Ante Sundaraniki: నాని- నజ్రియా ఫన్నీ చిట్‌చాట్‌.. వీరి ఇష్టాలేంటో మీకు తెలుసా?

ఇంటర్నెట్‌ డెస్క్‌: తమ అభిమాన నటుల వ్యక్తిగత వివరాలపై చాలామంది ఆసక్తి చూపిస్తుంటారు. ఖాళీ సమయంలో ఏం చేస్తారు? ఏ ప్రదేశాలను ఇష్టపడతారు? అనే వాటికి సమాధానాలను వెతుకుతూ ఉంటారు. సోషల్‌ మీడియా చిట్‌చాట్‌ ద్వారా, ఏదైనా సినిమా ప్రచారంలో భాగంగా నటులు అప్పుడప్పుడు ఆ విశేషాలు పంచుకుంటుంటారు. ఈ క్రమంలోనే నాని (Nani), నజ్రియా (Nazriya Fahadh) తమ ఫ్యాన్స్‌ సందేహాలు తీర్చారు. ఈ ఇద్దరు కలిసి నటించిన ‘అంటే సుందరానికీ!’ (Ante Sundaniki) చిత్రం జూన్‌ 30న విడుదలకానుంది. ఈ సందర్భంగా చిత్ర బృందం స్పెషల్‌ వీడియోను విడుదల చేసింది. ఇందులో నాని- నజ్రియా.. ఒకరి గురించి ఒకరికి ఎంత బాగా తెలుసో పరీక్ష పెట్టుకున్నారు. తాము ఎక్కువగా వినియోగించే యాప్‌, ఇష్టమైన సినిమాలు, నచ్చే ప్రదేశాలు తదితర వాటిపై ప్రశ్నలు వేసుకున్నారు. ఈ ప్రమోషనల్‌ వీడియో అందరినీ ఆకట్టుకునేలా ఉంది. ఈ చిత్రాన్ని రొమాంటిక్‌ కామెడీ నేపథ్యంలో దర్శకుడు వివేక్‌ ఆత్రేయ తెరకెక్కించారు. వివేక్‌ సాగర్‌ సంగీతం అందించారు. ఈ సినిమాలో సుందర్‌ పాత్రలో నాని, లీల పాత్రలో నజ్రియా కనిపించనున్నారు. మరి ఈ సుందర్‌, లీల ప్రశ్నాజవాబులను మీరూ చూసేయండి..