Ananya Nagalla: అగ్ర నిర్మాత చిన్న కొడుకుతో పెళ్లి వార్తలు.. అనన్య ఆగ్రహం

హైదరాబాద్‌: ‘మల్లేశం’తో కథానాయికగా ఎంట్రీ ఇచ్చిన తెలుగమ్మాయి అనన్య నాగళ్ల (Ananya Nagalla). మొదటి సినిమాతోనే నటిగా గుర్తింపు తెచ్చుకొన్న ఈ భామ ప్రస్తుతం కెరీర్‌లో రాణించేందుకు ప్రయత్నిస్తున్నారు. ఇదిలా ఉండగా.. అనన్య త్వరలోనే పెళ్లి చేసుకోనున్నారనే వార్తలు ఇటీవల గుప్పుమన్నాయి. టాలీవుడ్‌కు చెందిన ఓ అగ్ర నిర్మాత రెండో కుమారుడితో ఆమె ఏడడుగులు వేయనున్నారని పలు వెబ్‌సైట్స్‌లో కథనాలు వచ్చాయి.

వీటిపై స్పందిస్తూ అనన్య ఆగ్రహం వ్యక్తం చేశారు. ‘‘నాకోసం వరుడిని వెతికినందుకు ధన్యవాదాలు. ఇక.. పెళ్లి ఎప్పుడు, ఎక్కడ చేస్తున్నారో నాక్కూడా దయచేసి తెలియజేయండి. దానివల్ల నా పెళ్లికి నేను కూడా హాజరు కాగలను’’ అంటూ వ్యంగ్యాస్త్రాలు విసిరారు. ‘వకీల్‌సాబ్‌’, ‘మ్యాస్ట్రో’  చిత్రాల తర్వాత అనన్య ‘శాకుంతలం’లో నటించారు.