CM Jagan: ఒకరినొకరు పలకరించుకున్న సీఎం జగన్‌, బాలకృష్ణ

హైదరాబాద్‌: ఆంధ్రప్రదేశ్‌ ముఖ్యమంత్రి వైఎస్ జగన్‌మోహన్‌రెడ్డి, హిందూపురం ఎమ్మెల్యే బాలకృష్ణ ఒకరినొకరు పలకరించుకున్నారు. మర్యాదపూర్వకంగా నమస్కరించుకున్నారు. సూపర్‌స్టార్‌ కృష్ణ పార్థివదేహానికి నివాళులర్పించేందుకు పద్మాలయ స్టూడియోస్‌కు వచ్చిన జగన్‌.. కృష్ణకు పుష్పాంజలి ఘటించి సంతాపం ప్రకటించారు. అనంతరం, కృష్ణ కుటుంబ సభ్యులను పరామర్శించారు. మహేశ్‌ను ఆలింగనం చేసుకుని ధైర్యం చెప్పారు. గల్లా జయదేవ్‌, పద్మావతి దంపతులు, సుధీర్‌బాబు, ప్రియదర్శిని దంపతులు, మంజులా, సంజయ్‌ స్వరూప్‌ దంపతులు, నమ్రత, గౌతమ్‌తోపాటు ఇతర కుటుంబసభ్యులనూ ఆయన పేరుపేరునా పలకరించారు. అదే సమయంలో అక్కడే ఉన్న బాలకృష్ణ, తెలంగాణ  మంత్రి తలసాని శ్రీనివాస్‌ యాదవ్‌కు జగన్‌ నమస్కారం చేసి పలకరించారు.