Bala krishna: బాలకృష్ణ ‘NBK 107’ మూవీ టైటిల్‌ అదేనా?

ఇంటర్నెట్‌డెస్క్‌: బాలకృష్ణ(Bala krishna) కథానాయకుడిగా గోపీ చంద్‌ మలినేని దర్శకత్వంలో ఓ సినిమా తెరకెక్కుతున్న సంగతి తెలిసిందే. మాస్‌ యాక్షన్‌ ఎంటర్‌టైనర్‌గా ఓ విభిన్న కథతో రూపొందుతున్న ఈ మూవీ షూటింగ్‌ శరవేగంగా సాగుతోంది. శ్రుతిహాసన్‌ కథానాయిక. తాజాగా ఈ చిత్రానికి రెండు ఆసక్తికర టైటిల్స్‌ను పరిశీలిస్తున్నారట. అందులో ఒకటి ‘అన్నగారు’ కాగా, ‘వీర సింహారెడ్డి’. ఈ రెండింటిలో ‘అన్నగారు’ టైటిల్‌కు ఎక్కువమంది మొగ్గు చూపుతున్నారు. దివంగత నటుడు ఎన్టీఆర్‌ను తెలుగు వారందరూ ‘అన్నగారు’ అంటూ ఆప్యాయంగా పిలిచేవారు. దీంతో ఇదే టైటిల్‌ బాలకృష్ణ సినిమాకు సరిగ్గా సరిపోతుందని భావిస్తున్నారట. దీనిపై త్వరలోనే స్పష్టత వచ్చే అవకాశం ఉంది. కన్నడ నటుడు దునియా విజయ్‌, వరలక్ష్మి శరత్‌కుమార్‌  ఇందులో కీలక పాత్ర పోషిస్తున్నారు. మైత్రీ మూవీ మేకర్స్‌ నిర్మిస్తున్న ఈ సినిమాకు తమన్‌ మ్యూజిక్‌ డైరెక్టర్‌.