Amitabh bachchan: వయసు పెరిగినా.. నటనలో తగ్గేదేలే..!
అరవై ఏళ్ల తర్వాత అమితాబ్ అదరగొట్టిన పాత్రలివే!
సముద్రంలోని కెరటాల్లాగే జీవితంలో కిందపడటం, పైకి లేవడం అనేది సహజం. వాస్తవ జీవితంలో పడిపోయిన ప్రతి ఒక్కరూ తిరిగి లేవాల్సిందే. అయితే ఎంత బలంగా నిలదొక్కున్నామనేదే చరిత్ర గుర్తుపెట్టుకుంటుంది. అమితాబ్ కూడా కింద పడ్డారు. ఒకటి, రెండు సార్లు కాదు చాలా సార్లు. కోలుకోలేనంతగా దెబ్బతిన్నారు. ఇక అమితాబ్ పనైపోయిందన్న ప్రతిసారీ గట్టి సమాధానమిచ్చారు. ‘షహేన్ షా’ స్టార్డమ్కి కాలం చెల్లిందనే విమర్శలను 60 ఏళ్లు దాటిన తర్వాత కూడా తిప్పికొట్టారు. అమితాబ్కి ఉన్న అంకితభావం, పట్టుదల అలాంటిది. ఇవాళ బిగ్బీ పుట్టిన రోజు. ఈ సందర్భంగా 60 ఏళ్లు దాటాక ఆయన చేసిన గొప్ప పాత్రలు, సినిమాలేంటో చూద్దాం..
బ్లాక్
అమితాబ్ కెరీర్లో ప్రత్యేకంగా నిలిచిపోయే సినిమా ‘బ్లాక్’. సంజయ్లీలా భన్సాలీ దర్శకుడు. పుట్టకతోనే కళ్లు, చెవులు పనిచేయని అమ్మాయికి పాఠాలు చెప్పే గురువుగా అమితాబ్ అద్భుతంగా నటించారు. దివ్యాంగురాలి పాత్రను రాణీముఖర్జీ పోషించారు. చివర్లో అల్జీమర్స్ వ్యాధితో బాధపడే వృద్ధుడిగా బిగ్బీ నటన ప్రేక్షకులను కంటతడి పెట్టిస్తుంది. కథ నచ్చి ఒక్క రూపాయి పారితోషికం తీసుకోకుండా నటించారాయన. 2005లో వచ్చిన ఈ సినిమా పలు అవార్డులు గెలుచుకుంది.
సర్కార్
ఆర్జీవీ తీసిన పొలిటికల్ క్రైమ్ థ్రిల్లర్ ‘సర్కార్’. మహారాష్ట్ర రాజకీయాల చుట్టూ అల్లుకున్న ఈ కథ బాక్సాఫీసు వద్ద భారీ విజయం సాధించింది. సర్కార్గా అమితాబ్ అద్భుతంగా నటించారు. ఈ సినిమాలో బిగ్బీ నటనను విమర్శకులు గాడ్ఫాదర్తో పోల్చారు. అభిషేక్ బచ్చన్ ఈ సినిమాలో అమితాబ్ కుమారుడిగా నటించారు. ఆయనకీ మంచి ప్రశంసలు దక్కాయి. కళ్లు, సైగలతోనే అమితాబ్ బచ్చన్ సర్కార్గా అదరగొట్టారు.
పా
హీరోగా ఎన్నో కమర్షియల్ హిట్లిచ్చిన ఇండియన్ సూపర్స్టార్ అమితాబ్.. వయసైపోయాక కూడా విశ్రాంతి తీసుకోలేదు. మరింత కొత్తగా ప్రేక్షకులను అలరించే ప్రయత్నం చేశారు. బిగ్బీ చేసిన అలాంటి గొప్ప ప్రయత్నమే ‘పా’. ఇందులో వింత వ్యాధితో బాధపడే 12 ఏళ్ల బాలుడిగా ఆయన అదరగొట్టారు. ఆ పాత్రను పోషించినందుకు గానూ ఆయన్ను జాతీయ పురస్కారం వరించింది. బిగ్బీకి తండ్రిగా అభిషేక్ బచ్చన్ నటించడం విశేషం.
షమితాబ్
దక్షిణాది స్టార్ హీరో ధనుష్తో అమితాబ్ చేసిన సినిమా ‘షమితాబ్’. బిగ్బీ వాయిస్ ఎంత శక్తిమంతంగా ఉంటుందో తెలిసిందే. ఆయన గొంతే ప్రధానంగా ఈ సినిమా నడుస్తుంది. ఈ చిత్రంలో ధనుష్కు మాటలు రావు గానీ హీరోగా వెలిగిపోవాలనే ఆశ. సరికొత్త సాంకేతికతతో ధనుష్కు బదులుగా అమితాబ్ మాట్లాడుతుంటారు. ధనుష్ నటనకు అమితాబ్ గాత్రం తోడై సూపర్స్టార్గా వెలిగిపోతాడు. ఆ తర్వాత ఇద్దరి మధ్య విభేదాలు తలెత్తి సినిమా పలు మలుపులు తిరుగుతుంది. ఇందులో అమితాబ్ వైవిధ్యమైన నటనను చూసి తీరాల్సిందే.
బుడ్డా హోగా తేరా బాప్
పూరి జగన్నాథ్ తొలిసారి బాలీవుడ్లో తీసిన సినిమా ‘బుడ్డా హోగా తేరా బాప్’. ఇందులో అమితాబ్ పాత్ర ఇది వరకు చూడని రీతిలో సరికొత్తగా ఉంటుంది. పూరి మార్క్ డైలాగ్స్కి అమితాబ్ నటన తోడై సరికొత్త అనుభూతిని అందించారు. బాక్సాఫీసు వద్ద మంచి విజయం సాధించిందీ సినిమా.
‘పీకూ’
70 ఏళ్ల వయసులో వృద్ధాప్య సమస్యలతో బాధపడే వ్యక్తిగా అమితాబ్ ‘పీకూ’లో అదరగొట్టారు. ఇందులో దీపికా తండ్రి పాత్రలో నటించారు. ఇద్దరి మధ్య వచ్చే సన్నివేశాలు భావోద్వేగానికి గురిచేస్తాయి. దివంగత నటుడు ఇర్ఫాన్ ఖాన్ టాక్సీ డ్రైవర్గా చేశారు. మంచి ఫీల్ గుడ్ మూవీలా సాగే ఈ సినిమా పతాక సన్నివేశాల్లో మాత్రం కంటతడి పెట్టిస్తుంది. సున్నితమైన హాస్య సన్నివేశాలు ఆకట్టుకుంటాయి. అమితాబ్ నటనను మెచ్చుకోకుండా ఉండలేం.
పింక్
ఈ మధ్య కాలంలో బాగా గుర్తుండిపోయే పాత్ర ‘పింక్’ సినిమాలో దక్కింది. ముగ్గురు అమ్మాయిల తరఫున వాదించే న్యాయవాదిగా అదిరిపోయే పర్ఫార్మెన్స్ ఇచ్చారాయన. తాప్సీ ప్రధాన పాత్రలో నటించింది. ‘పీకూ’ సినిమాను తెరకెక్కించిన సుజిత్ సర్కార్ దీనికీ దర్శకత్వం వహించారు. ఇందులో మహిళలపై జరిగే దాడులు, వివక్షపై అమితాబ్ డైలాగ్స్ అమితంగా ఆకట్టుకున్నాయి. దీన్నే తమిళంలో అజిత్, తెలుగులో పవన్కల్యాణ్ రీమేక్ చేశారు.
* ఇవన్నీ అమితాబ్ చేసిన వాటిలో కొన్ని మాత్రమే. ఇంకా అనేక అద్భుతమైన పాత్రల్లో నటించారు. వయసైపోయాక అందరిలా విశ్రాంతి తీసుకోకుండా.. నటనే శ్వాసగా జీవిస్తున్నారు. నిత్యనూతనంగా తెరపై కనిపించే ప్రయత్నం చేస్తున్నారు. 80 ఏళ్ల వయసుకు దగ్గరపడుతున్నా విరామెరగకుండా పనిచేస్తున్నారు. నటనంటే ఆయనకున్న మక్కువ అలాంటిది. వయసుకు తగిన పాత్రలు చేస్తూ తనదైన ప్రత్యేక దారిలో దూసుకెళ్తున్నారు. అందుకే ఇండియన్ సూపర్స్టార్గా శిఖరస్థాయిన నిలబడ్డారు. ఆయన జీవితం నటులకే కాదు, సామాన్యులకు కూడా గొప్ప పాఠం. మరిన్ని మంచి పాత్రలు చేయాలని కోరుతూ.. మరొక్కసారి ఇండియన్ సూపర్స్టార్ అమితాబ్ బచ్చన్కి పుట్టినరోజు శుభాకాంక్షలు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మాధురి దీక్షిత్తో నటించాలంటే భయమేసింది: మనీషా కొయిరాలా
కొంత విరామం తర్వాత ‘హీరామండీ’తో పలకరించేందుకు సిద్ధమయ్యారు నటి మనీషా కొయిరాలా. దీని ప్రమోషన్స్లో తన కెరీర్కు సంబంధించిన ఓ విషయాన్ని పంచుకున్నారు. -
తెలుగులో ‘నాయట్టు’.. స్ట్రీమింగ్ ఎక్కడంటే?
మలయాళ చిత్రం ‘నాయట్టు’ ఇప్పుడు తెలుగు ఆడియోతో అందుబాటులోకి వచ్చేందుకు సిద్ధమైంది. -
పెళ్లి పీటలెక్కనున్న యంగ్ హీరోయిన్.. వైరలవుతోన్న హల్దీ ఫొటోలు..
హీరోయిన్ అపర్ణ దాస్ వివాహ వేడుకలు ప్రారంభమయ్యాయి. హల్దీ వేడుకలకు సంబంధించిన ఫొటోలను సోషల్ మీడియాలో షేర్ చేశారు. -
ఆయన్ని చూసి ఆశ్చర్యపోయాను.. అల్లు అర్జున్పై ‘కేజీఎఫ్’ నటుడు ప్రశంసలు..
అల్లు అర్జున్ హీరోగా సుకుమార్ తెరకెక్కిస్తున్న ‘పుష్ప2’లో కన్నడ నటుడు తారక్ పొన్నప్ప కీలకపాత్రలో నటిస్తున్నారు. తాజాగా తన పాత్ర గురించి వివరించారు. -
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
హిట్ జోడీ.. మళ్లీ సెట్!
నాయకానాయికలు తెరపై జంటగా కనిపించి ఒక్కసారి హిట్ జోడీ అనిపించుకుంటే చాలు.. మళ్లీ వారిద్దరి కలయికలో ఎప్పుడెప్పుడు సినిమా వస్తుందా? అని ఎదురుచూస్తుంటారు ప్రేక్షకులు. -
ఒక్క పోరాటం 26 రోజులు
అగ్ర తారల సినిమా అనగానే పాటలు, పోరాటాలే గుర్తొస్తాయి. వాటిపై కథానాయకులు మరింత శ్రద్ధ తీసుకుంటుంటారు. సెట్లో ఎన్ని సవాళ్లు ఎదురైనా స్వీకరించి రాజీ పడకుండా నటిస్తుంటారు. -
ఈ వేసవిలో బాగా నవ్విస్తాం: అల్లరి నరేశ్
పెళ్లెప్పుడు పెళ్లెప్పుడు అని వెంటపడేవాళ్లకి ఓ కొత్త సెక్షన్ పెట్టి లోపల వేయించండంటూ న్యాయస్థానంలో మొర పెట్టుకున్నాడు ఓ కుర్రాడు. అతని పెళ్లి గోల వెనక కథేమిటి? ఇంతకీ అతడికి పెళ్లయిందా లేదా? -
డైరెక్టర్స్ డేని ఘనంగా నిర్వహిస్తాం
‘‘భారతీయ సినిమాకి డైరెక్టర్స్ డే అనేది తలమానికం. తెలుగులో తప్ప ఇతర భాషల్లో ఎక్కడా ఇలాంటి ప్రయత్నం జరగలేదు. ఇందుకు కారణం... తెలుగు సినిమా గౌరవాన్ని ప్రపంచవ్యాప్తంగా చాటి చెప్పి, గిన్నిస్ బుక్ రికార్డ్ సాధించిన ఏకైక దర్శకుడు దాసరి నారాయణరావు. -
గురిపెట్టిన సత్యభామ
కాజల్ అగర్వాల్ ప్రధాన పాత్రధారిగా తెరకెక్కుతున్న ‘సత్యభామ’ విడుదల ఖరారైంది. సుమన్ చిక్కాల దర్శకత్వం వహిస్తున్న ఈ సినిమాని మే 17న ప్రేక్షకుల ముందుకు తీసుకొస్తున్నట్టుగా ఓ ప్రత్యేకమైన వీడియోతో ప్రకటించింది చిత్రబృందం. -
రజనీకాంత్ చిత్రం... కూలీ
లోకేశ్ కనగరాజ్ దర్శకత్వంలో రజనీకాంత్ కథానాయకుడిగా తెరకెక్కుతున్న చిత్రానికి ‘కూలీ’ అనే పేరుని ఖరారు చేశారు. ఇది రజనీ 171వ చిత్రం. సన్ పిక్చర్స్ నిర్మిస్తోంది. -
మహేశ్బాబు- కమిన్స్ ఫొటో వైరల్.. ఫ్రెండ్స్తో రాశీ.. కాజల్ ‘వింటేజ్ వైబ్స్’
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
పెద్ద స్టార్స్ ఎవరూ ఉండరు.. ‘ది దిల్లీ ఫైల్స్’ అప్డేట్ ఇచ్చిన దర్శకుడు
‘ది దిల్లీ ఫైల్స్’లో పెద్ద స్టార్స్ ఎవరూ ఉండరని దర్శకుడు స్పష్టం చేశారు.
తాజా వార్తలు (Latest News)
-
శిరోముండనం కేసు.. హైకోర్టులో విచారణ వాయిదా
-
జీపీఎస్ జామ్.. రష్యా ‘రహస్య ఆయుధం’ పనేనా..?
-
కేజ్రీవాల్, కవిత జ్యుడీషియల్ కస్టడీ మళ్లీ పొడిగింపు
-
ఫొటోకు పోజులిస్తూ... అగ్నిపర్వతంలో జారిపడిన పర్యటకురాలు
-
విమానాల్లో 12 ఏళ్లలోపు వారికి తల్లిదండ్రుల పక్కనే సీటివ్వాలి: డీజీసీఏ
-
జగన్పై రాయి దాడి కేసు.. నిందితుడి కస్టడీ పిటిషన్పై తీర్పు వాయిదా