Alluarjun: ఇండియా- పాక్‌ బోర్డర్‌లో స్టైలిష్‌ స్టార్‌...!

ఇంటర్నెట్‌ డెస్క్: స్టైలిష్‌ స్టార్‌ అల్లుఅర్జున్‌ కుటుంబంతో కలిసి పంజాబ్‌లో సందడి చేస్తున్న విషయం తెలిసిందే. నిన్న(september 29) ఆయన భార్య స్నేహారెడ్డి పుట్టినరోజు సందర్భంగా వీరు గోల్డెన్‌ టెంపుల్‌ను సందర్శించారు. అక్కడి నుంచి వాఘా సరిహద్దుకు వెళ్లి జవాన్లతో సరదాగా గడిపారు. బీఎస్ఎఫ్‌ జవాన్లతో కలిసి దిగిన ఫొటోలు,వీడియోలను అల్లు అర్జున్‌ తన ఇన్‌స్టాలో పోస్ట్‌ చేస్తూ..‘‘బీఎస్‌ఎఫ్‌.. గొప్ప గౌరవంగా భావిస్తున్నాను. ధన్యవాదాలు’’ అని రాశారు.  ప్రస్తుతం ఇవి సోషల్‌ మీడియాలో వైరలవుతున్నాయి.

పంజాబ్‌లో అల్లుఅర్జున్‌ డిఫరెంట్‌ లుక్‌లో కనిపించాడు. దీంతో ‘పుష్ప2’లో అతడి గెటప్‌ ఇదే అని ఫ్యాన్స్‌ అంటున్నారు. ఇటీవలే ఈ చిత్రానికి సంబంధించిన పూజా కార్యక్రమాలు జరిగిన విషయం తెలిసిందే.