Alone: కాళిదాస్‌ క్వారంటైన్‌ కష్టాలు

క్వారంటైన్‌, హోమ్‌ ఐసోలేషన్‌..ఈ పదాలను ప్రపంచం మర్చిపోలేదు. కరోనా మహమ్మారి సృష్టించిన విలయానికి యావత్‌ ప్రపంచం వణికిపోయింది. ఇంకా ఆ భయాలు వెంటాడుతునే ఉన్నాయి. ఇలాంటి నేపథ్యంలో ఓ చిత్రం తెరకెక్కుతోంది. అదే ప్రముఖ నటుడు మోహన్‌లాల్‌ (Mohanlal) ప్రధాన పాత్రలో తెరకెక్కిన ‘ఎలోన్‌’ (Alone). యూకేలో పనిచేసిన ఉద్యోగి కాళిదాస్‌ క్వారంటైన్‌లోకి వెళతాడు. ఇంట్లో ఒంటరిగా అతడు ఎదుర్కొన్న కష్టాల నేపథ్యంలో ఈ చిత్రం సాగుతుంది. ఇందులో మోహన్‌లాల్‌ పాత్రే ఒక్కటే తెరపై కనిపిస్తుంది. పృథ్వీరాజ్‌ సుకుమారన్‌, సిద్ధిఖీ, నందుల గొంతులు మాత్రం వినిపిస్తాయి. తాజాగా ఈ సినిమా టీజర్‌ విడుదలై ఆకట్టుకుంటోంది. షాజీ కైలాస్‌ దర్శకత్వం వహించిన ఈ సినిమా విడుదల తేదీ ఇంకా ఖరారు కాలేదు.