Naresh: నరేశ్‌ కొత్త ప్రాజెక్ట్ ఇదే..!

హైదరాబాద్‌: తనదైన కామెడీ టైమింగ్‌, పంచులతో తెలుగు ప్రేక్షకుల్ని కడుపుబ్బా నవ్వించే హీరో అల్లరి నరేశ్‌. కామెడీ హీరోగా గుర్తింపు తెచ్చుకున్న ఆయన ‘మహర్షి’, ‘నాంది’ వంటి చిత్రాలతో తనలోని నటుడ్ని ప్రేక్షకులకు మరింత చేరువ చేశారు. ఈ నేపథ్యంలోనే నరేశ్‌ తన తదుపరి చిత్రాన్ని తాజాగా ప్రకటించారు.

మల్లంపాటి సతీష్‌ దర్శకత్వంలో తెరకెక్కనున్న ఫుల్‌ కామెడీ ఎంటర్‌టైనర్‌లో నరేశ్‌ కథానాయకుడిగా నటించనున్నారు. మహేశ్‌ కోనేరు నిర్మాత. నరేశ్‌ 58వ చిత్రంగా రూపుదిద్దుకోనున్న ఈ చిత్రానికి ‘సభకు నమస్కారం’ అనే టైటిల్‌ ఫిక్స్‌ చేశారు. బుధవారం నరేశ్‌ పుట్టినరోజు పురస్కరించుకుని ఈ సినిమా టైటిల్‌ పోస్టర్‌ని సోషల్‌మీడియా వేదికగా విడుదల చేశారు.