Brahmastra: ‘బ్రహ్మాస్త్ర’లో.. గంభీరంగా గురు!

‘బ్రహ్మాస్త్ర’... బాలీవుడ్‌ సినీ ప్రేమికులు ఆసక్తిగా ఎదురుచూస్తున్న చిత్రం. సెప్టెంబరు 9 విడుదల కానున్న ఈ చిత్రంలో రణ్‌బీర్‌కపూర్‌, అలియా భట్‌ నాయకానాయికలు. అయాన్‌ ముఖర్జీ తెరకెక్కిస్తున్న ఈ సినిమాను దక్షిణ భారతదేశంలో ప్రముఖ దర్శకుడు ఎస్‌.ఎస్‌. రాజమౌళి విడుదల చేస్తున్నారు. ఇందులో బిగ్‌బీ అమితాబ్‌ కీలక పాత్రలో నటిస్తున్న సంగతి తెలిసిందే. తాజాగా ఇందులో ఆయన లుక్‌ను కరణ్‌జోహర్‌ విడుదల చేశారు. గురు పాత్రలో ఆయన ఈ చిత్రంలో గంభీరంగా, శక్తిమంతంగా కనిపిస్తారని పేర్కొన్నారు. నాగార్జున అక్కినేని, మౌనీ రాయ్‌ ఇతర ముఖ్య పాత్రల్లో కనిపిస్తారు.