Anu Emmanuel: విలేకరిపై అను అసహనం.. వేరే ప్రశ్నలేమీ లేవా? అంటూ మండిపాటు

హైదరాబాద్‌: సూపర్‌హిట్‌ కోసం ఎంతగానో ఎదురుచూస్తున్నారు నటి అను ఇమ్మాన్యుయేల్‌ (Anu Emmanuel). తాజాగా ఆమెన నటించిన సరికొత్త చిత్రం ‘ఊర్వశివో రాక్షసివో’ (Urvasivo Rakshasivo). త్వరలో ఈ సినిమా ప్రేక్షకుల ముందుకు రానున్న నేపథ్యంలో చిత్రబృందం విలేకర్ల సమావేశం నిర్వహించింది. ఈ సందర్భంగా ఓ విలేకరి అడిగిన ప్రశ్నకు అను కాస్త అసహనం చెందారు.

ఇందులో భాగంగా ఓ విలేకరి.. ‘‘మేడమ్‌ మీరు అల్లు అర్జున్‌తో ‘నా పేరు సూర్య’ చేశారు. ఇప్పుడు శిరీష్‌తో ‘ఊర్వశివో రాక్షసివో’ చేశారు. ఈ అన్నదమ్ములిద్దరిలో ఎవరు క్యూట్‌? ఎవరు నాటీ?’’ అని ప్రశ్నించాడు. ఈ ప్రశ్నతో అసహనానికి గురైన అను.. ‘‘మీకు అడగడానికి వేరే ప్రశ్నలు లేవా? దయచేసి.. కాస్త మంచి ప్రశ్నలు అడగండి’’ అంటూ ఒకింత ఆగ్రహం వ్యక్తం చేశారు . దీంతో ఆ రిపోర్టర్‌.. ‘‘సినిమాలో మీకు బాగా నచ్చిన సన్నివేశం ఏమిటి?’’ అని ప్రశ్నించాడు. ‘‘అది ఇప్పుడే నేను చెప్పకూడదు. ఎందుకంటే సినిమా ఇంకా విడుదల కాలేదు’’ అని ఆమె బదులిచ్చారు. ‘మహా సముద్రం’ తర్వాత అను నటిస్తున్న చిత్రమిది. అల్లు శిరీష్‌ కథానాయకుడిగా తెరకెక్కిన ఈ చిత్రానికి రాకేశ్‌ శశి దర్శకత్వం వహించారు. యువతను ఆకట్టుకునే ప్రేమకథతో దీన్ని తెరకెక్కించారు. అచు రాజ్‌మణి, అనూప్‌ రూబెన్స్‌ స్వరాలు అందించారు.