Allu Arjun: దటీజ్‌ అల్లు అర్జున్‌.. ఆ ప్రకటనకు నో చెప్పారా?

హైదరాబాద్‌: ప్రస్తుతం యువతరంలో విపరీతమైన క్రేజ్‌ ఉన్న కథానాయకుడు అల్లు అర్జున్‌(Allu arjun).  స్టైల్‌కు కేరాఫ్ అడ్రస్‌గా నిలుస్తూ, ప్రతి చిత్రానికి తనని తాను కొత్తగా ఆవిష్కరించుకుంటారు. సినిమాలతో పాటు అప్పుడప్పుడు ప్రకటనల్లోనూ తళుక్కున మెరుస్తారు. తాజాగా బన్ని తీసుకున్న ఓ నిర్ణయం పట్ల అటు అభిమానులు, ఇటు ప్రేక్షకులు ప్రశంసలు కురిపిస్తున్నారు. ‘ద టీజ్‌ బన్ని’ అంటూ ట్వీట్‌లు పెడుతున్నారు.  ఇంతకీ ఏం జరిగిందంటే... ఓ ప్రముఖ పొగాకు ఉత్పత్తుల సంస్థ తన బ్రాండ్‌ ప్రమోషన్‌ కోసం అల్లు అర్జున్‌ను సంప్రదించిందట. పొగాకు ఉత్పత్తులు కావడంతో భారీగానే పారితోషికం కూడా ఆఫర్‌ చేసింది. అయితే, మరో ఆలోచన లేకుండా ఆ ప్రకటన చేయనని బన్ని చెప్పారట. తాను అలాంటి ప్రకటనలు చేస్తే, అభిమానులు కూడా తనని చూసి పొగాకు ఉత్పత్తులకు అలవాటు పడతారని, అందుకే తాను ఆ ప్రకటన చేయనని సన్నిహితులతో అన్నట్లు సమాచారం.  దీంతో బన్ని నిర్ణయం పట్ల అభినందనలు వెల్లువెత్తుతున్నాయి.

అల్లు అర్జున్‌ ప్రస్తుతం సుకుమార్‌ దర్శకత్వంలో ‘పుష్ప: ది రూల్‌’లో నటిస్తున్నారు. గతేడాది వచ్చిన ‘పుష్ప:ది రైజ్’కు కొనసాగింపుగా ఈ చిత్రం వస్తోంది. రష్మిక కథానాయిక. త్వరలోనే ‘పుష్ప2’ సెట్స్‌పైకి వెళ్లనుంది.