊరు? నాన్న ఏం చేస్తారు?
అభినయ కృష్ణ: మెదక్ దగ్గర రామాయంపేట. చిన్నప్పుడు మీరు(ఆలీ) మా ఇంటికొచ్చారు. అప్పుడే యాక్టింగ్ చేయాలన్న కోరిక పుట్టింది. మిమ్మల్ని చూసి సినిమాల్లోకి రావాలని స్ఫూర్తి పొందాను. నాన్న బీఎడ్ కాలేజ్లో కరస్పాండెంట్గా పనిచేసి విశ్రాంతి తీసుకుంటున్నారు. తమ్ముడు అమెరికాలో ఉద్యోగం చేస్తున్నాడు. చెల్లి షార్జాలో ఉద్యోగం చేసొచ్చింది.
బాహుబలికి అసిస్టెంట్ డైరెక్టర్గా ఎందుకు చేయాల్సి వచ్చింది?
అభినయ కృష్ణ: నాకు దర్శకత్వంపై ఆసక్తి ఎక్కువ. రాజమౌళి దర్శకత్వంలో నేర్చుకోడానికి చాలా అవకాశం ఉంటుంది. గ్రాఫిక్స్ వర్క్పై అవగాహన పెరుగుతుంది. అందుకే శ్రీవల్లి గారిని అడిగి చేరిపోయాను. ‘బాహుబలి2’ యుద్ధ సన్నివేశాల షూటింగ్లో పనిచేశాను. రెండు పడవల మీద ప్రయాణం చేయొద్దని ఉద్యోగాన్ని కూడా వదిలేశాను. సినిమా వాడిగానే చనిపోవాలని కోరిక.
దర్శకత్వం అవకాశం ఇస్తానని చెప్పి ముంచేశారని తెలిసింది. నిజమేనా?
అభినయ కృష్ణ: మంచి కథ చెబితే ఓ వ్యక్తి బాగుందని మెచ్చుకొని, తానే నిర్మిస్తానని మాటిచ్చాడు. హీరోహీరోయిన్లను మాట్లాడుకొమ్మన్నాడు. నేను హర్షవర్ధన్ రాణేను కలిసి హీరోగా ఒప్పించాను. హీరోయిన్గా అర్జున్ కూతురికి కూడా కథ చెప్పి ఓకే చేయించుకున్నాను. అయితే ఓ రోజు అత్యవసరంగా రూ.5 లక్షలు పంపమన్నాడు. సినిమాకు అన్ని కోట్లు పెట్టే వ్యక్తికి రూ.5 లక్షలు ఇవ్వడంలో ఏముందని పంపించాను. ఆ తర్వాత ఆ డబ్బులు తిరిగి తీసుకునేందుకు నానా కష్టాలు పడాల్సి వచ్చింది.
నీకేమైనా ఇలాంటి ఇబ్బందులున్నాయా?
రామ్ ప్రసాద్ : లేదు. నేనే చాలా మందికి ఇవ్వాలి (నవ్వులు)
ఏ సంవత్సరంలో ఇండస్ర్టీకి వచ్చావు?
రామ్ ప్రసాద్: 2008లో వచ్చాను. ఆ తర్వాత మళ్లీ ఇంటికెళ్లి రెండేళ్లు గడిపాను. ప్రసన్నకుమార్ అనే రైటర్ నా ఫ్రెండ్. ‘కొత్తగా జబర్దస్త్ అనే కొత్త కామెడీ షో మొదలవుతోంది. ఏమైనా రాసి పంపరా’ అని అడిగితే కొన్ని రాసి పంపేవాడిని. వాటికి మంచి రెస్పాన్స్ వచ్చింది. ఆ తర్వాత ధన్రాజ్ టీంలోకి తీసుకోవడంతో హైదరాబాద్కు వచ్చాను. నేను రాసిన మొదటి రెండు స్కిట్లు గెలిచాం. ఇక అక్కడి నుంచి వెనక్కి తిరిగి చూసుకోలేదు.
సినిమాకు రచయితగా ఏమైనా చేస్తున్నావా?
రామ్ ప్రసాద్: ‘సిల్లీ ఫెలోస్’కు స్ర్కిప్ట్ రాశాను. ‘సారంగదరియా’ అనే సినిమాతో పాటు నాగశౌర్య హీరోగా చేస్తున్న మరో సినిమాకు కూడా పనిచేస్తున్నాను.
రాఘవేంద్రరావు గారు పిలిచి అవకాశమిచ్చారట? ఏంటా కథ?
రామ్ ప్రసాద్: ఆయనకి మా కామెడీ బాగా ఇష్టం. మా స్కిట్లను చూస్తారు. ఓ రోజు మా ముగ్గురిని పిలిచారు. మనం కలిసి పనిచేద్దాం అన్నారు. కానీ ఆ తర్వాత మళ్లీ ఫోన్ రాలేదు. అవకాశం వస్తే కచ్చితంగా కలిసి పనిచేస్తాం.
చిన్నప్పుడు బాగా అల్లరి చేసేవారంట?
రామ్ ప్రసాద్: స్కూల్లో అల్లరి బాగా చేసేవాడిని. టీచర్ రాగానే అందరు గుడ్ మార్నింగ్ అని విష్ చేస్తే నేను వేరే విధంగా చెప్పేవాడిని. ఓ రోజు మా మాష్టారు రాగానే భూతద్దాలు అని గట్టిగా అరిచాను. అది పొరపాటున ఆయనకు వినిపించింది. క్లాస్లోనే చితకబాదాడు. అలాగే బాత్రూం పైపులను పీకేసి ఆటలాడుకునేవాడిని.
అభినయ కృష్ణ: కాలేజీలో నన్నొక కోతిలా చూసేవారు. ప్రతి లెక్చరర్ దగ్గర తిట్లు పడేవి. అందరూ చదువుకుంటుంటే వారికి సినిమా కథలు చెప్పేవాడిని. వాళ్లంతా పడుకున్నాక నేను చదువుకునేవాడిని. ఇలాంటి అల్లరి పనులెన్నో చేశాను. చదువులో మంచి మార్కులే వచ్చేవి. నేను ఇంటెలిజెంట్నే కానీ కోతి పనులు తగ్గిస్తే బాగుంటదని మా బాబాయి చెప్పిన రోజు నుంచి కొంచెం పద్ధతిగా ఉండటం మొదలుపెట్టాను.
ఈ మధ్య ఓ స్టూడియో దగ్గర అవమానం జరిగిందట? ఏమైంది?
అభినయ కృష్ణ: షూటింగ్ కోసం గ్రీన్ మ్యాట్ స్టూడియోకు రమ్మని లోకేషన్ పంపించారు. ఆర్బీ చౌదరి ఇంటి దగ్గరే ఆ లోకేషన్ చూపించింది. అక్కడొక వ్యక్తిని గ్రీన్మ్యాట్ స్టూడియో గురించి అడిగాను. ఆయన చిరాకుగా ‘ఎవరు నువ్వు? ఎందుకు వచ్చావు’ అంటూ ఇంకా కొంత అవమానకరంగా మాట్లాడారు. బయటకు పొమ్మన్నారు. నేను వాళ్లకు తెలిసినా.. కావాలనే కొందరు ఇలా ప్రవర్తిస్తుంటారు.
ప్రేమ వివాహమా? పెద్దలు కుదిర్చిందా?
అభినయ కృష్ణ: ప్రేమించుకొని పెద్దలను ఒప్పించి చేసుకున్నాం. తను ఓ ఫ్రెండ్ ద్వారా పరిచయం అయ్యింది. ఆమెది రాజస్థాన్. మాకు ఇద్దరు పిల్లలు.
ఇండస్ర్టీకి ఎప్పుడొచ్చావు?
అభినయ కృష్ణ: దాదాపు 20 ఏళ్లవుతుంది. ప్రభాస్ నేను ఒకేసారి ఇండస్ర్టీకొచ్చాం. ఆయనతో ఈశ్వర్లో ఫ్రెండ్గా చేశాను.
హరికృష్ణ నుంచి అభినయ కృష్ణగా ఎప్పుడు మారావు?
అభినయ కృష్ణ: గేయ రచయిత సినారె గారే హరికృష్ణగా ఉన్న నా పేరును అభినయ కృష్ణగా మార్చారు. ఓ కార్యక్రమంలో నా నటనకు మెచ్చి ఆ పేరు పెట్టారు.
మిమిక్రీ కూడా చేస్తావు కదా? ఎక్కడ నేర్చుకున్నావు?
అభినయ కృష్ణ: సొంతంగానే నేర్చుకున్నాను. నేను డ్యాన్స్ ఇమిటేషన్ ఎక్కువగా చేస్తాను. అందులో ‘లిమ్కా బుక్ ఆఫ్ రికార్డు’ కూడా ఉంది. ‘ఈశ్వర్’ షూటింగ్ సమయంలో కృష్ణంరాజుని అనుకరించమని ప్రభాస్ అడుగుతుండేవారు. అలా షూటింగ్ అయిపోయేదాకా ప్రాక్టీస్ చేశాను. దీంతో ఆయనది బాగా చేయగలుగుతాను.
నేను కొన్ని సినిమా టైటిల్స్ చెబుతాను. అవి ఎవరికి సరిపోతాయో చెప్పాలి?
రామ్ప్రసాద్: క్రాక్: కిరాక్ ఆర్పీ. ప్రస్తుతం దర్శకత్వం చేద్దామని బయటకెళ్లాడు. వాడి సినిమా గురించి వెయిట్ చేస్తున్నాం.
దేశముదురు: గెటప్ శ్రీను. అన్నిట్లో నాలెడ్జ్ ఉంది.
రోబో: సన్నీ. రోబోలానే చెప్పింది చేస్తాడు.
బాబు బాగా బిజీ: సుడిగాలి సుధీర్.
కంత్రి: నాకు నేనే ఇచ్చుకుంటాను (రామ్ ప్రసాద్).
గ్యాంగ్ లీడర్: అభినయ కృష్ణ.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
ఆ విషయంలో అల్లరి నరేశ్ను పట్టుబట్టా: నాని
నరేశ్ హీరోగా తెరకెక్కిన కామెడీ ఫిల్మ్ ‘ఆ ఒక్కటీ అడక్కు’. ఈ సినిమా ట్రైలర్ ఈవెంట్లో నాని సందడి చేశారు. -
అలాంటి మాటలు చెప్పే అలవాటు లేదు
‘పొలిమేర’ సిరీస్ సినిమాలతో అందర్నీ మెప్పించి సత్తా చాటారు సత్యం రాజేశ్. ఇప్పుడాయన హీరోగా నటించిన చిత్రం ‘టెనెంట్’. వై.యుగంధర్ తెరకెక్కించిన ఈ సినిమాని మోగుళ్ల చంద్రశేఖర్ రెడ్డి నిర్మించారు. -
చరణ్, జాన్వీ ‘జగదేక వీరుడు అతిలోక సుందరి’ సీక్వెల్ చేయాలన్నది నా కల: చిరంజీవి
‘జగదేక వీరుడు అతిలోక సుందరి’ రెండో భాగంలో రామ్చరణ్, జాన్వీకపూర్ కలిసి నటిస్తే చూడాలన్నది తన కల అని, దానికోసం ఎదురుచూస్తున్నానని అగ్ర కథానాయకుడు చిరంజీవి (Chiranjeevi) అన్నారు. -
హీరో ఒక్కడే థియేటర్లలోకి రప్పించలేడు
‘సినిమాలో పెద్ద హీరో ప్రధాన పాత్రధారిగా ఉన్నంతమాత్రాన ప్రేక్షకుడిని థియేటర్లలోకి రప్పించలేం. కథే సిసలైన హీరో’ అంటోంది కృతి సనన్. -
ఆ అవకాశం ఉంటే చెన్నై వదిలి ఇక్కడే సినిమాలు చేస్తా!
వైవిధ్యభరితమైన థ్రిల్లర్ కథలకు చిరునామాగా నిలుస్తుంటారు విజయ్ ఆంటోని. ఇప్పుడాయన తొలిసారి రొమాంటిక్ జానర్లో ‘లవ్ గురు’ అనే చిత్రం చేశారు. ఆయన స్వయంగా నిర్మించిన ఈ సినిమాని వినాయక్ వైద్యనాథన్ తెరకెక్కించారు. -
ఆ దిగ్గజ నటుడు నాకు ఆరాధ్య దైవంతో సమానం: మురళీ మోహన్
సినీ నటుడు మురళీ మోహన్ తాజాగా ‘ఆలీతో సరదాగా’లో పాల్గొన్నారు. ఆయన జీవితంలోని కొన్ని ఆసక్తికర అంశాలను పంచుకున్నారు. -
ఆ మాటలతోనే స్టార్నయ్యా.. ఇప్పటికీ షాంపూ బాటిల్లో నీళ్లు పోసి వాడుతుంటా!: చిరంజీవి
కెరీర్ పరంగా తాను ఎదుర్కొన్న సవాళ్లు, తన కుటుంబం, పొదుపుపై ఆసక్తికర వ్యాఖ్యలు చేశారు అగ్ర కథానాయకుడు చిరంజీవి (Chiranjeevi). -
చిరంజీవితో ఆ పాటకు డ్యాన్స్ వేయడం కష్టంగా అనిపించింది: రాధ
నటి రాధ ‘ఆలీతో సరదాగా’ కార్యక్రమానికి హాజరయ్యారు. ఆమె కెరీర్కు సంబంధించిన ఆసక్తికర విషయాలు పంచుకున్నారు. -
Prithviraj Sukumaran: అందుకు మలయాళ ఇండస్ట్రీ నాపై అసూయ పడిందేమో: పృథ్వీరాజ్ సుకుమారన్
తన కొత్త సినిమా ‘ఆడుజీవితం’ ప్రచారంలో భాగంగా హైదరాబాద్కు వచ్చారు మలయాళ నటుడు పృథ్వీరాజ్ సుకుమార్. ఆ చిత్రం గురించి పలు విశేషాలు పంచుకున్నారు. -
alitho saradaga: డబ్బులు అడుగుతానేమోనని కొందరు తప్పించుకు తిరిగేవాళ్లు: పుల్లెల గోపీచంద్
ప్రముఖ బ్యాడ్మింటన్ కోచ్ పుల్లెల గోపీచంద్ ఆలీతో సరదాగా కార్యక్రమానికి వచ్చారు. చాముండేశ్వర నాథ్తో కలిసి ఆయన చెప్పిన సంగతులేంటంటే.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Priyadarshi: స్వచ్ఛమైన హాస్యంతో సినిమా ఓ పెద్ద సవాల్
‘‘కథానాయకుడు అనగానే ఒక ప్రత్యేకమైన ఇమేజ్కి పరిమితం చేసినట్టు ఉంటుంది. స్వేచ్ఛగా ఉండలేను. నన్ను నేను ఓ నటుడిగా చూసుకోవడానికే ఇష్టపడతా’’ అన్నారు ప్రియదర్శి. -
Sivaji: ఆలీ అన్నా.. దయచేసి ఎన్నికల్లో పోటీ చేయొద్దు: శివాజీ
ఇప్పటి రోజుల్లో రాజకీయాలు వ్యాపారంగా మారాయన్నారు నటుడు శివాజీ. డబ్బులు ఖర్చుపెట్టడంతోపాటు వివిధ మార్గాల్లో ఆ మొత్తాన్ని తిరిగి లాక్కొనేవారికే పాలిటిక్స్ సెట్ అవుతాయన్నారు. -
Allari Naresh: ‘ఆ ఒక్కటీ అడక్కు’ టైటిల్.. ఆ ఉద్దేశంతో పెట్టలేదు : అల్లరి నరేశ్
నరేశ్ హీరోగా రూపొందిన తాజా చిత్రం ‘ఆ ఒక్కటీ అడక్కు’. ఈ సినిమా టీజర్ లాంచ్ ఈవెంట్లో నరేశ్ పాల్గొని సందడి చేశారు. -
Raghu Karumanchi: స్టాక్మార్కెట్.. రూ.కోట్లలో నష్టపోయా: రఘు
ఈటీవీలో ప్రసారమవుతోన్న సెలబ్రిటీ టాక్ షో ‘చెప్పాలని ఉంది’ (Cheppalani Vundi). బాలాదిత్య వ్యాఖ్యాతగా వ్యవహరిస్తోన్న ఈ కార్యక్రమంలో తాజాగా టాలీవుడ్ హాస్యనటుడు రఘు కారుమంచి (Raghu Karumanchi) పాల్గొన్నారు. తన కెరీర్ విశేషాలు పంచుకున్నారు. -
Akash Puri: అప్పటి వరకు నాన్న దర్శకత్వంలో నటించను: ఆకాశ్ పూరి
తన తండ్రి పూరి జగన్నాథ్ దర్శకత్వంలో ప్రస్తుతానికి నటించాలనుకోవడంలేదని నటుడు ఆకాశ్ తెలిపారు. హైదరాబాద్లో నిర్వహించిన ప్రెస్మీట్లో ఆయన మాట్లాడారు. -
Suhaas: రూ.3 కోట్ల రెమ్యూనరేషన్.. సుహాస్ ఏమన్నారంటే!
తాజాగా ‘ప్రసన్నవదనం’ టీజర్ లాంచ్ ఈవెంట్ జరిగింది. ఇందులో సుహాస్ తన రెమ్యూనరేషన్పై స్పందించారు. -
Gopichand: ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్
ప్రముఖ హాస్యనటుడు ఆలీ వ్యాఖ్యాతగా ఈటీవీ వేదికపై విశేష ఆదరణ సొంతం చేసుకున్న సెలబ్రిటీ టాక్ షో ‘ఆలీతో సరదాగా’ (Alitho Saradaga). ఈ షో సెకండ్ సీజన్ తాజాగా మొదలైంది. తొలి ఎపిసోడ్కు గోపీచంద్ (Gopichand) అతిథిగా విచ్చేశారు. -
Gopichand: భీమా ప్రేక్షకుల మదిలో నిలిచిపోయే పాత్ర: గోపీచంద్
భీమా ప్రమోషన్స్లో భాగంగా హీరో గోపీచంద్ ఇటీవల ఓ ఇంటర్వ్యూలో మాట్లాడారు. -
మూఢ నమ్మకాలు లేని దెయ్యం సినిమా ‘వళరి’
‘హారర్ సినిమాల సంఖ్య తగ్గుతున్న సమయంలో.. ఆ లోటును ‘వళరి’ చిత్రం తీర్చేయడానికి త్వరలో రాబోతుంది’ అంటున్నారు దర్శకురాలు మ్రితికా సంతోషిణి. దర్శకురాలిగా ఆమె రూపొందించిన తొలి చిత్రమిది. రితికా సింగ్, శ్రీరామ్ ప్రధాన పాత్రల్లో నటించారు.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
‘హీరామండీ’తో నా కల నెరవేరింది: సోనాక్షి సిన్హా