Andhra News: ‘ఆచార్య’ టికెట్‌ ధర పెంచుకునేందుకు ఏపీ ప్రభుత్వం అనుమతి

అమరావతి: ప్రముఖ కథానాయకుడు చిరంజీవి, ఆయన తనయుడు రామ్‌చరణ్‌ కీలకపాత్రల్లో నటించిన ‘ఆచార్య’ సినిమా ఈనెల 29న విడుదల కానుంది. ఈ నేపథ్యంలో ఆచార్య సినిమా టికెట్‌ ధర పెంచుకునేందుకు ఏపీ ప్రభుత్వం అనుమతించింది. పదిరోజుల పాటు రూ.50 పెంచుకునేందుకు అంగీకరించింది. సినిమా నిర్మాణ బడ్జెట్‌ రూ.100కోట్లు దాటిన నేపథ్యంలో రేట్లు పెంచుకునేందుకు ప్రభుత్వం ఓకే చెప్పింది. అయితే ఐదో షో విషయంలో మాత్రం ఇంకా స్పష్టత ఇవ్వలేదు. ఇటీవల విడుదలైన ‘ఆర్‌ఆర్‌ఆర్‌’, రాధేశ్యామ్‌ చిత్రాలకు కూడా టికెట్‌ ధరలు పెంచుకునేందుకు ఏపీ ప్రభుత్వం అనుమతించిన విషయం తెలిసిందే. భారీ బడ్జెట్‌ చిత్రాలకు ఈ వెసులుబాటు కల్పిస్తోంది.

మరోవైపు ఇప్పటికే తెలంగాణ ప్రభుత్వం ‘ఆచార్య’ ఐదో షోతో పాటు టికెట్‌ ధరల పెంపునకు అనుమతించింది. రాష్ట్రవ్యాప్తంగా ఏప్రిల్‌ 29 నుంచి మే 5 వరకు అదనపు షో ప్రదర్శించుకునేలా థియేటర్ల యాజమాన్యాలకు అవకాశం కల్పించింది. ఈ మేరకు ప్రిన్సిపల్‌ సెక్రటరీ రవి గుప్తా.. అన్ని జిల్లాల కలెక్టర్లు, లైసెన్స్‌ అథారిటీలు, పోలీసు కమిషనర్లకు ఆదేశాలు జారీ చేశారు. ఐదో ఆటతోపాటు టికెట్‌ ధరలు పెంచుకునేలా ప్రభుత్వం వెసులు బాటు కల్పించింది. ఒక్కో టికెట్‌పై మల్టీప్లెక్స్‌ల్లో రూ.50, సాధారణ ఏసీ థియేటర్లలో రూ. 30 పెంచుకునేందుకు గ్రీన్‌ సిగ్నల్‌ ఇచ్చిన విషయం తెలిసిందే.