Ananya Nagalla: తమిళ సీమలోకి అనన్య

‘మల్లేశం’, ‘వకీల్‌ సాబ్‌’, ‘మ్యాస్ట్రో’ వంటి విజయవంతమైన చిత్రాలతో ప్రేక్షకులకు దగ్గరైన తెలుగు నటి అనన్య నాగళ్ల. ప్రస్తుతం సమంత నటించిన ‘శాకుంతలం’ చిత్రంలో కీలక పాత్ర పోషించింది. కాగా.. ఇప్పుడామె ‘అంజల్‌’తో తమిళ ఇండస్ట్రీలోకి కాలుమోపేందుకు సిద్ధమవుతోంది. తమిళ హీరో శశికుమార్‌ నటిస్తున్న చిత్రమిది. తంగం పా.శరవణన్‌ తెరకెక్కిస్తున్నారు. ఇ.మోహన్‌ నిర్మాత. దక్షిణ భారతదేశమంతా ప్రయాణించే ఓ ట్రావెలర్‌ కథతో రూపొందుతోంది. ఇప్పుడిందులో శశికుమార్‌కు జోడీగా అనన్య కనిపించనుంది. ఈ సినిమా త్వరలో సెట్స్‌పైకి వెళ్లనున్నట్లు తెలుస్తోంది.