AlluArjun: సెట్‌లోకి ఎంట్రీ ఇచ్చిన సుకుమార్‌-బన్నీ.. ఫొటోలు వైరల్‌

‘పుష్ప’తో(Pushpa) రికార్డ్స్‌ క్రియేట్‌ చేసిన ఐకాన్‌స్టార్‌ అల్లు అర్జున్‌ (Allu Arjun), డైరెక్టర్‌ సుకుమార్ (Sukumar) తాజాగా సెట్‌లోకి అడుగుపెట్టారు. సుకుమార్‌ యాక్షన్‌ అనగానే బన్నీ.. తనదైన నటనతో అదరగొట్టేశారు.

Published : 03 Aug 2022 13:46 IST

హైదరాబాద్‌: ‘పుష్ప’తో(Pushpa) రికార్డ్స్‌ క్రియేట్‌ చేసిన ఐకాన్‌స్టార్‌ అల్లు అర్జున్‌ (Allu Arjun), డైరెక్టర్‌ సుకుమార్ (Sukumar) తాజాగా సెట్‌లోకి అడుగుపెట్టారు. సుకుమార్‌ యాక్షన్‌ అనగానే బన్నీ.. తనదైన నటనతో అదరగొట్టేశారు. ఇక, ప్రముఖ డీవోపీ రత్నవేలు తన కెమెరాకి పనిచెప్పారు. ఇదంతా నిజమేనా? ‘పుష్ప-2’ షూట్‌ మొదలైందా? అనుకుంటే మాత్రం పొరపాటే. ఎందుకంటే ఈ షూట్‌ సినిమా కోసం కాదు.. మరి దేనికి అనుకుంటున్నారా..?

‘పుష్ప’ విజయం తర్వాత ప్రేక్షకులకు మరింత చేరువయ్యేందుకు బన్నీ ప్రయత్నాలు చేస్తున్నారు. మరోవైపు ఆయన ఫేమ్‌ని క్యాష్‌ చేసుకునే పనిలో పడ్డాయి పలు వాణిజ్య సంస్థలు. ఈ క్రమంలోనే ఇటీవల త్రివిక్రమ్‌, హరీశ్‌ శంకర్‌ డైరెక్షన్‌లో యాడ్స్‌ చేసిన బన్నీ.. తాజాగా సుకుమార్‌ నేతృత్వంలో ఓ ప్రకటన కోసం పనిచేశారు. సుకుమార్‌ యాక్షన్‌ చెప్పగా.. రత్నవేలు కెమెరాకు పనిచెప్పారు. ఈ యాడ్‌లో బన్నీ స్టైలిష్‌ లుక్‌లో కనిపించనున్నారు. దీనికి సంబంధించిన ఫొటోలను రత్నవేలు ట్విటర్‌ వేదికగా షేర్‌ చేశారు. ‘‘సుమారు 18 ఏళ్ల తర్వాత మేము ముగ్గురం కలిసి ఓ షూట్‌లో పాల్గొన్నాం. బన్నీ, సుకుమార్‌ని కలుసుకోవడం సంతోషంగా ఉంది’’ అని రత్నవేలు పేర్కొన్నారు. 2004లో విడుదలైన ‘ఆర్య’ కోసం ఈ ముగ్గురూ కలిసి పనిచేశారు.

Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts