రజనీ అభిమానులు.. సిద్ధంకండి

ఇంటర్నెట్‌ డెస్క్‌: ఎట్టకేలకు సూపర్‌స్టార్‌ రజనీకాంత్‌ అభిమానులకు ఓ తీపికబురు వచ్చింది. ఆయన నటిస్తున్న ‘అన్నాత్తె’ను దీపావళి కానుకగా విడుదల చేస్తున్నట్లు చిత్రబృందం ప్రకటించింది. ఈసారి ‘అన్నాత్తె’ తెచ్చే దీపావళికి సిద్ధమవ్వండి అంటూ చిత్ర నిర్మాణసంస్థ ఓ ట్వీట్‌ చేసింది. ఈమధ్య రాజకీయ ప్రవేశం చేస్తానంటూ ప్రకటించిన రజనీ.. కొంతకాలానికే అందుకు విముఖత వ్యక్తం చేసిన సంగతి తెలిసిందే. దీంతో రజనీ అభిమానులు కాస్త నిరాశకు గురయ్యారు. కాగా.. మళ్లీ ఈ సినిమా విడుదల వార్తతో వాళ్లకు కొంత ఉపశమనం కలిగినట్లయింది.

ఇటీవల రజనీకి కరోనా సోకడంతో చిత్రీకరణను వాయిదా వేసిన విషయం తెలిసిందే. మళ్లీ ఫిబ్రవరిలో షూటింగ్‌ మొదలుపెడుతున్నట్లు వార్తలు వినిపిస్తున్నాయి. అయితే.. తాజాగా విడుదల తేదీని ప్రకటించింది చిత్రబృందం. ఈ సినిమా డైరెక్టర్‌ సిరుతయి శివ దర్శకత్వంలో తెరకెక్కుతోంది. కీర్తి సురేశ్‌ కథానాయిక. ప్రకాశ్‌రాజ్‌, ఖుష్భూ, మీనా కీలకపాత్రల్లో కనిపించనున్నారు.

ఇదీ చదవండి..

‘క్రాక్‌’ రీమేక్‌ చేస్తా: గోపీచంద్‌ మలినేని