Arabic Kuthu: విజయ్‌ వాలంటైన్స్‌ గిఫ్ట్‌.. ఉర్రూతలూగిస్తున్న ‘అరబిక్‌ కుతు’ గీతం

ఇంటర్నెట్‌ డెస్క్‌: కోలీవుడ్‌ ప్రముఖ నటుడు విజయ్‌ హీరోగా నెల్సన్‌ దిలీప్‌ కుమార్‌ తెరకెక్కిస్తున్న చిత్రం ‘బీస్ట్‌’. పూజా హెగ్డే కథానాయిక. అనిరుధ్‌ స్వరాలు సమకూరుస్తున్న ఈ సినిమాలోని తొలి గీతం ప్రేమికుల రోజు సందర్భంగా సోమవారం విడుదలైంది. సంగీతానికి భాష అవసరం లేదని ఎన్నో పాటలతో నిరూపించిన అనిరుధ్‌ మరోసారి తన సత్తా చాటారు. తానే స్వయంగా ఈ గీతాన్ని ఆలపించి అదుర్స్‌ అనిపించారు. గాయని జోనితా గాంధీతో శ్రుతి కలిపారు. ఈ పాటను యువ నటుడు శివ కార్తికేయన్‌ రచించారు. విజయ్‌, పూజా డ్యాన్స్‌ అందరినీ ఆకట్టుకునేలా ఉంది. సన్‌ పిక్చర్స్‌ సంస్థ నిర్మిస్తున్న ఈ కామెడీ- యాక్షన్‌ థ్రిల్లర్‌ ఏప్రిల్‌ 14న విడుదలకానుంది.