విజయ్‌ సినిమా కోసం పాన్‌ వరల్డ్‌ సాంగ్‌ సిద్ధం చేసిన అనిరుధ్

ఇంటర్నెట్‌డెస్క్‌: తమిళంతో పాటు ఇతర భాషా చిత్రాలకూ సంగీతం అందిస్తూ అలరిస్తున్న యువ సంగీత సంచలనం అనిరుధ్‌ రవిచందర్‌. ప్రస్తుతం పలు భారీ బడ్జెట్‌ చిత్రాలకు సంగీతం అందించే పనిలో ఉన్నారు. అందులో విజయ్‌ ‘బీస్ట్‌’ ఒకటి. సన్‌ పిక్చర్స్‌ నిర్మిస్తున్న ఈ సినిమాకు నీల్సన్‌ దిలీప్‌ కుమార్‌ దర్శకుడు. శరవేగంగా చిత్రీకరణ జరుపుకొంటున్న ఈ సినిమాను వేసవి కానుకగా ఏప్రిల్‌ 14న విడుదల చేయాలని చిత్ర బృందం భావిస్తోంది. ఈ క్రమంలో విజయ్‌ అభిమానులను అలరించేలా ఓ తీపి కబురు చెప్పింది. ప్రేమికుల దినోత్సవాన్ని పురస్కరించుకుని ఈ సినిమాకు సంబంధించిన ఫస్ట్‌ సింగిల్‌ను విడుదల చేయనుంది. ఇందుకు సంబంధించిన ఓ స్పెషల్‌ వీడియోను పంచుకుంది. ‘అరబిక్‌ కుతు’ అంటూ సాగే పాటను రికార్డు చేశారు. ఈ సందర్భంగా నటుడు శివ కార్తికేయన్‌, దర్శకుడు నీల్సన్‌, అనిరుధ్‌ల హంగామా నవ్వులు పంచుతోంది.